Romdan 16:2 - Yomgkom

² Nembed yiib ke yedmendaan kei, yu kuu Yariman Yesu yaningko yaambed kubende nendime, God ye karadmodan yi inamen yi kerekmen yaambed. Kwane, yu yaa komo dowan keroon kuu yiibbed awandime, amborom kuu yu kuu nimakarub yemoon yaa awandi darewoob kondeen kowe, ne yaa kangkon.

Romdan 16:2 ပူးပေါင်းရင်းမြစ်များ

Matyu 25:40

“Kwane kaamobaniiwa, Kingbed yi yaa inande yedmaneen, ‘Nembed yiib yaa ke anam yedmendaan kei, mungi bobnidaniib ok moom bobnidaniib noroddaniib ebkadiibbandaniib anikaddaniib wiidaniib kuu ne damana kowe, yi yaa yiibbed komo komo ambangkiwen korem kuu yi yaamban ne yaa kamiwen kii.’ andaneen.

Kwamiwen 9:13

Kwanandoone, Ananaiyasbed inande yedmoon, “Weng yuk yemoon menebuuna wengain kuu ebbed kinewendan kuu yembed Yerusalem aom yenbandoon.

Kwamiwen 9:15

Kumban Yarimanbed Ananaiyas yaa yedmoon, “Wene! Karub kee nembed ne deme awini ye dowad nendaane ambibkin yena yi nimakaruwiib yi kingiib Israeldaniib yi arinambo ari ne weng kanwene daandaneen.

Kwamiwen 9:36

Yopa taun aom kuu kedmengkandeen ye wonong yaningko Tabita (kuu Gurik yi wengbed Dookas andimaib, ye id kuu diiya). Yu kuu amunmo kamenu kamboknondan yaa awandimaun.

Kwamiwen 9:39

Kwane, Pita kuu yi yoom wene Yopa nandiiwe, Pita kuu nen yiriyiib ariyiib ambib wadnari ari nen kawiniwen. Kwane, iribdanbed ameng kamenabenib, Pita yaa ebkad Tabitambed wad doruun yaambed karangke bangkandeen kuu korokbeniwen.

Kwamiwen 9:41

Kwane, Pitambed awine nenkoonoona yaro doburuune, anam andiwendaniib iribdaniib yaa baandoona miniiwa, yi yaa wad nenkondoon.

Romdan 15:7

Kwani kowe, Keresumbed yiib bendabokne nimakarub amun andoon kwamune areb kuu, yiibka yiibmeren marin marin kandabokne karub amun andenoon kandabokne karub amun andenoon kamime. Kwananiib kuu God yaa nambiri konaniib kii.

Romdan 16:15

Filologus yoom Yunia yoom Nereus yoom ye oni yoom Olimpas yoom yi yoom doriib ye karadmo kerundoondan korem yoom yaa kubendime.

Romdan 16:23

Pool ne yoom anam andiwendan ke doriib keyoom angkodmendoonman Gaiyus kuu yiib yaa kubendi weng keendoon. Keye siti ye od ye ooni ye korok Erastus yoom nub kuristen angkodmi Kwaatus yoom kuu yiib yaa kubendi weng keendiwen.

Romdan 16:6

Meri yaa kubendime. Yu kuu yiib awandi dowad deme yobdood awineen.

Romdan 16:9

Keresu yaambed nub yoom ibonmo deme awinuwenman Urubanus yoom ne angkodmi mimyob dowaken keenaanman Stakis yoom yaa kubendime.

Efesusdan 5:3

Kumban yiib kuyaom kuu nenem kamiyiib anon dowomkim yaa doberemoon areb ye inameniib barang yemoon bi ye inameniib kuu ma kamaib, amborom kuu yiib God ye karadmodanbed kwananiib kuu yiminban kowe.

Filipaidan 1:27

Ma, Yesu Keresu ye weng amun ye kerekmen yaambed yiibka oone dobirime. Kwananiib kuu, yiib yaa kuu meneni wedmendaniin o manainban no dobereni wengambaraniin kuu, nekaadkeraniin yiib inamen mimombed kangdommo doberembere meeni mimombed weng amun ye anam andi ye dowad bamdaane ambangkenib,

Filipaidan 2:29

Yariman yaningko yaambed kubi darewoowiibbed ye kuu kubenime. Karub Epafrodaitus areb kwamunedan kuu yiib wedmaniib kuu yi aningko kankoonime.

Kolosedan 4:10

Ibmo wii awunuwen ye karub maa yaningko Aristaakusbed kubendi weng yiib yaa keendoon. Baanabas ye mongkob Maak ye kwangkon kwane keendoon. Yiib kuu ye yaa komarewa awanenime ye weng kuu kandiwen kowe, yiiwiib yaa monoka kubenime.

1 Timoti 2:10

Yimin kuu nima kane kanembed nub kuu God yaningko kankoonimaub andaniib kuu amun amun kamime.

2 Timoti 1:18

Kowe, Yarimanbed nub benwananeen yaron arimbed ye yaa mimyob keenok. Efesus aom dobaraan kuu yembed kiwaan yemoon yaambed awawimaan kuu anam ebkaadaa.

Taitus 2:3

Kwamune areb kuu, nima aamkono kwangkon kwane kedmengkande, inamen karadmoyiib dobirime, yena ben kubuni dowad daanubdaanab kamaib, ok arewa yaa kenambun berewarembirimban, kwane amun amun yaambed kedmengkandime kui.

Failimon 1:12

Mimyob darewoob kowaan ye karub kee, nembed kan kowaana ika eb yaa ku monoon kii.

Failimon 1:17

Kwani kowe, Pool kuu ne angkodmi amun anam andebka, kwane ebbed ne yaa amun nambiwoom mene andimaab kwane areb kuu, Onesimus kuu amun kwane ika mene nambiwoom ande.

2 Yoon 1:10

Ma, karub kane kibireb yedmaan kuye kedmengkandi anam yiib yaa kanmonokban keroka, yiib ambiwoom nen aomne angkodmenaib, ye yaa kubenaib.