Yook 1:3 - Yomgkom

³ Ye kuu at ok kebed yaa kibiniwen id iri aron yaa kuu irembirimaan areb, ye kuu biid nuubne nombirimokban areb. Komo ambangkaneen kuu yiminmo keraneen.

Yook 1:3 ပူးပေါင်းရင်းမြစ်များ

Andowoon 39:23

Wii yariman kuu Yosefbed wiidan oonoon yaa kuu ma komo meenindo, amborom kuu Yariman Godbed Yosef yaa dore awanimaane yembed komo kamimameen kuu amunmo kerimameen.

Andowoon 39:3

Kwanoone, ye korok kuu wedmoonka, Yariman God kuu ye yaa dore awanimaankob, yembed deme ambangkimameen kuu amunmo kerimaan.

Yook 128:2

Yiib kuu deme awiniwen ye id kuu yiibka ananiib, kwane yiib kuu amun kerundaneene yiminmo dobaraniib.

Yook 129:8

Yi yaa dewenebe burudandandamiibdan kuu kekane yedmaib, “Yariman ye amun kerundi kuu yiib ari kowok, kwane Yariman yaningko yaambed yiib yaa amun kerunduub kii.” andaib.

Yook 92:14

Yi kuu kiomnaniib kumban yowiib iremoon areb kere dobaraniib, yi kuu at nunungiib awoyeebmo areb aromkonoyiib dobaraniib kui.

Yook 92:15

Yi kuu kwane yedmaniib, “Yariman kuu kangdommo, ye kuu nub aromkonombon, ye kuu ma arewayiibban.” andaniib.

Matyu 13:6

Kumban, aron yaro mene yuruuna, kab korem nuubderebe kokdereboon, amborom kuu yumburum kuu ambab yiri kubunebindo kowe.

Matyu 21:19

Kwane, menene wedya yedob at wedmekore, yedob kuu ma wande ana ande wene wedmoonka idiibban biidmo keroon. Kowe, kwane Yesumbed yedmoon, “Aman ari id angkon dibaraabban kerok!” andoon. Andoona, kirodmo kwane biidiib nuubne wene yedob at kuu koknoon.

Matyu 21:34

“Kwane, nong yob yumu wi aron dia kere wunuuna, yariman kuu yaro dore ye demedan yaa yedmoona wene mongkobon oonidan yaa wene ye nong yob bok winiwen.

Matyu 21:41

Andoone, korok korokbed inandiwen, “Ye kuu arewa kamiibdan benmene awine arewa kerundene yeene warekore, mongkobon kuu kandune karub yena kondaneene, yimbed oonenib nong yob wandi aron keranuun kuu wandenib, ye dowad yekayiib konimamaniib.” andiwen.

Yoon 15:6

Kane kanembed ne yaa yone dabokne dorokban kuu nondong kankoraraiwe koknimaan areb. Keye nondong kuu ben wenore amot yiri kiraraiwa denimaan.

Kerek Judbed Wongkoon 1:12

Kwane, Yesu yaa meeni ye orok yiibbed ongmimaib kuu, yimbed yiiwiib yaa mene yi ambarakmi yaa ma meenindo kumbed uniyiibban animaib. Yi kuu korok yikareb yimerenmo oonimaib areb keriwen. Kuyaa kuu yi kuu at dungkun ok yiri biknoon konoo amonombi yeman areb. Yi kuu wiib amiibban nuubbed awuune kande wenebimaan areb. Kwane, yi kuu at kok idiibban okad yirimbed kan biande korarimaan areb. Kwane areb keriwen kowe, yi bobni kuu ayoob keriwen.

Korokboon 22:2

siti kiwaan darewoob wedyirimbed wenebuun. Ok wedyiri kuu wadkeri ye ayiib doreene ok kuu at ye dabderem yiri dewenebuun. At kuu yob yeka maa maa wad ayoowiib ire winimaan. Wood mimo mimo aom kuu yob yeka mamaa mamaa ire winimaan. Ye bid kuu ambibkin mimimdan yi bob anikad ongmenabendi yeman.