Romdan 8:26 - Yomgkom

²⁶ Kwamune areb kuu Kingkin Karadmo kuu nub aromkonoyiibban yaa kuu yembed awandimaan. Komo dowadbed kurikuri keranuub kuu nub koron, kumban Kingkin Karadmombed yeka nub dabab kandaib andi dowad aningko wengbed dakme dorinban kukui andinban kumbed warekane God yaa komkimaan.

Romdan 8:26 ပူးပေါင်းရင်းမြစ်များ

Yook 10:17

O Yariman, dabab kandiwendan yi meeni dowaken kuu ebbed wedmeneb, ebbed yi yaa kube ongkandeneb yimbed eb yaa baandi kuu ebbed wengamberendimaab.

Yook 102:20

Kukuu wii aom kamobiwendan yi wareki wengamberekore, dukni yeman andiwendan yaa ben angka nongkobanded.” kwane wongkime.

Yook 102:5

Ne wareki darewoob kamimain kumbed yomiibban konokonomo keraan.

Yook 6:3

Kwane, ne kingkin kumundin kuu dabab keroon. O Yariman, komo aron arimbed eb awawi kuu ne yaa mananeen?

Yook 6:9

Yariman yaa mimyob keewe awawe ande baandaan kuu wengamboroon. Ne kurikuri yaa kuu Yariman wengamberene ee yimin andoon.

Yook 69:3

Ne kuu awawime ande komkimain kumbed ne kiwadkok kuu kiwandoon. Ne kuu God ande onmoni nindob yidnoon.

Matyu 10:20

Kukuu yiib aromkono yaambed kwane dakmaibban, yiib Ambe God ye Kingkin Karadmombed ibnendene dore yiib yaa daandaneena kwane yedmaniib.

Matyu 20:22

Kwane, Yesumbed inande yedmendoon, “Yiibbed kaamobiib ye id kuu yiibkaadban. Nembed durud yewed kandi ye kiwaan ari wanandamiin kuu, yiib kwangkon kwane wananiib dee?” andoon. Andoona, yi ayoobbed yedmiwen, “Ee nub kuu yimin.” andiwen.

Yesu Ye Weng Amun Lukbed Wongkoon 22:44

Kwane, Yesu ye niindem aom kuu miin yiminban keroon kowe, kwane aromkonomo kurikuri kamemboroon. Kwane, kamene nimin ok kuu umkan areb okad yiri kiroboon.

Yoon 14:16

Kwane, nembed Ambe kaamonaniina yembed yiib yaa Awandi ye Karub maa kondaneene yiib yoom aron korem dobaraneen.

Romdan 15:1

Nub kane kane anam andi yaa kangdommo doruub kuu anam andi wuuddan yaa koromone awandem, nubka nubmeren kubi dowad ambangki ye inamenmo awinaub.

Romdan 7:24

Ne kuu miin kubiyiibbanman anam kii! Kanembed id kembed bobni yaa ne nenweneen kee burudande obon kawaneen?

Romdan 8:15

Yiibbed Kingkin Karadmo kuu nendiwen kuu yiib ben yena yi dabderem yiri dobere no deme awinembiri ye karub ongme unimbed oonendi dowadban, kukuu yiib kuu God ye meed keri dowad Kingkin Karadmo kuu nendiwen. Kwanikob nub kuu God yaa “Ambe, Ambe” ande baandimaub, Kingkin Karadmo yaambed.

2 Korindan 5:2

Kumban nub id kuu kibik no okad yiri ye kombon kemaom doberemoon areb doruub kowe, Ewen ye ambib kande inwarem ande wareki kamuub,

2 Korindan 5:4

Kedi, nub kuu kuye okad kiri ye komboniib doruub kuu, warekaune dabawiib doruub, amborom kuu kad dobmo dobiri kuu nub dowakenban, nub dowaken kuu Ewen ye ambib inwarunduked yimin. Kowe, okad kiri ye bobni yeman kuu amonombe wadkeri aron korem yeman keraneen.

Galasiadan 4:6

Yiib kuu God ye meed keriwen kowe, Godbed ye Mingki ye Kingkin Karadmo kuu nub niindem aom kondoon. Keye Kingkin kembed nub niindem aombed God yaa “Ambe, Ambe.” ande baandimaan.

Efesusdan 2:18

amborom kuu nuwa yiiwa ibmo Kingkin mimo yaambed Ambe God yaa wini ye kiwaan yembed ongmoon kowe.

Efesusdan 6:18

Kwane, derekmana aron korem ari kuu Kingkin yaambed kurikuri maa maa koremiib kame yedmime. Kee yiib inamen aom kowenib kerekberenmo doberenib, God ye karadmodan korem yi dowad kurikuri kamendembirime.

Hibrudan 4:15

Kedi, nub korok darewoob kuu nub dobiri inamen awine kandi kuu aromkonomban kuyaa kuu yone ibmo kere mimyob keende awandi yiminmo ye karub. Ye yaa kuu nub yaa areb kiwaan korem yaambed ambarakmok ande biranande kamoon kumban, ye kuu ma ambarakmindo.

Hibrudan 5:2

Ye kuu kane kane nonoon kerenib kimyen weniibdan yaa kuu nangkemmo awandaneen kuu yimin, amborom kuu ye kangkon ye dobiri inamen awine kandi kuu aromkonomban kerimaan kowe.

Yems 4:3

Kwane, yiib kuu God yaa kaamoniwen kuu ma kandindo keriwen, amborom kuu inamen abdon ye dowad yaambedmo kaamonibko komo kondaneena kandaniib kuu yiib id ye dowaken yaamo kowe awinandamiibkob kondindo keroon.