Romdan 6:22 - Yomgkom

²² Kumban kibikee yiib kuu ambarakmi yaambed dudbere ben obonmo kerundoone God ye deme no awinembiridan keriwen kowe, karadmo keriwen. Kwane, kuye id irimaan kuu wadkeri aron korem.

Romdan 6:22 ပူးပေါင်းရင်းမြစ်များ

Andowoon 50:17

Yosef yaa yedmime. ‘Eb aagorokambed eb yaa ambarakmiwen ye kakman kuu are nonondande. Yi kuu eb ambe ye God ye deme karub kowe, angkon yimbed komo arewa eb yaa kamiwen ye dabab kuu are nonondande.’ andoon kii!” ande weng keeniwen. Yosef kuu wengambere mimyob keende inok woon.

Yook 143:12

Eb womoniyiibban ye mimyob dowaken yaambed ne bondan kuu kebene. Ne yaa dabab kawimaibdan korem kuu monmare, amborom kuu ne kuu eb dememan kowe.

Yook 86:2

Ne wadkeri kuu oone, amborom kuu eb dowad yaamo doriin kowe. O ne God, eb deme karub ne kei, ne eb yaa angkomone doriin kowe ne nen dorondare.

Yook 92:14

Yi kuu kiomnaniib kumban yowiib iremoon areb kere dobaraniib, yi kuu at nunungiib awoyeebmo areb aromkonoyiib dobaraniib kui.

Matyu 13:40

“Kwane areb, kab arewa dembe wonoon kuu biangke amot yiri nengkaneen areb kuu, keye aron yimin wandanuun yaambed kwamune keraneen kii.

Matyu 13:43

Kwana kowe, God ye yorokmodan kuu yi Ambe Godbed korok kere oonimbon aombed aron areb yuraniib. “Kanembed kerendemiib keroka, kwane wengamborok.” andoon.

Matyu 19:29

“Kowe, karub kane kane ne yoman mini dowad, yi ambiwiib ambang oni damaniib ena ambeyiib danayiib bidambibkiniib domondaniib kuu, yi korem kuu Godbed yewudmo bangkandaneene kakman 100iib areb keraneen. Angkon Godbed yi yaa wadkeri aron korem korem yeman kondaneen.

Matyu 25:46

Kowe, kwane yi korem kuu koronde wene durud yewed kandimbon yiri aron korem korem doberembaraniiwe, yorokmodan kuu wadkeri aron korem korem kandaniib kii.” andoon.

Yoon 15:16

Yiibbed ne kuu kine nendindo, nembed yiib kuu kingkekori wene dowan keraanban ye id irime andaan. Kwamaniib kuu naningko yaambed komo komo kaamonaniib kuu Ambembed kondaneen.

Yoon 15:2

Yembed ne yaa nondong idiib kowimokban kuu nanme ben kiranmimaan. Kwane, nondong yena korem id irimaan kuu id yemoonmo irok ande kidaye arimaan.

Yoon 4:36

Kedi, kibireb kwangkon yumu wandi ye karub kwangkon ye kakman kuu kandimaan. Kwane kibireb kwangkon, ye kuu wadkeri aron korem ye dowad kab wandimaan. Kwani kowe, kibingkoonmaniib yumu wandi ye karuwiib kuu ibmo kubaniib.

Yoon 8:32

Kwane, yiib kuu anam anam yaa yiibkaadkeraniiwe anam anam yaambed Godbed yiib dudbaraneen kii.” andoon.

Romdan 6:14

Kekamune keraniib kumbed ambarakmi kuu yiib yaa yariman keraanban, amborom kuu yiib kuu Moses ye amob ye dabderem aomban, yiib kuu God ye kabamoon kondoon ye mimyob dowaken ye dabderem aombed doriib kowe.

Romdan 6:18

Kwane, yiib kuu ambarakmi yaa ben obonmo kerundoone, inamen yorokmo ye dabderem yiri dobere inamen yorokmo ye dememo awinembiridan keriwen.

Romdan 6:21

Yiib kuu inamen keyiib kee kurin anuk ambangkiwen kumban, kibikee kuyaa karak bobniwen kuu yiib yaa kakman komo kandiwen? Keye inamen ye id irimaan kuu bobni kii!

Romdan 7:25

Godbed kuda. Kowe God yaa eso andaan kii, nub Yariman Yesu Keresu yaambed! Kwani kowe, kibikee neka ne inamen aom kuu God ye amob ye dabderem yiri dobere ye deme awinembiri ye karub kereni, ne id ye dowaken aom kuu ambarakmi ye dabderem yiri dobere ye deme awinembiri ye karub keraan.

Romdan 7:4

Kwane kowe, ne kuristen angkodmia, yiib kuu Keresu ye id bobnoon kumbed yiiwiib Moses ye amob yaa kuu bobniwen. Kwane, yiib kuu karub mim kuyeman ye dowad kerime anded, kuyiib kuu bobnoon yirimbed nenkoonoon kuyiib kuye karub ye dowad. Kwane, yiib yoom ne yoom God yaa kuu idiib kowe irime anded.

Romdan 8:2

Amborom kuu Yesu Keresu yaambed aron korem ye wadkeri kondi ye Kingkin ye amobbed ambarakmiyiib bobniyiibbed nub oonendi yaa kuu yiib ben obon kerundoon kowe.

1 Korindan 7:22

Kedi, kane ye kuu karub maa ye dabderem yiri dobere no deme awinembirimaankob Yarimanbed baandoon kuu, Yariman ye indob arimbed obonmo ye karub keroon. Kuyareb kuu, kane ye kuu obonmo doboroonkob Yarimanbed baandoon kuu, Yariman ye dabderem yiri dobere no deme awinembirimaan ye karub keroon.

2 Korindan 3:17

Kukei, Yariman andaan ye id kuu Kingkin Karadmo, kwane Yariman ye Kingkinbed kunayambed dobaraneen kuu kuyaa doriibdan kuu obonmo dobaraniib.

Galasiadan 1:10

Keyiib ku dakmaan kui karubbed yimin amun kameen kii anduwime andid dee, o Godbed yimin amun kameen kii anduwok andid dee? Ne kuu karubbed kubewime andid dee? Dowan! Ne kuu karubbed kubewime ande kamaan karen, ne kuu Keresu ye dememanban karen.

Galasiadan 5:13

Angkodmia, yiib kuu Yuudan yi amob yaa yerengkimban obon kerime dowad baandoon. Kumban yiib obon keriwen andi ye iranmimbed id ye dowaken yaambed dobaraib. Anam kuu, neman mimyob dowaken keenoon neman mimyob dowaken keenoon kamiib kumbed awandime.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

Efesusdan 5:9

amborom kuu nambiri ye yob irimaan kuu amun amuniib yorokmoyiib anamiib korem kui.

Filipaidan 1:11

Kwane kuyiib kumbed yorokmo dobiri ye yob Yesu Keresu yaambed monoon kuu yiib niindem aom ire wene yewudmo kerok. Kwamune keraniib kuu God yaa nambiriyiib kubiyiib kerunaniib.

Filipaidan 4:17

Kumban ke daandaan kee nembed munob bangkawime andi ye dowadban, kukuu Ewen arimbed yiib kakman angkeen yaa kuu iniyiib ari nongkobok andi dowad kui.

Kolosedan 1:10

Kwanikob, Yariman Yesu yaningko kankooni ye kerekmen yaambed dobirime andi ye dowad kwane kurikuri kamuub. Yiib kuu kwane dobaraniib kuu yiib yaa kubi darewoob kamendaneen. Kuye aningko kankooni kiwaan yena kuu, deme amunmo korem awinaniib kumbed yowiib iriyiib, God yaa kaadkeri yaambed kaine amniyiib,

Kolosedan 4:12

Epafras, ye kwangkon Koloseman, yiib mimo yiibkanmo, kwane ye kuu Yesu Keresu ye dememan, ye kuu kubendi weng yiib yaa keendoon. Ye kuu yiib dowad naawonmo kurikuri kamembirimaan, kingkin kerekmen yaambed amnekorib ma karekmiyiibban kerekorib God ye inamen dowaken korem yaambed kangdommo doberembirime anded.

Taitus 1:1

Ne kuu Pool, God ye deme karub, Yesu Keresu ye apaso kui. Ne kuu Godbed kinoondan yi anam andi ye dowadiib anam anam yaa kaadkere awinenib God ye kiwaan ari dobirime andi ye dowadiib Yesu ye weng kanwene dakmimain.

Hibrudan 12:14

Kiwaan korem kuyaambed nimakarub korem yoom yewenubbed doberenib karadmo kerime, karadmo keraibban kuu Yariman wedmenaibban kowe.

Yems 1:1

Ne kuu Yems, God yoom Yariman Yesu Keresu yoom yi deme karub. Amyenimbon wad ayoobdan bokesaware wenebe ambibkin maa maa kuyaom doriib, yiib yaa kubendi weng wongkane keendaan.

1 Pita 1:9

amborom kuu yiib anam andiwen kumbed Godbed bindi ye yumbon kondoon kowe.

1 Pita 2:16

Godbed ambarakmi yaa kuu yiib be yeedere obon kerundoon kowe kwamune dobirime. Kumban kwamune doberenib aadidmiyiibbed ambarakmi dabokne dobaraib. God ye demedan kerime.

Korokboon 7:13

Kwaniiwe, aamkono mamaambed ne yaa kaamonoon, “Ebkad kawanmoyiib inwariwen kee kane awene, yi kuu kunayambed miniwen?” andoon.