Romdan 12:1 - Yomgkom

¹ Kwani kowe, angkodmia, nangkande yedmaan kuu, Godbed yiib yaa mimyob keende kakman are nonondandoon kowe, munob koni yeman God yaa konemoon areb yiib ida yona dingkia kuu God yaa bangkanibko yembed korok kere oonok, yiib wad doriib kumaombed. Kwane, yiib kuu karadmo keraniiwe Godbed kubi dowaken kerundaneen. Kukuu kwamunembed kurikuri dowad God ye deme yaa kowe ambangke yimin keri yeman.

Romdan 12:1 ပူးပေါင်းရင်းမြစ်များ

Yook 116:12

Yarimanbed ne yaa amun amun kamembirimaan kuyaa kuu nembed komo inande konaniin?

Yook 19:14

Kwane, eb indob ari kuu ne mongkodkonombed weng dakmeni ne niindem aombed meenako eb kubi dowaken kerok, o Yariman, ne aromkonombon, kwane ne biddi ye karub.

Yesu Ye Weng Amun Lukbed Wongkoon 7:47

Kwamunekob, ne eb yaa ke yedmaan kei, yu ambarakmi yemoon kuu are nonondandoon kowe, yu mimyob dowaken kuu darewoob kereen kii. Kumban kane kane yaa karub maambed are nonondandi embengmo keroon kuu ye mimyob dowaken kangkon embengmo keroon.” andoon.

Romdan 12:2

Okad yiri ye inamen yaa daboknenwaib, korondibko Godbed yiib inamen meeni kuu yeweb ongmene ben yeka mamaa kerundok. Ke kwamune kerundaneen kumbed andangke wedme God ye meeni dowaken kuu amunmo yorokmo ande yedmaniib. Kedi, God ye meeni dowaken kuu amun amuniib kubi yemaniib demkoronmoyiib kui.

Romdan 15:16

Yuudanban yi dowad Yesu Keresu ye deme awinaan kumbed God dore nimakarub dore wedyiri dobiridan areb God ye weng baande daandimain kowe. Kwanimain kumbed Yuudanban kuu Kingkin Karadmombed ben karadmo kerundoko God yaa koni yeman areb keribko konako ne karuwa nimaya andok andid.

Romdan 15:30

Angkodmia, nangkande yedmaan kuu, nub Yariman Yesu Keresuyiib Kingkin Karadmo ye mimyob dowakeniib kuyaambed God yaa ne dowad ne yoom dabokne ibonmo yobdoodmo kurikuri kamime andid.

Romdan 2:4

Ogoodmo wengyundimaibdan, yiib yaa kuu God ye awandi ben yiib amonombime andi yeman kuu yiib ongme kaadkerindo kumbed, dembe yiminmo keroon ye awandiyiib kirod wengyundainban andi ye inameniib yodbirimban iwarimbed dobiriyiib Godbed awinoon kuyaa kuu nongdomatom andimaiwoo?

Romdan 6:13

Kwane, yiib yona dingkia awene kuu inamen arewa ambangki yeman kere ambarakmi yaa konaib. Yiib kuu bobni ye kerekmen angka ben angkane wadkeri ye kerekmen yaa nongkoboon kowe, yiibka yiibmeren God yaa konenib, yiib yona dingkia awene kuu ben inamen yorokmo ambangki yeman kere ye yaa konime.

Romdan 6:16

Yiib kuu karub kane ye dabderem yiri dobere no deme awinembiridan kere ye wengmo wengambere awini dowad yiibka konaniib kuu, ye wengmo wengambere awinimaib kumbed ye kuu yiib korok keraneene ye dabderem yiri dobere no deme awinembiridan keraniib kuu yiibkaadkerindokowoo? Yiib kuu ambarakmi ye dabderem yiri dobere ambarakmi ye dememo awinembiridan keraniib kuyiib kuu nenwene bobni ari nongkobaneen. Kwane, yiib kuu God ye weng wengambere awini ye dabderem yiri dobere no deme awinembiridan keraniib kuyiib kuu nenwene yorokmo kerundi ari nongkobaneen.

Romdan 6:19

Keye weng wongkaan kee nimakarub yi dobiri kerekmen yaambed kuruwak weng wongkaan, amborom kuu yiib kuu yiib id ye kerekmen yaambed yiibka inamen kande kaadkeri kuu wuudnoon kowe. Kurin anuk kuu yiib kuu yiib yona dingkia awene kuu nenem kami ye dabderem yiri dobere kuye dememo awinembiri yeman kerenib, ambarakmiyiib darewoob kere weneen ye inamen arewayiib yaa kondimaib. Kwamune areb kuu kibikee yiib yona dingkia awene kuu inamen yorokmo ye dabderem yiri dobere kuye dememo awinembiridan kerime, karadmo keri dowad.

Romdan 9:23

Ma, kwanoon kuu ye nambiri ye amun amun yemoon kuu mimyob keende kakman are nonondandidan yaa kaadkerime ande korokbi dowad kii. Yi kuu nambiri kandi dowad kurinbed nekwoon ye karuwa nimaya.

1 Korindan 1:10

Angkodmia, nembed nub Yariman Yesu Keresu yaningko yaambed nangkande yedmaan kuu, yiib korem kuu weng mimo kerime. Kwananiib kumbed yiiwaom kuu andokbiyiibban kerenib no dabokne meeni inamen ibmo keraniib.

2 Korindan 10:1

Pool ne kei, ne dowad yenambed Pool yiib yoom kiring ine dakmiwen kuu nangkemmo emamo dakmoon kumban, yiib domonde kimyen wonoon kuu arudkonomo dakmimaan kui ande dakmiib kumban, ne kuu yiib yiibkaad kuda. Kwanandimaibkob, yiib yaa Keresu ye nangkemiib iwariyiib yaambed nangkande yedmaan kuu kei.

2 Korindan 4:1

Kwana kowe, Godbed mimyob keende kakman are nonondandi ye kerekmen yaambed keye deme awinuwen kowe mimyob wandiyiibban doruub.

2 Korindan 4:16

Kwana kowe, nub niindem aombed kuu yiminban korondanuub andi ye inameniibban doruub. Nub karub id angka kuu monmare weneen kumban, nub niindem aom wadkeri kuu Godbed aron mimim yeweb ongmimaan.

2 Korindan 5:20

Kwana kowe, nub kuu Keresu ye weng amun kan okad yena yaa wenebidan, Godbed nub yaambed okad kiridan yaa amonombe anam andime andemoon areb keruwen. Kowe, naawonmo nangkande yedmuub kuu, God yaa minibko kunum kerundok.

2 Korindan 6:1

Kwane, nub kuu Yesu yoom deme ibonmodan kowe, yiib yaa ke nangkande yedmuub kei. God ye kabamoon kondoon ye mimyob dowaken kuu yiib kuu anammo awinime, idiibban keraan anduwed.

Efesusdan 4:1

Yariman ye dowad wii ye karub keraan kowe, nembed yiib yaa nangkande yedmaan kuu, Godbed ye dowaken yaambed dobirime ande baandoone kandiwen kuyaambed kwane dobirime.

Efesusdan 5:10

Kwane, Yariman kubimaan ye inamen kuu onme awinime.

Filipaidan 1:20

Ne kuu dowaken darewoowiib meenmoni kereniin kuu dakmaniin kuu ma karak bobnainban. Kukuu meenmoni kereniin kuu aron koremiib angkon kibirebyayiib arudkono yimin kereni, wad dobaraniin kumbed o bobnaniin kumbed komo kamaniin yaambed Keresu yaningko kankoonaniin kii.

Filipaidan 2:17

Yiib anam andi kumbed God yaa munob koni yeman areb konimaib kuu kuye animari kuu durud yewed kandaan kumbed ne wadkeri kuu ok amun God yaa koni dowad ondukne wenemoon keraan kumban, kuyaa kuu dowakeniib kereni yiib korem ye kubi kuu ne yoom kubaan kii.

Filipaidan 4:18

Kwane, yiibbed ne yaa munob bangkawiwen ye yiribman kuu Epafrodaitusbed be monoon kowe, ne kuu yiribman korem baan kumbed yiminmo kerekori ariyiib baan. Yiibbed bangkawiwen kuu baeb amun yeman ye munob koni yeman areb, God yaa konibka yimin ande kubi yeman kii.

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Tesalonaikadan 4:10

Anamaa, yiib kuristen angkodmia korem Masedonia ambibkin aom doriib kuu yiibbed mimyob dowaken keendimaib. Kuned nub dowaken kee andemenduub kuu kuye inamen kuu darewoob kerok.

1 Tesalonaikadan 5:12

Angkodmia, nubbed yiib yaa yedmuub kuu, kane kanembed Yariman yaa anam ande dobiri ye dowad kuu yiib yaa oonendenib yiib yaa ongkandenib yiib kuyaom kuu deme darewoob ambangkimaib kuu, yi weng kuu wengamberenib yi dowad karub amun andime.

1 Timoti 2:3

Kuu amun kii. Kwananuub kuu nub Bobni Yaa Burudande Bindi Ye Godbed nub yaa kubendaneen.

1 Timoti 5:4

Kumban wonong irib kuu dana meediib o awoyayiib keruka, yi kuu God ye dowaken yaambed yidin yu oone keendombirime. Kwananiib kuu yumbed komo yi awandeen kuu neman inande awandimamime. Kwananiib kuu Godbed yi yaa kubendaneen kii.

Failimon 1:10

eb yaa ema yedme kowaan kuu, anam andi yaambed ne dana keroonman Onesimus ye dowad kaamobdandamaan. Ne kuu wii aom dibiine, ye kuu kwane ne dana keroon.

Failimon 1:9

kumban nembed yedmaan kuu mimyob dowakenbed kowenid. Kowe, ne Pool kiom mana kereni, angkon Yesu Keresu ye dowad yaa wii karub keraan kumbed,

Hibrudan 13:22

Angkodmia, nembed yiib yaa nangkande yedmaan kuu, ne ongkandi weng kee awine kandime, nembed kerek wongkaan kee dukmenmo kowe.

1 Pita 2:20

Kumban yiib kuu ambarakmaniiwe wurudbed yewed kondaneene iwari kere kangdommo doberembaraniib kuu, Godbed kakman Ewen arimbed kowaneen dee? Dowan! Kumban yiib kuu amun amun kamaniiwe yewed kondaneene iwari kere kangdommo doberembaraniib kuu Godbed yiib yaa kubendaneen.

1 Pita 2:5

yiib kangkon wad doreen ye bot areb keriiwe, Godbed bene kingkin kerekmen ye ambib yenbeena God dore nimakarub dore wedyiri dobiridan karadmo keriib. Kowe, Yesu Keresu yaambed yiib kuu God yaa munob koni yeman bangkandimaib areb yiibka ye yaa kingkin kerekmen yaambed konimaiwe, yembed kuboon.