Taitus 3:5 - Yomgkom

⁵ yembed nub kuu bobni yaa kuu burudande bindoon. Kwane, nubbed amunmo kame doburuwen kumbed bindindo, yekareb ye mimyob keende kakman are nonondandoon kumbed nub bindoon. Ye kuu Kingkin Karadmombed nub niindem aom oganabe wadkeri yeeb inamen yeeb kondoon yaambed bindoon.

Taitus 3:5 ပူးပေါင်းရင်းမြစ်များ

Yook 130:7

O Israeldan, Yarimanbed kwananeen ande meedmime, amborom kuu Yariman kuu womoniyiibban ye mimyob dowakeniib kowe, kwane ye kuu yiminmo biddi ye karub.

Yook 143:2

Eb dememan ne kuu wengyundi dowad nen wanaab, amborom kuu eb arinambo ari kuu karub maa ma yorokmo dobirindo kowe.

Yook 51:10

O God, ne niindem aom yeweb karadmo ongme. Kwane ne inamen kuu kangdommo kerune.

Yook 62:12

o Yariman, eb kuu womoniyiibban mimyob dowaken keendimaab. Anam kuu ebbed nimakarub mimim korem yaa komarewa ambangkaniib kuu kwamunemo kakman inande kakman bangkandaneeb.

Yook 86:15

Kumban, o Yariman, eb kuu mimyob keene kakman are nonondandi ye God, eb kuu kabamoon kondoon ye mimyob dowaken keendi ye God, eb kuu kirod arud wandi ye karubban, eb kuu womoniyiibban ye mimyob dowakeniib ma korondiyiibban no awinembiriyiib yiminmo ye karub kui.

Yook 86:5

O Yariman, eb kuu amunmoman kuda, eb kuu ambarakmi are nonondandi ye karub, kwane kane kane eb yaa baandimaibdan kuu womoniyiibban ye mimyob dowaken yiminmo keendimaab.

Matyu 3:11

“Ne kuu okbed nimakarub yaa baptais kerundaan kuu ambarakmi yaa koronde God yaa amonombi ye akmi yeman kui. Kumban karub maa ari mananeen kuu ye aningko kuu ambab ari, ne kuu yirimo. Kwane kowe, nembed yambiwoom awunimaana ye yonkad biangke bi ye deme awini kuu yiminban. Yembed Kingkin Karadmoyiib amoyiib baptais kerundaneen.

Yesu Ye Weng Amun Lukbed Wongkoon 1:50

Kane kane God ye dabderem aom doriib kuu yembed mimyob keendembirimaan.

Yesu Ye Weng Amun Lukbed Wongkoon 1:54

Yembed ye demedan Israel ye karuwa nimaya yaa awandene, ye weng kunduk nub awoya yaa yedme kowoon areb kuu mimyob keendimaan, Abrahambed mene ye awoya ari yi korem yaa mimyob keendimaan kii.” andeen.

Yesu Ye Weng Amun Lukbed Wongkoon 1:72

Nub awoya anuk yiri kuu mimyob keendemboroon. Kwane, amob weng yi yaa ongmoon kuu nonondandaanban.

Yesu Ye Weng Amun Lukbed Wongkoon 1:78

Nub God kuu mimyob keendembiri ye God kowe, karub mananeen kuu aron ye nambiri areb, yaro yeedere Ewen arimbed nub yaa mananeen.

Romdan 11:14

Kwanaan kuu Yuudan yi yena kuu wengambere wungkandekoriwe anam andibka Godbed yi kuu bobni yaa burudande bindok andid.

Romdan 11:6

Kukuu ye kabamoon kondoon ye mimyob dowaken yaambed kowe, yika komo komo ambangki yaambedban. Yika komo komo ambangki yaambed kinoon karen, ye kabamoon kondoon ye mimyob dowaken kuu idiibban karen.

Romdan 12:2

Okad yiri ye inamen yaa daboknenwaib, korondibko Godbed yiib inamen meeni kuu yeweb ongmene ben yeka mamaa kerundok. Ke kwamune kerundaneen kumbed andangke wedme God ye meeni dowaken kuu amunmo yorokmo ande yedmaniib. Kedi, God ye meeni dowaken kuu amun amuniib kubi yemaniib demkoronmoyiib kui.

Romdan 3:20

Amborom kuu mim kane kuu yembed Yuudan yi amob kongamki yaambed kuu Godbed ma ye kuu yorokmoman ande yedmaanban, kedi, amob yaambed nub ambarakmi korokbendaane wedmimaub kowe.

Romdan 3:28

Kedi, nubbed kedmengkandimaub kuu, karub kane anam andaneen kuu Godbed yorokmo kerunaneen kumbedmo, Moses ye amob awine kandi yaambedban.

Romdan 4:5

Kumban karub kane ye kuu arewadan ongmene yorokmo kerundi ye God yaa anam andekore God ye deme awineni yorokmo kera andokban keroon kuu, ye anam andi kuu Godbed wedme yorokmo ande kine kowoon.

Romdan 9:11

Kuned yi woonindombed God yeka ye inamenmombed kwanok dowad dana mimo kine yu yaa yedmendoon, “Ayi kuu ningki ye kubun yiri ye deme awini ye karub keraneen.” andoon. Kwanandoon yaron kuu dana ayoob kuu amun o arewa ma kamindo kowe, Godbed dana mimo kinoon kuu yekareb baandoon yaambed, yi komo ambangkiwen yaambedban.

Romdan 9:16

Kwani kowe, Godbed nimakarub kini kuu karub ye inamen awine kandi yaambed o karub ye kami yaambed angkumonimban, God yeka ye mimyob keende kakman are nonondandi yaambed kii.

Romdan 9:30

Kowe, nub kuu komo andanuub? Ke andanuub kei. Yuudanban kuu nubka nub aromkonombed God yaa yorokmo doberem andindo kumban, yi anam andimbed God ye kerekmen yaa ben yorokmo kerundoon.

1 Korindan 6:11

Kwane areb kuu anuk kuu yiib yena kuu kwamunedan. Kumban yiib kuu ogoon. Yiib kuu karadmo kerundoon. Yiib kuu Yariman Yesu Keresu yaningko yaambed nub God ye Kingkinbed yorokmo kerundoon.

Galasiadan 2:16

nub nubkaadkeruwen kukei, kane kane kuu God ye kerebiri arimbed yimin keraneen kuu Moses ye amob awine kandimbedban, Yesu Keresu yaa anam andimbed. Kwane kowe, nub Yuudan kwangkon Yesu Keresu yaa anam anduwen kumbed anam andi yaambed yimin keranuub, kukuu Moses ye amob awine kanduwen kumbedban, amborom kuu amob awine kandi yaambed karub maa kuu ma yimin keraanban kowe.

Efesusdan 2:4

Kumban mimyob keende kakman yemoon are nonondandi ye God kuu, ye mimyob dowaken miin darewoob kumbed

Efesusdan 4:23

Godbed yiib inamen meeni kuu yeweb ongmoko,

Efesusdan 5:26

Kuye dowad kuu ye weng yaambed okbed ogende arene karadmo kerime ande ongmendi yemaniib,

Kolosedan 3:10

dobiri yeweb awine kandiwen kowe. Kuye dobiri yeweb kuu kuye dobiri kiwaan ongmoon ye God areb kere ye yaa kaadkeri yeman.

2 Timoti 1:9

Godbed nub kuu bobni yaa burudande bindene karadmo dobirime ande baandoon. Kwamoon kuu nub komo kamuwen kumbedban, yeka ye inamen nekwooniib ye kabamoon kondoon ye mimyob dowakeniib kumbed kii. Kabamoon kondoon ye mimyob dowaken kee Godbed okada ambida ma andowe ongmindo yaron yirimbed Yesu Keresu yaambed nub yaa kondoon,

Taitus 3:4

Kumban nub Bobni Yaa Burudande Bindi Ye God ye mimyob dowakeniib amun amuniib kuu nub yaa meneboone,

Hibrudan 10:22

Id ayoob keye dowad kumbed nub kuu aadidmiyiibban ye inamenbed anam ande kerebkarawiibban arudkonomo kerenub God ye dia menem, nub niindem aom kuu ye umkanbed engkeremab kiradme bunaboon kumbed, ambarakme karak kanduwen kuu nub meeni dobiri inamen kiwaan yaa arekore, nub id kuu ok karadmombed ogendoon kowe.

Hibrudan 4:16

Kwani kowe, nub kuu kabamoon kondoon ye mimyob dowaken ye God dibere oonimbon ari dibeen yaa kuu kerebkarawiibban arudkonomo wene nandem. Kwananuub kumbed dabab menebaneen kuu nub yaa awandi dowad mimyob keende kakman are nonondandi kandenub, kabamoon kondoon ye mimyob dowaken wedmanuub.

1 Pita 1:3

Nub korem nub Yariman Yesu Keresu yambe God yaningko kankoonem! Godbed mimyob miin darewoob keende nub kakman aroon kumbed, Yesu Keresu bobnoon yiri ika demboon yaambed wadkeri yeeb kondoone, ika woonenub anam kwananeen ande meedmi anammoyiib doruub.

1 Pita 2:10

Anuk kuu yiib kuu God ye nimaya karuwamban, kuned kibikee ye nimaya karuwa keriwen. Anuk kuu yiib kuu God ye mimyob keende kakman are nonondandi kandindo, kuned kibikee yiib kuu kwamune kandiwen.

1 Pita 3:21

Ok kee Godbed yiib bindi ye baptais kerundi ye kumun korokboon. Kukuu yiib kad angka koroom okambi ye dowadban, God ye dowaken yaambed dobaraniin andi ye inamen ye dowad kui. Kukuu Yesu Keresu bobnoon yiri ika nen demboon yaambed Godbed bindoon.