Yook 103:13 - Yomgkom

¹³ Awodkimbed dana meed yaa mimyob kowimaan kwamune areb kuu, Yarimanbed ye yaa unimaibdan yaa kangkon mimyob kowimaan.

Yook 103:13 ပူးပေါင်းရင်းမြစ်များ

Yook 103:11

Amborom kuu okadbed ari daane Ewen nandi ye ambab kumunkingki kwamune areb kuu, ye womoniyiibban ye mimyob dowaken kuu miin darewoob, ye yaa unimaibdan yaa.

Yook 103:17

Kumban aron korem anuk doboroonbed mene aron korem ambab ari dobaraneen kumaom kuu Yariman ye womoniyiibban ye mimyob dowaken kuu ye yaa unimaibdan yaa angkimbirimaan. Kwane ye yorokmo kerekmen kangkon yi awoya ari yaa angkimbirimaan,

Yook 147:11

Kumban kane kane yi kuu Yariman yaa une bumangkimaib yaa kuu kubi dowaken kerimaan, kane kane yi kuu ye womoniyiibban ye mimyob dowaken monok ande meedmimaib kuyaa kubimaan kui.

Matyu 6:32

Kwane, Godiibbandan kuu yiribman kee kwane nindorokiibbed kerekanmo yarembirimaib, kumban yiib meeni yiribman keyaa kuu yiib Ambe God yedin yekaadkeroon

Matyu 6:9

Kowe, kekamuni ye kurikuri wengbed dakmime, ‘Nub Ambe Ewen ari dibeeb, ewaningko kuu karadmo ande kankoonuub.

Yoon 20:17

Kwane, Yesumbed yedmoon, “Ne yaa awinewaab, komoyiibkob ne kuu Ambeyiib yaa ikakman winindo kowe. Kumban nangkodmiayiib yaa weneneb ne kuu ikakman ne Ambe, angkon yiib Ambe, ne God, angkon yiib Godiib yaa wanaan kii andi ye weng yi yaa daande.” andoon.

Kwamiwen 13:26

“Angkodmia, Abraham yawo awo aridan kui! Ambibkin yenadan God yaa une bumangkimaib kui! Godbed nimakarub baneen ye weng kuu nub yaa monoon kii.