Romdan 13:1 - Yomgkom

¹ Nimakarub korem kuu gapman korok korok yaamo wengambere ambangkime, amborom kuu korok korok deme ye aromkono kuu karub maambed awinindo, Godbed ongmoon kumbedmo. Korok korok deme ye aromkono kuu God ye dowakenbed ongmoon.

Romdan 13:1 ပူးပေါင်းရင်းမြစ်များ

Yook 62:11

Godbed weng keyiib kee mimo dakmoon, kwane weng ayoob wengambaraan kuu kei, o God, eb kuu aromkonoyiib,

Matyu 6:13

Kwane, ambarakmaniib dee andi ye kiwaan ari nub ben nongkobaab. No kwane awad arewambed nub yaa manaan ye dowad kuu nub benkoobe.’ kwane andime.

Yoon 19:11

Kwane, Yesumbed inandoon, “Eb aromkono kandewen ne yaa kuu ari doreen ye God yaambed kii. God yaambedban karen ne yaa ma kamaabban karen. Kwanekob, karub kanembed ne nende eb yaa kabdoon kuu ambarakmi darewoob kamoon, eb arebban.” andoon.

Kwamiwen 2:41

Wengambere anam ande awine kandiwendan kuu baptais kerundiwen, kuu 3,000iib areb mene anam andiwendan yaa dabokniwen, aron kuyaa kuu.

Romdan 12:21

Ke korondaiwa kwamunaan kuu arewambed dorondare dabunaan andid, kumban arewa kuu amun kamimbed dorondare dabune.

Romdan 13:2

Kwana kowe, kane kuu korok korok deme ye aromkono yaa wunekiranmaneen kuu Godbed ongmoon yaa wunekiranmaneen kii. Kwane kamaneendan kuu yika yimeren wengyundi ye dabab kanmananiib kii.

Efesusdan 5:21

Keresu yaningko kankoonimaib kumbed yiibkareb neman kankubune yena yi dabderem aom doboroon neman kankubune yena yi dabderem aom doboroon kamime.

1 Timoti 2:2

Korok dareb darewiib kane kane korok keriwendaniib yi dowad kurikuri kamime. Kuye dowad kuu nub kuu yewenubmo nangkemmo yena yi arinambo ari amunmo dobiriyiib God ye dowaken yaambed dobaranuub.

Taitus 3:1

Anam andiwendan yaa monkone ongkandeewo, kwane yi korok korokiib gapmandaniib yi dabderem yiri dobirime, yi weng wengambere kwane awinime, amun kami dowad nekwime,

Kerek Judbed Wongkoon 1:8

Kwane, kuye kiwaan mimo areb kumbed yiiwiib aom aomdiriwendan kee yi kuu kiyuum wedmenib, yi id yimeren yaa ambarakmenib, God ye amob aromkono yaa wunekarenib, engyus yaa damangkandiwen.

Korokboon 17:14

Kwane, yi kuu Sibi Mana yaa nangbenaniib kumban, yembed burudandaneen, amborom kuu ye kuu yariman korem ye Yariman, king korem ye King, angkon yembed baande kinoondan ma korondiyiibban ye yoman winiwen kuu ye yoom miniwen kowe.” andoon.

Korokboon 19:16

Ye ebkad doboob yaayiib yon muudkuk yaayiib kuu aningko keane wongkiwen, King Korem Yi King, Yariman Korem Yi Yariman.