Yook 10:14 - Yomgkom

¹⁴ Kumban, o God, eb kuu dabab menebiyiib mimyob wandiyiib yaa kuu wedmimaab, kuyaa kuu ben awandi ye dowad meenimaab. Dabab kandoonman kuu yekareb eb dingki ari kowimaan, kwane anenabdan yaa kuu ebbed awandimaab.

Yook 10:14 ပူးပေါင်းရင်းမြစ်များ

Andowoon 21:17

Godbed dana ye ameng wengamberekore, ambid arimbed God ye engyumbed Hagar yaa dandoon “Komandewed meeni darewoob kerewen? Unaab! Godbed dana ye ameng kuu wengamboroon kowe.

Andowoon 31:12

yedmewoon ‘Wedme. Andaankob naningkod ambi bodbodiib akberekiniib kumbedmo yingki yaa durutkim doriib, amborom kuu Lebanbed eb yaa komo kameen kuu ne korem wedmiin.

Yook 146:9

Yarimanbed noroddan nub ambibkin aom doriib kuu kerendombere oonendimaan, kwane yembed awodkiyiibbandaniib iribdaniib kuu awandimaan, kumban arewa kamenabidan yi inamen ongmimaib kuu kebenimaan.

Yook 22:11

Ne yaa ambab keraab, amborom kuu dabab manandamoon kumban karub maambed ma awawaanban kowe.

Yook 31:8

Ebbed ne nende bondan yi dingki ari kowindo, ma, ebbed ne nende dewenebimbon aom kowewen.

Yook 35:22

O Yariman, korem kuyiib kuu wedmewen kowe iwari keraab. O Yariman, eb kuu kwamune ne yaa ambab keraab.

Yook 55:22

Yiib dabab kuu Yariman yaa bangkanibko yembed yiib ben angkumone awandok. Yembed yorokmodan kuu domondaane kirobaibban.

Yook 68:5

Ye kuu anenabdan yi ambe, kwane ye kuu iribdan yi dowad yorokmo wengyundi ye karub, kukuu God ye kowe yambib karadmo aom dibeen kui.

Yook 68:6

Godbed karubkimiibban obon keriwendan be karubkimiib ongmimaan, yenambed yenbande ben wii aom kamobiwendan kuu yembed ben angka nongkobaane yookiib wingkenabe wenebimaib. Kumban wabkaddan kuu koknoon amiibban ye okad aom dobirimaib.

2 Timoti 1:12

Kwamune kamaan kumbed dabab kee kandaan. Kumban ne kuu kuyaa karak bobnainban, amborom kuu kane yaa anam andaan kuu nekaadkereni, nembed komo komo ye dingki ari kowaan kuu yembed yiminmo oonaneen kwane wene nub benwananeen yaron keranuun kuu kangdommo meenaan.

Hibrudan 4:13

God ye indob ari kuu kumkam korem ongmenaboon kuu komombed ma biknindo. Ye yaambed nub komarewa doburuwen kuu dakmanuub ye God ye indob ari kuu inamena meeniya kumkam korem kuu dianmo kwane dange weneen.

1 Pita 4:19

Kwanikob, God ye dowaken yaambed durud yewed kandiwendan kuu, ma korondiyiibban ye Ambengkan God ye dingki ari yiibka konenib, amun amun kamembirime, korondaib.

1 Pita 5:7

Ye kuu yiib yaa dowakeniib kerene awandembirimaan kowe, dabab yaa meeni darewoob korem kuu ye dingki ari nongkobime.