7 Ye mongkodkono aom kuu butun kamiyiib dudanabiyiib yenbandaniin andiyiib kumbedmo, kwane dabab kondiyiib arewa kamiyiib ye weng kuu kirod dakmaneenmo.
Ye mongkodkonombed dakmimaan ye weng kuu yena yaa bon kerundi ye weng angkon dudanabi weng, kwane ye kuu inamen kangdomiib kami amuniib yaa korondoon dowan.
Ne bondan yi dakmi ye weng kuu anam ande awini yemanban, yi niindem aom kuu monmari ye inamen kumbedmo. Yi mongkodem kuu dabunindo ye bobkonombon areb, kwane yi ongbed birandimaib.
Ye weng kuu dabere windane amun amun dakmimaan kumban, ye niindem aom kuu ana nangmi ye inameniib angkeen. Ye weng kuu dabere windane yewenub weng areb dakmimaan kuned, anam kuu ye weng kuu arud kere ana nangmi ye inamen kerundi ye weng kerimaan.
Yi mongkodkono aombed menebimaan kuu ambarakmi yeman, yi weng dakmi kui, kuu kwamunemo kowe, yi kerengkan kami kuyaambed yi arewa kami kuu korokbende. Yi kuu budun kamiyiib dudanabiyiib dakmimaib kowe,
Yi inamen darewoob kuu nembed deme yumbon ari kai kandaan dowadbed ne nen yiri kubunandamiib. Yi dowaken darewoob kuu dudanabi, kwane amun kerundi weng dakmimaib kumban yi niindem aombed arewa kerundande meenimaib. Selah
“Yiib kuu niindok yi meed, komarewa kere arewadan yiib kuu barang amun ma ande dakmaniib? Dowan! Meenime, karub ye niindem aombed ben bangkandimaankob ye mongkodkono yaambed dembimaan.