Taitus 1:2 - Yomgkom

² Anam andi keyiib kaadkeri keyiib kuye ambokab kuu wadkeri aron korem korem kande doberembaranuub ande meedmi kui. Wadkeri keye dowad kuu ma dudimokban ye Godbed aron maa ma andowindo kuyaambed weng kunduk yedme kowoon.

Taitus 1:2 ပူးပေါင်းရင်းမြစ်များ

Matyu 25:34

“Kwane Kingbed nimakarub wiwi angka yuroondan yaa yedmaneen, ‘Minime, yiib korem kuu Godbed amun kerundoondan kii. Menenib, yiib Ambe God ye dana meed ye yumbon kuu kandime, yiib yumbon kui. Yiib yumbon kuu Godbed korok kere oonimbon kii, okad ongmoon yaron arimbed yiib dowad nekwoon kii.

Matyu 25:46

Kowe, kwane yi korem kuu koronde wene durud yewed kandimbon yiri aron korem korem doberembaraniiwe, yorokmodan kuu wadkeri aron korem korem kandaniib kii.” andoon.

Maak 10:17

Kwane Yesu kuu andowe wonoone, karub maa kabaanmo wene ye yaa dangbodin yiri bumangkene kaamonoon, “Kedmengkandi korok amun. Komo kerenid wadkeri aron korem korem yeman kuu kandaniin?” andoon.

Maak 10:30

kibireb kiri doruub kee yi yaa Godbed yewudmo bangkandaneene kakman 100iib keraneen. Ambiwiib ambangayiib oniyayiib damanayiib enayayiib danayayiib okadiib kui. Angkon kwane durud yewed konde yenbandi kuyiib kui. Angkon aron mamaa ari kuu wadkeri aron korem korem yeman ye yaa konaneen.

Yoon 10:28

Yi kuu nembed wadkeri aron korem kondaniina, kwane yi kuu ma bobnaibban. Kane karub maambed ne dingki aom kuu burudande ma baanban.

Yoon 17:2

Amborom kuu ebbed nimakarub korem yi korok keri ye aromkono konewen kowe, eb karuwa nimaya konewen korem kuyaa kuu eb Dana Mingkimbed wadkeri aron korem kondaneen.

Yoon 17:24

“Ambe, ne dowaken kuu ne yaa ben bangkawewendan kuu nembed dobaraniin ye yumbon kuyaa kuu yiyiib doberenib ne nambiri wedmaniib kii. Nambiri kee ebbed kawewen, amborom kuu okadiib ambidiib ongmenabindombed eb kuu ne yaa mimyob dowaken keewewen kowe.

Yoon 5:39

Yiib kuu God Ye Weng Karadmo kuu kimingke andangkembirimaib kumbed wadkeri aron korem yeman kandanuub manok ande kamimaib. Kedi, God Ye Weng Karadmo kee dakmeen kuu ne dowad dakmeen,

Yoon 6:54

Kowe, karub kanembed ne idiib umkaniib ananeen kuu aron korem ye wadkeri kandaneen, kwane aron yeenbon arimbed ye kuu nen yeedere wadkeri konaniin.

Yoon 6:68

Kwane, Pitambed inandoon, “Yariman, eb kuu wadkeri aron korem kondi ye wengiib kowe, nub kuu koronde kane yaa wananuub?

Kwamiwen 15:18

unyemanbed korokboona kaadkeriwen.

Romdan 1:2

Kuye weng amun ye dowad kuu unyeman anukbed Yesu okad yiri minindombed Godbed weng kunduk ongmekore ye profesidan yaambed Ye Weng Karadmo ye buk aom wongkoon.

Romdan 16:25

God kuu Yesu Keresu ye weng daandiyiib ne kedmengkandiyiib yaambed yiib ben kangdommo ongmendi ye God. Yembed unyemanbed mene kibikee kan biknoon ye weng kumban kibikee kan dian korokboon yaambed yiib ben kangdommo ongmendoon.

Romdan 2:7

Nimakarub yena yi kuu nambiriyiib aningko amun darewoowiib wadkeri aron korem yemaniib bi dowad yinmone korondiyiibban amun amun kamimaib kuu, Godbed yi yaa wadkeri aron korem kondaneen.

Romdan 5:2

Yesu ye kuyaambed nub kuu anam anduwen kumbed kabamoon kondoon ye mimyob dowaken kee kandi ye ambongko nandekorub, kwane kibikee kuyaombed awine doruub. Kwane, nub kuu God ye nambirimbon aom awunanuub ande arudkonoyiib kubuub kii.

Romdan 5:21

Kwanoon kumbed ambarakmi kuu bobni yaambed oonoon kwamune areb kuu, Godbed kabamoon kondoon ye mimyob dowaken kuu yorokmo dobiri yaambed oonaneen, nub Yariman Yesu Keresu yaambed wadkeri aron korem yeman kondi dowad.

Romdan 5:4

kwane kangdommo doberembiri ye id irimaan kuu komboon kaamoboone yorokmo dobiri, kwane komboon kaamoboone yorokmo dobiri ye id irimaan kuu niindem aom Godbed anam kwananeen ande meedmi kowe.

Romdan 6:23

Kedi, ambarakmi ye deme ye kakman kuu bobni, kumban God ye munob kondi yeman kuu wadkeri aron korem, nub Yariman Yesu Keresu yaambed.

Kolosedan 1:27

Id darewoob ye weng nambiriyiib anukbed biknoon kee nub yaa monoon kuu, Godbed meeni ongmekore ambibkin koremdan kuyaom korokbendoon kuu Keresu kuu yiib niindem aom doreen. Ye yaambed God ye nambiri aom dobaranuub andi ye meedmi yeman.

1 Tesalonaikadan 2:15

Yuudan keembed Yariman Yesuyiib profesidaniib yenbande nongkobenib, nuwiib yenbande yenburiwen. Nubbed Yuudanban yaa dakmimaub kuu Godbed bobni yaa burudande bindaneen ye dowad dakmimaub. Kwane kumbed Yuudan kee kebengkandamiib kumbed nimakarub korem yaa manmo keriiwe, Godbed yi yaa dowakeniibban keroon. Kwamune kumbed yi ambarakmi kuu darewoob kere demboone God kuu norin wande yoon.

1 Tesalonaikadan 5:8

Kumban nub kuu awingyabdan kowe, nubkareb kangkadmem, kwane anam andiyiib mimyob dowaken keendiyiib kuu yirim areb derenem, kwane amaan ari nub kuu Godbed bobni yaa kuu burudande bindaneen andi ye meeni kuu ana nangmidan yi topi kamkono areb derenem.

1 Timoti 6:12

Eb anam andi yaambed arewa menebaneen yaa kuu amunmo dobiriyiib ninanabe burudande. Ebbed nimakarub yemoon yi kidangkambed Yesu yaa anam andaan kii andi ye weng yedmewen kuu Godbed wadkeri aron korem ye dowad kinebdoon. Kwani kowe, wadkeri aron korem yeman kee awine dobere.

1 Timoti 6:19

Kekamune kamaniib kumbed Godbed dowan kerindeban ye kakman Ewen aom nongkobaneene wadkeri anam kandaniib.

2 Timoti 1:1

Ne kuu Pool, Yesu Keresumbed God ye dowaken yaambed kinoona ye apaso keraan. Yesu Keresu yaa anam andiwendan wadkeri kandaniib ye weng kunduk dakmi dowad ne kinoon.

2 Timoti 1:9

Godbed nub kuu bobni yaa burudande bindene karadmo dobirime ande baandoon. Kwamoon kuu nub komo kamuwen kumbedban, yeka ye inamen nekwooniib ye kabamoon kondoon ye mimyob dowakeniib kumbed kii. Kabamoon kondoon ye mimyob dowaken kee Godbed okada ambida ma andowe ongmindo yaron yirimbed Yesu Keresu yaambed nub yaa kondoon,

2 Timoti 2:10

Kwana kowe, Godbed kinoondan yi dowad ne kuu dabab korem meneboon yaa kuu kangdommo doberembirimain. Kwanimain amborom kuu yi kangkon Godbed bindi yeman Yesu Keresu yaambed monoon kuu, dowan keraanban ye nambiriyiib kandime andid.

2 Timoti 2:13

Nub kuu ye yaa weng ongmuwen korondanuub kuu, ye weng ongmoon kuu awinaneen, amborom kuu yeka ye weng aadidmindeban kowe.

2 Timoti 2:15

Godbed yimin andoon ye deme karub andok ande erekmab mekmeed kereneb ye kiringkono ari dobere. Kwamune ye deme karub kuu karak bobnimokban kere anam anam ye weng kuu yorokmo kedmengkandimaan.

Taitus 2:13

Kwamunembed awine doruub kuu nub Bobni Yaa Burudande Bindi Ye God Arimbed Yesu Keresu nambiriyiib angkadere mananeen yaron amun yaa meenmo doruub kii.

Taitus 2:7

Eb kuu korem amun amun kame. Kukuu kekamune kerime andewed yeman. Eb kedmengkandi yaambed, kedmengkandiyiib dobiriyiib ibmo keri ye inameniib yiminmo dobiriyiib yiminmo dakmiyiib korokbende. Inamen kee arewa kedi dakmaibban. Kowe, kwane kane kanembed eb yaa manmo keraniib kuu yika wedme karak kandaniib, amborom kuu yimbed nub yaa ambarakmi ma akmaibban kowe.

Taitus 3:7

Kwanakob, kwane ye kabamoon kondoon ye mimyob dowaken yaambed nub kuu yumbon kondoonkob, wadkeri aron korem korem yeman kandanuub ye dowad meenmo doruub.

1 Yoon 2:25

Kowe, ye weng kunduk nub yaa kuu kei, wadkeri aron korem korem yeman kondoon.

1 Yoon 5:20

Nub kangkon nubkaadkeruwen, God ye Mingki menene ye inamen kaadkeri nub yaa kondoon kuu anam anam ye God nubkaadkeri dowad. Angkon, nub kuu anam anam ye God ye niindem aom ye yoom doruub, ye Mingki Yesu ye niindem aom doruub kui. Ye kuu God anam, wadkeri aron korem korem ye karub kui.

Kerek Judbed Wongkoon 1:21

God ye mimyob dowaken aom dobere meedmibko, nub Yariman Yesu Keresu ye mimyob keende kakman are nonondandi yaambed yiib yaa wadkeri aron korem yeman kanmananeen.

Korokboon 13:8

Okad yiridan korem kuu ye yaa kurikuri kere yaningko kankoonaniib, kukuu aye kowiwen ye Sibi Mana ye wadkeri buk aombed kumkam korem ongmenaboon yaron yirimbed aningko wongkindodan kui.

Korokboon 17:8

Kedi, arud dingkan wedmenewen kuu anuk doboroon kumbed kibikee dorokban, ye kuu dem kongdem yirimbed dembe yarene ye monmari ye yumbon yaa wananeen. Okad yiri doriibdan kuu yimin yiri andowene okad awene ongmenaboon yaronbed wadkeri ye buk aom yi aningkoyiib wongkindo keraneen kuu arud dingkan wedmenekorib binangkaniib, amborom kuu anuk doboroon kumbed kibikee dorokban, kuned angkon mananeen kowe.