Romdan 8:24 - Yomgkom

²⁴ Amborom kuu kwananeen ande meedmuwen kumbed Godbed nub kuu bobni yaa ben burudande bindoon kowe. Kumban karub kane ye kuu Godbed kwananeen ande meedmoon kumbed wedme kandoon kuu, ye kuu awine kandoon kowe kukuu Godbed kwananeen andi yemanban kii. Kanembed awine kandoon yeman ye dowad Godbed kwananeen ande meedmaneen? Dowan!

Romdan 8:24 ပူးပေါင်းရင်းမြစ်များ

Yook 146:5

Kumban kane kane yi kuu Yekob ye Godbed awandimaan kuu amun kerundoon, Yariman yi God ye dowad yembed kwananeen andimaibdan kui.

Yook 33:18

Kumban kane kane yi kuu Yariman yaa une bumangkimaib kuu, yembed yi yaa oone kerendombirimaan, kwane kane kane God ye womoniyiibban ye mimyob dowakenbed awawaneen ande meedmimaib kuu yembed yi kuyaa oone kerendombirimaan.

Yook 33:22

O Yariman, eb womoniyiibban ye mimyob dowaken kumbed nub yaa angkimborok, nub kuu ebbed kwananeeb ande meedmo doruub kuyaambed kwanok.

Romdan 12:12

Yiib kuu Godbed kwananeen ande meedmi yaambed kubime. Durud yewed meneboon kuyaa kuu yodbirimban emambed doberembirime. Kurikuri kamimaib kuyaa kuu ma korondaib, no kwane kamembirime.

Romdan 15:13

Kowe, yiib kuu God yaamo angkumone doriib kuu, yembed kwananeen ande meedmimaib ye Godbed yiib yaa kubiyiib yewenubmo dobiriyiib bangkandoko yiminmo kerok. Kwananiib kumbed Kingkin Karadmo yaromkono yaambed Godbed kwananeen ande meedmibka yiminmo kerok anded.

Romdan 15:4

God Ye Weng Karadmo aombed anukbed wongkanabiwen ye weng korem kuu nub yaa kedmengkandi dowadbed wongkiwen. Kowe, kuye weng yaambed ma korondiyiibban kangdommo dobiriyiib God Ye Weng yaambed kube ongkandiyiib awine kandanuub kumbed Godbed kwananeen ande meedme dobaranuub.

Romdan 4:18

Abraham kuu weng kunduk anam id keri ye kiwaan ma wedmindo kuned anam ande meedme doboroon kowe, ye kuu ambibkin yemoon ye awodki keroon. Godbed ye yaa anuk yedmoon, “Eb awoya ari kuu kekamune areb keraniib.” andoon kuu ibonmo keroon ye yaa.

Romdan 5:2

Yesu ye kuyaambed nub kuu anam anduwen kumbed kabamoon kondoon ye mimyob dowaken kee kandi ye ambongko nandekorub, kwane kibikee kuyaombed awine doruub. Kwane, nub kuu God ye nambirimbon aom awunanuub ande arudkonoyiib kubuub kii.

Romdan 8:20

Kwane, ongmenaboon ye kumkam korem kuu yi anam id keri ye kiwaan ma wedmindo, kuu yika yi dowakenbedban, God ye dowaken kwanok andoon yaambed kwaniwen. Godbed weng ongmoone kwamunaneen andiwen kuu,

1 Korindan 13:13

Kwane kowe, kibikee ayoobmim keyiib dangoon kuu anam andiyiib ari Godbed kwananeen ande meedmiyiib mimyob dowaken keendiyiib. Kumban keyaombed darewoob anam kuu mimyob dowaken keendi kui.

2 Korindan 4:18

Kowe, nub indob korem kuu benkirare kereknaub kuu, yiribman okad kirimbed wedmuub ye yiribman yaamban, wedmindeban ye inamen Ewen arimbed monoon yaa kereknaub. Amborom kuu wedmimaub ye yiribman kuu arabenmo angkimbaraneen kumban, wedmindeban ye inamen kuu dowan kerindeban aron korem korem angkimbaraneen kowe.

2 Korindan 5:7

Kedi, nub kuu nub indobbed wedmuub yaambedban anam andi yaambed doruub.

Galasiadan 5:5

Kumban anam andi yaambed nub kuu Kingkin Karadmombed awandimaane Godbed nub ben yorokmo kerundi yaron kuyaa ande meedmuub kuu nindorokiibbed meedmuub kii.

Kolosedan 1:23

Kumban yiib anam andi kumbed doberembaraniib kuu kwamunemo keraniib kumbedmo. Yiib anam andi kuu yumburum ambab yiri kawenebe awingkanabemoon areb keriiwe, weng amun aombed Godbed kwananeen ande meedmi kuyaambed ben kimyen winindo kumbed kui. Kuye weng amun kuu yiib wengambiriwen, kwane weng amun kee okad yimin yimin yaa doriibdan yaa daandiwen, kwane weng amun keye deme karub keraan, ne Pool.

Kolosedan 1:27

Id darewoob ye weng nambiriyiib anukbed biknoon kee nub yaa monoon kuu, Godbed meeni ongmekore ambibkin koremdan kuyaom korokbendoon kuu Keresu kuu yiib niindem aom doreen. Ye yaambed God ye nambiri aom dobaranuub andi ye meedmi yeman.

Kolosedan 1:5

Anam anam ye weng, weng amun kui, kuu yiib yaa ibduruk monoon kuu Godbed Ewen arimbed komarewa kamaneen anam andidan yi dowad kuu yiib wengambiriwen. Kowe, yiib anam andiyiib mimyob dowakeniib kuu kuye weng yaambed demboon. Kuye weng kunduk kuu, yiib kuu anam kandanuub ande meedmiib kii.

1 Tesalonaikadan 5:8

Kumban nub kuu awingyabdan kowe, nubkareb kangkadmem, kwane anam andiyiib mimyob dowaken keendiyiib kuu yirim areb derenem, kwane amaan ari nub kuu Godbed bobni yaa kuu burudande bindaneen andi ye meeni kuu ana nangmidan yi topi kamkono areb derenem.

2 Tesalonaikadan 2:16

Nub yaa mimyob dowaken keendene ye kabamoon kondoon ye mimyob yaambed aron korem ye ongkandi amuniib ye yaa meedmi amuniib kondoon ye God, nub Ambe God kui, ye yoom nub Yariman Yesu Keresu yoombed

Taitus 3:7

Kwanakob, kwane ye kabamoon kondoon ye mimyob dowaken yaambed nub kuu yumbon kondoonkob, wadkeri aron korem korem yeman kandanuub ye dowad meenmo doruub.

Hibrudan 11:1

Kedi, anam andi kuu amaan ari kwananeen ande meedmuub yaa kerebkarawiibban kangdommo meeni yeman, anam andi kuu nub ma wedmindo yeman yaa anam dangoon andi yeman.

1 Pita 1:21

Yesu yaambed yiib kuu God yaa anam andiwen. Godbed ye nen demboone wadkeroone nambiriyiib konoon. Kwani kowe, yiib anam andiyiib anam id keraneen ande meedmiyiib kuu God yaambed kii.

1 Pita 1:3

Nub korem nub Yariman Yesu Keresu yambe God yaningko kankoonem! Godbed mimyob miin darewoob keende nub kakman aroon kumbed, Yesu Keresu bobnoon yiri ika demboon yaambed wadkeri yeeb kondoone, ika woonenub anam kwananeen ande meedmi anammoyiib doruub.

1 Yoon 3:3

Ye kuu karadmoman kowe, kane kanembed ye areb keranuub andi ye inamen awinaniib kuu yi kangkon yikareb yi niindem aom arene karadmo keraniib.