Romdan 8:1 - Yomgkom

¹ Kwani kowe, yiib kuu kibikee Yesu Keresu yaambed doriib kuu wengyundi ye dabab ma kandaibban.

Romdan 8:1 ပူးပေါင်းရင်းမြစ်များ

Yoon 14:20

Kuyaron kuu yiibkaadkeraniib kuu ne kuu Ambe ye niindem aom doriina yiib kuu ne niindem aom doriiwa kwane ne kuu yiib niindem aom doriin.

Yoon 15:4

Kwane, yiib kuu ne niindem aom yone doberembirime. Kwananiib kuu ne kuu yiib niindem aom yone doberembaraniin. Nondong kuu yekamo kuu id iraanban, nong ambokab yaa yone dobaraneen kumbed idiib iraneen. Kwane kuu yiib kwangkon ne yaa yone doberembaraniib kumbed idiib keraniib, yone dobaraibban kuu id iraibban.

Yoon 5:24

“Kwani kowe, nembed yiib yaa ke anammo yedmendaan kei, karub kanembed ne weng wengambere Godbed ne nenkowoona manaan yaa anam andoon kuu, wadkeri aron korem kuu kandoon kii. Kowe ye kuu dabab kandaanban, kwane bobni yaa domone wadkeri yaa yanoon.

Romdan 16:3

Ne yoom deme ibonmo awinuwendan Prisila yoom Akwila yoom yaa Yesu Keresu yaningko yaambed kubendime.

Romdan 16:7

Anduronikus yoom Yunia yoom yaa kubendime. Yi kuu Yuudan anuk ne yoom ibonmo wii aom doburuwen. Yi kuu apasodan kumaom kuu kadwongkandimbon. Kwane, yi kuu yidin Keresu yaa anam andiwen, ne kuu yi yomanbed anam andaan.

Romdan 5:1

Kwane kowe, nub kuu anam andi yaambed bendune yorokmo kerundoon kowe, nub kuu nub Yariman Yesu Keresu yaambed God yaa yewenuwiib keruwen.

Romdan 5:16

Kumban God ye munob kondi yeman kuu karub mimo ye ambarakmi ye id iroon arebban. Kedi, mimo ambarakmoon kuye yoman kuu Godbed wengyunde dabab konoon, kumban yemoonmo ambarakmenabiwen kuye yoman kuu God ye munob kondi yeman kuu mene yemoon ben yorokmo kerundoon.

Romdan 7:17

Kwani kowe, inamen arewa kuyiib awine kandi kuu ne mim nembed kamimokban, kumban kuyiib kuu ambarakmi ne aom doreen kumbed kamimaan kii.

Romdan 7:20

Kwane, ne dowakenban kuu kwamune kamain ande meenimain kuu kuyaa kamimain kuu, nembedban ambarakmi ne niindem aom doreen kumbed ambangkimaan kii.

Romdan 8:11

Kwane, Yesu bobnoon yirimbed nen demboonman ye Kingkin kuu yiib niindem aom doreen kuu anam keraneen kuu, yiib id kuu duknaniib kowe, Godbed ye Kingkin yiib niindem aom doreen kumbed yiib id kuyaa kuu wadkeri konaneen.

Romdan 8:14

Amborom kuu kane kane God ye Kingkinbed kinbaana doriib kuu God ye meed kii.

Romdan 8:2

Amborom kuu Yesu Keresu yaambed aron korem ye wadkeri kondi ye Kingkin ye amobbed ambarakmiyiib bobniyiibbed nub oonendi yaa kuu yiib ben obon kerundoon kowe.

Romdan 8:34

Kanembed wengyundi ye dabab Godbed kinoondan yaa kondaneen? Dowan, Yesu Keresu kuu ye kuu bobnoon kumbed ari kuu, ye kuu bobnoon yirimbed nenkoonoone wadkeroon ye karub, ye kuu God ye wiwi angka dorene nub dabab kandaib andi dowad God yaa dakmimaan.

Romdan 8:39

ambab ari yemanbed o ambab yiri yemanbed o kumkam ongmenaboon ye barang maambed kuu God ye mimyob dowaken nub Yariman Yesu Keresu aom angkeen yaa kuu nub ma ben andokbaanban.

Romdan 8:4

Kwanoked nub kuu yorokmo kerunde God ye amob kumundinmo ye kerekmen yaambed yiminmo kerundok, id ye dowaken yaambedban Kingkin ye kerekmen yaambed doruubdan kumbed.

Romdan 8:9

Kumban yiib kuyiib kuu id ye dowaken yaambed dorokban, kuyiib kuu Kingkin ye dowaken yaambed doriib, God ye Kingkinbed yiib aom doreen kowe. Kumban, kane ye kuu Keresu ye Kingkiniib ye aom dorokban kuu ye kuu Keresu yemanban.

1 Korindan 1:30

Kedi, yiib kuu Yesu Keresu ye karuwa nimaya yi ambokab kuu God kii. Yesu kuu nub dowad God ye meeni kangdom keroon, nub yorokmo kerundi ye karub, nub karadmo kerundi ye karub, nub biddi ye karub kui.

1 Korindan 15:22

Kedi, Adam yaambed nimakarub korem dukni yeman keriwen kwamune areb kuu, Keresu yaambed nimakarub korem wadkeri kandi yeman keraniib.

2 Korindan 12:2

Kowe, ne nekaad kuristen karub maa weeb 14iib anukbed Godbed nen ambibkin Ewen ambab ari daanoon. Karub kuu idiib nen daanoon o kingkinmo kuu nekaadban, Godmo yekaad.

2 Korindan 5:17

Kwana kowe, kane kanembed Keresu yaa anam ande dabokniwen kuu yi kuu yeweb ongmenaboon. Kurin yiri yeman kuu dowan, yeweb yeman yi yaa angkeen kii!

Galasiadan 3:13

God Ye Weng aombed wongkoon kuu, “Karub kane ayarimbed kankooniwen kuu arewa kerundi ye dabab kandoon.” andoon kowe, Keresumbed nub dowad arewa kerundi ye dabab kandoon kumbed Moses ye amobbed arewa kerundi ye dabab yaa nub kuu biddoon.

Galasiadan 3:26

Yesu Keresu yaa anam andi yaambed yiib korem kuu God ye meed keriwen,

Galasiadan 3:28

Keyaa keyiib kee Godbed kuu ma andokbindo, Yuudan o Yuudanban, yena yi dabderem yiri dobere no deme awinembiridan o yikareb oone doriibdan, karub o wonong, yiib korem kane kane Yesu Keresu yaa iniwen kuu korem mimodan.

Galasiadan 5:16

Nembed yedmaan kuu kei, Kingkin Karadmombed ben kinban wonoko dobirime. Kwananiib kumbed id ye dowaken kuu ma awine kande dobaraibban.

Galasiadan 5:25

Nub kuu Kingkin Karadmo yaambed doruub kowe, ye dowaken yaambed awine doberem.

Efesusdan 1:1

Ne kuu Pool, God ye dowaken yaambed Yesu Keresumbed kinoona ye apaso keraan. God ye karadmodan Efesus aom doriib, yiib kuu ma korondiyiibban Yesu Keresu ye weng yaamo anam ande doberembirimaibdan, yiib yaa kerek kee keendaan.

Filipaidan 3:9

ye ibmo kereni, yorokmo kerundi kuu nembed Yuudan yi amob awinimbed kerain andeni, yorokmo kerundi kuu God yaambed Keresu yaa anam andimbed kera andid.