Yook 100:3 - Yomgkom

³ Yariman kuu God ande yiibkaadkerunime, nub ongmenaboonman kuu yembedmo, kwane nub kuu yeman. Nub kuu ye karuwa nimaya, nub kuu sibi areb ye bangkandimbon aom doruub.

Yook 100:3 ပူးပေါင်းရင်းမြစ်များ

Yook 119:73

Ne kuu eb dingkimbed ongmewen, kwane ebbed ne id kuu wuub nimingkewen, kwane ebbed inamen kaweebkob ebbed kwanime andi ye weng kuu nekaadkeraan.

Yook 12:4

“Nubkareb aromne dakmenabanuub kumbed yena yaa burudandande yi korok keranuub. Nub komo dakmandamuub kuu kumbedmo, karub maambed kebendaanban.” ande dakmimaib kuu Yarimanbed kebenendok.

Yook 149:2

Israeldan kuu yi Ongmoonman yaa kubenime, kwane Saiyondan kuu yi King yaa kubi dowaken kerime.

Yook 46:10

Yembed yedmimaan, “Ne kuu God kowe iwari kerenib wedme meendobe kaadkerime. Ne aningko kuu ambibkin korem ye nimakarubbed kankoonaniib, kwane ne aningko kuu okad korem yaambed kankoonaniib.” andimaan.

Yook 78:52

Kumban Godbed ye nimakarub kuu sibi nimingkemoon areb ben angkanoon, kwane yembed yi kuu sibi areb ben amboon angkarambed angkara kinban dewonoon.

Yook 79:13

Eb nimakarub nub kuu eb kereek amun ari ye sibi areb kowe, yi yaa neman inandunde ediib kerundaneeb kuu, ewaningko aron korem kankoonembaranuub, awoya yaro dobere dobere yaro wananiib korem kuu ewaningko kankooni ye weng dakmembaraniib kui.

Yook 95:3

Kedi, Yariman kuu God darewoob arimbed, ye kuu god yena burudande King darewoob arimbed keroon.

Yoon 17:3

Wadkeri aron korem kukei, God mimo anam eb yaayiib, ebbed nenkoweewa monoonman Yesu Keresu yaayiib yikaadkerundi.

2 Korindan 4:6

Kedi, “Nambiri kuu yuroko kumun yiri kuu namborok.” ande yedmoon ye God, yembed ye nambiri ongmene nub niindem aom kowe yuroon, yuroko Keresu ye murubia yaambed God ye nambiri kaadkerime anded.

Efesusdan 2:10

Kedi, Godbed nub kuu amunmo ongmenaboon, nub kuu Yesu Keresu yaa ben daboknoon kumbed amun amun kami dowad ongmenaboon kii. Amun amun kami kee nubbed ambangkime andi dowad anuk yirimbed nekwoon.

1 Pita 2:25

Amborom kuu anuk kuu yiib kuu sibi areb awerendobenanmo yarebimaib, kumban kibikee yiib kuu yiib kingkin Dorondari Ye Karub, Sibi Ooni Ye Karub, Yesu kui, ye yaa ika miniwen.

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.

1 Pita 4:19

Kwanikob, God ye dowaken yaambed durud yewed kandiwendan kuu, ma korondiyiibban ye Ambengkan God ye dingki ari yiibka konenib, amun amun kamembirime, korondaib.

1 Yoon 5:20

Nub kangkon nubkaadkeruwen, God ye Mingki menene ye inamen kaadkeri nub yaa kondoon kuu anam anam ye God nubkaadkeri dowad. Angkon, nub kuu anam anam ye God ye niindem aom ye yoom doruub, ye Mingki Yesu ye niindem aom doruub kui. Ye kuu God anam, wadkeri aron korem korem ye karub kui.