Kanembed ye dia doreenman yaa yemyeb wengamborokbanabaneen kuu nembed ye kuu kebenenaniin. Kanembed ye kuu nembedmo yimin ande kerengkan kamaneen kuu nembed ye kuu angkodmenainban.
Inameniibbandan kuu yi niindem aom yedmimaib, “Godiibban dowan.” andimaib. Yi inamen kuu nengkidme arewamo kerenib yi dobiri kiwaan kuu miin arewamo, kwane yi korem kuu ma amun kamimokban.
Kwamunekob, amonombe! Eb inamen arewa minikmanak yaa kuu amonombe God yaa kurikuri keraneeb kumbed mok God kuu eb inamen aom meeni arewa kuu are nonondandaneen manok.
God keyiib kee yikaadkeriwen kumban, yi kuu ye kuu God ande yaningko kankoone ye yaa eso andimokban, yi meeni kuu dowan kerene yi niindem aom kuu kumunmo keroon.
Kwane, yimbed meeniwen kuu God yaa kaadkeruni kuu wunekarem andiwen kowe, yembed yikareb moranmi ye inamen yaa ben nongkoboon, komo komo inamen kuu awine kandi yemanban kuu awine kandiwen.
Meenime, anuk yiri kuu yiib kuu Keresu yaa daboknindo, Israeldan kerindeban, weng kunduk ye amob weng Abraham ye dowad ongmenaboon yaa kuu owoddan keriwen, yiib kuu Godbed nub dowad kwananeen ande meedmiyiibban, Godiibban okad kiri doriib kii.