Romdan 7:15 - Yomgkom

¹⁵ Kedi, komo komo ambarakmimain kuu komarewa kii? Nekaadban ii. Nembed amun amun kwama ande ne dowaken kerimain kuu, ne kwamune kamimokban, ambarakmimbed kebenewoon kowe. Ma, nembed miin dowakenban kuu kwamune kamain ande meenimain kuu kuyaa kamimain.

Romdan 7:15 ပူးပေါင်းရင်းမြစ်များ

Yook 1:6

Amborom kuu Yarimanbed yorokmodan yi dobiri kiwaan kuu oone wedme kerendobirimaan, kumban arewa kamidan kuu monmari ye kiwaan ari weniib.

Yook 101:3

Ne indob ari kuu karakiib arewa ye barang kuu ma dowakeniib kerainban. God yaa angkurom korokbeniwendan yi kamenabi yaa kuu kongendimain, yi kuu ne ma nen kimyen wanaibban kii.

Yook 119:104

Eb kongamki yamob yaabed inamen kaadkeri kandimain, kwanekob ne kuu abdon kami kiwaan korem yaa kuu dowakenban odkenebmo kerimain. Nun

Yook 119:113

Aadidmidan kuu naawonmo kongendimain, kumban eb amob yaa mimyob dowaken kowaan.

Yook 119:128

Kwanekob, inamen korem yaa kuu eb kongamki yamob kuu yiminmo ande wedmaan, kowe dudanabi kiwaan korem yaa kuu naawonmo kongendimain. Pe

Yook 119:163

Ne kuu dudanabi yaa naawonmo kongendeni komyeng areb kerimain, kumban ne kuu eb amob yaa mimyob dowaken kowimain.

Yook 119:32

Ebbed kwanime andi ye weng ye kiwaan arimbed dodkanmo weniin, amborom kuu ne yaa kuu inamen kaadkeri ariyiib kawewen kowe. He

Yook 119:40

Kedi, eb kongamki yamob yaa kuu moom dowakeniib kowembirimain kii, Eb yorokmo kerekmen yaambed ne kuu ongmewebko wadkera. Waw

Yook 19:12

Kanembed yeka ye ambarakmi kuu wedmenaneen? Dowan. Nekaadkerunindo ye ambarakmi kuu ebbed are nonondande.

Yook 36:4

Ye angkimbon arak ari angkimaan kwangkon yena yaa bon kerundi ye inamen kowimaan, kwane “Arewa kami ye kiwaan ari dobara.” ande kwanimaan, kwane ye kuu inamen arewa yaa kangkadmimokban.

Yook 65:3

Ambarakmenabuwen kumbed meendobi darewoob kere miin yiminban keruwen kuu ebbed nub ambarakmi are nonondandewen.

Yook 97:10

Yariman yaa mimyob dowaken keenimaibdan, arewa yaa kuu wangdandunime. Kedi, ye kerekmen yaambed doriibdan kuu yembed dorondarimaan, kwane yi kuu yembed miin arewadan yi aromkono aom ben angka nongkobimaan.

Yesu Ye Weng Amun Lukbed Wongkoon 11:48

Kwane, yiib ambeyambed komarewa kamiwen kuu yiibka anam amun ande korokbiib kui. Yimbed ambarakmiwen kuu yiibbed ibmo keriwen.

Yoon 15:15

Kibireb kee yiib kuu dabderem yiri dobere no deme awinembiridan andundainban, amborom kuu demedan kuu yi yarimanbed komo komo ambangkimaan kuu yi yikaadban kowe. Kumban kibireb kee yiib kuu nangkodmia andundaniin, amborom kuu Ambe yaambed komo komo wengambaraan korem kuu yiib yaa daandaane wengambiriwen kowe.

Romdan 12:9

Yiib mimyob dowaken keendi kuu ma aadikmiyiibban kerok. Arewa kami ye barang yaa kuu miin dowakeniibban kerime, kwane amun kami ye barang yaa kuu amuknime.

Romdan 14:22

Kowe, komo inamen kuyaa kuu yiibbed inamen amun ande meene anam andiiwe Godbed ee yimin andoon kumban kuristendan yenambed awinaubban inamen arewa andimaib kuu, yiibka God ye arinambo arimbed kuye inamen kuu ben amuknime. Karub kanembed God yaa meenene inamen amun ande karekmiyiibban kerekore kuye inamen awinoon kumbed ambarakmaan ma andindo kuu Godbed amun kerunoon.

Romdan 7:16

Nembed dowakenban yaa kamaan kuu kembed korokboon kuu ee yimin andaan kuu Moses ye amob kuu amunmo.

Galasiadan 5:17

Amborom kuu id ye dowaken kuu yeka, Kingkin Karadmo ye dowaken kuu yeka. Id ye dowaken yoom Kingkin Karadmo yoom kuu bon keriwen. Kowe, yiib kuu yiib dowaken yaambed kamimokban.

2 Timoti 2:19

Kumban komo komo Godbed kamkonomo ongme kowoon kuu kwamunemo kwane angkimbirimaan. Ke ongme kowoon kee dongka bot areb, kwari wongkoon kuu “Yariman kuu ye karuwa nimaya kuu yekaad.” andoon. Angkon weng maa kwari wongkoon kuu “Kane kanembed ‘Yesu kuu nub Yariman’ andimaibdan korem kuu arewa kami yaa korondaniib kumbed yimin.” andoon.

Hibrudan 1:9

Yorokmo dobiri yaa dowakenmo kerewen, kumban inamen arewa yaa arud wandemberewen. Kwanikob, God, eb Godbed eb korok ari kubi yeman olif ambod ye oiyo bune kinoon kumbed, eb nendene eb angkodmia burudande ari nenkowoon.” andoon.

Yems 3:2

Nub korem kuu kiwaan yemoon yaambed ambarakmi yaa kombirimaub. Karub kanembed weng arewa ambong ma yedmindo keraneen kuu, ye kuu demkoronmo ye karub, yeka yemeren kangkadme korobe oonimaan ye karub kui.

Kerek Judbed Wongkoon 1:23

Nimakarub yena kumbaanban yamotbon kiwaan yiri winiib kuu ben burudande angkadirime. Nimakarub yena yaa kuu yi ambarakmi yaa mimyob keende are nonondandime. Kumban une kaadkerime, yi ambarakmi ye inamenbed yiib yaa dedmoni kuu yobdoodban.