Romdan 11:20 - Yomgkom

²⁰ Keyiib kee anam kumban, yi anam andindo kumbed ben doomboroon kii, yiib anam andiwen kumbed kuye yumbon kerundoon yiib yaa. Kowe, kerengkanbed kame dobaraib, unimbed kame dobirime.

Romdan 11:20 ပူးပေါင်းရင်းမြစ်များ

Yook 138:6

Yariman kuu darewoob arimbed, kumban yirimodan yaa kuu awandi dowad kereknimaan, kumban kerengkandan kuu yekaad kuned ma awandaanban, yi yaa kuu ambab angka doreen kowe.

Yesu Ye Weng Amun Lukbed Wongkoon 18:14

“Ne yiib yaa yedmaan kuu, karub kee ambiwoom wonoon kuu God yaa yiminmo keroon, kumban Farisiman kuu God yaa kuu yiminmo kerindo. Kanembed yekareb yaningko ari kowaneen kuu Godbed kankubunaneen, kumban kanembed yekareb kankubunaneen kuu Godbed aningkoyiib kerunaneen.” andoon.

Kwamiwen 18:6

Kumban yi kuu ye yaa norin wande manmo kerenib wengamborokbanabiwen kowe, Poolbed yaro kwaniwen ye dowad ye ebkad yaa ingkud yobene yi yaa dakmoon, “Yiibkamo kii! Weng kee wunekariwen kowe, ne deme yiib yaa kuu dowan. Kibikbed nare ari kuu yiib kanembed wene biknaneen kuye dabab kuu yiibka kandaniib kii. Kibikee ne kuu Yuudanban yaa wananiin.” andoon.

Romdan 11:18

Kowe, mongkobon at ye nondong ben doomboroon kuyaa kerengkandaib. Kerengkan keribka weng keyaa meenime. Yiibbed yumburum yiri kuu dukmonindo, yumburumbed yiib kuu dukmonendoon kii.

Romdan 11:21

Amborom kuu Godbed keye at ye nondong anam yi ambarakmi yaa mimyob kowindo kowe, yiib ambarakmi yaa kangkon mimyob kowaanban.

Romdan 12:16

Yena yoom kuu ibonmo aungaungbed dobirime. Kerengkan keraib, aningkoyiibbandan yaa daboknem ande dowakeniib kerime. Nembedmo meeni kangdomman keraan andaab.

Romdan 12:3

Godbed kabamoon kondoon ye mimyob dowaken keewoon yaambed yiib korem yaa ke yedmaan kei. Godbed yiib yaa inamen kondoon kuyaamo dobirime, kuyaa burudande nubbedmo ari yimin ande kankoonaib. Godbed yiib yaa kondoon anam andi ye dabab wari ye kerekmen yaambed inamen yorokmoyiibbed yiibka yiibmeren yaa darobe andangke meenime.

Romdan 3:3

Kumban Yuudan yena kuu anam andindo kowe, komarewa meenanuub? Yi anam andiyiibban keriwen kumbed God yeka ye weng yaa ma korondimokban no awinembiri ye inamen kebenaniiwoo?

1 Korindan 10:12

Kwani kowe, eb kuu kangdom doriin ande meenebka, ebka ambarakmi yaambed kombarain ii ande korobe kaadkere!

1 Korindan 15:1

Angkodmia, nembed Yesu ye weng amun yiib yaa dakmaane wengambere kande awinenib kangdommo doriib. Kowe kibireb kee ne dowaken kuu kuye weng ye dowad yiib yaa monkona andid.

1 Korindan 16:13

Ongme kerekime, anam andi yaa kangdommo dobirime, eeri ye nimakarub kerime, yiib niindem aom aromnime.

2 Korindan 1:24

Nub kuu kwane yiib anam andi yaa yiib kuu ben kwanime kekanime kami dowad oonendokban, yiib kubime andi dowad yiib yoom ambangkimaub, amborom kuu anam andi yaambed yiib kuu kangdommo dobaraniib kowe.

2 Korindan 10:5

nubka yimin nubka doberem andi ye inameniib kumbed God ye kaadkeri kankubunande kamiib korem kuu monmarimaub kui. Kwane, nub kuu meeni inamen korem kankubune Keresu ye dabderem yiri nongkobimaub, ana nangme burudande doroondan ben king ye dabderem yiri nongkobemoon areb kui.

Filipaidan 2:12

Nangkodmia, kukuu kwamune kowe, ne yiib yoom dobaraan kuye aron kuu yiib kuu God yaa wengambere awine doberembiriwen, kumban kibikee ne yiib yoom dorokban kumban kuye inamen darewoob arimbed kere wengambere awine doriib kii. Kowe, kwamune ambangke wene Godbed burudande bindi ye inamen ibmo kere uniyiib kiringmiyiibbed kwane awine ambangkembirime.

Kolosedan 2:7

Ye niindem aombed yiib kuu yumburum kaare kaine amnenib, yiib yaa komarewa kedmengkanduwen areb kuu yiib anam andi kuu aromnibka, yiib niindem aom kuu kube eso andiyiib muubne derendarok.

2 Tesalonaikadan 2:4

Karub kee kuruwak god korem yaa bon kerundene yekareb yi aningko be kubunene ye aningko darewoob arimbed konaneen. Kwane, yekareb God ye kurikuri boyambib darewoob aombed doberene ne kuu God kii ande daandaneen.

1 Timoti 6:17

Yiribman yemoondan okad kiri doriib yaa kwanime ye weng kee daande. Kerengkan kamaib, angkon komarewa keraneen ye dowad nub yiribmanbed nubka awandaneen ande meenaib, amborom kuu yiribman dowan keraneen keri yaron kuu yikaadban kowe. Kwani kowe, Godbed nub awandaneen andi ye meenimbed kowime, amborom kuu yembed nub kube dobiri ye dowad kumkam yiminmo bangkandimaan.

Hibrudan 3:12

Angkodmia, korobe kaadkerime, yiib kuyaa karub mim kuu ambarakmiyiib kerene niindem aom anam andindo kumbed wad doreen ye God yaa angkurom korokbenaan andid.

Hibrudan 3:19

Kowe, nub wedmuub kuu yi kuu awunindeban, amborom kuu yi kuu anam andindo kowe.

Hibrudan 4:11

Kwani kowe, nub kangkon nubkareb kiwaan korem yaambed ninabenub yiidkimbon aom awunem. Kwananuub kumbed karub maa kanembed yi wunesadmi kara ye yoman yaa wenene yi koob kandene kombaraanban.

Hibrudan 4:6

Nimakarub yena kuyaom yiidkimbon aom awuni yeman kuu kwane angkeen, kebenindo. Kwane, kane kane anukbed weng amun yi yaa daandiiwe wengambiriwen kumban wunesadmiwen, yi kuu kuyaom awunindo.

Yems 2:19

No wengbed ye kuu anam andoon kuu God mimo, maayiibban. Kuu amun kumban, awad arewa kwamune yikaad kumbed kiringmenabiyiib unimaib.

Yems 4:6

Kwane, Godbed nub yaa ye kabamoon ye mimyob dowaken keendimaan kuu angkon ari yenayiib keendimaan. Kwamunekob, God Ye Weng aombed yedmoon, “Godbed kerengkandan yaa manmo kerimaan, kumban kankubune yirimbed dobiridan yaa ye kabamoon kondoon ye mimyob dowaken kondimaan.” andoon.

1 Pita 1:17

Yiib kuu kumun mimo yaambed nimakarub korem wengyundi ye God yaa kurikuri kerimaib kuu Ambe andimaib kowe, okad yiri doriib yaron kuu okad yiri kuu nub ambibkin anamban ande kwane doberenib uniyiib God yaningko kankoonimamime.

1 Pita 5:12

Ma korondiyiibban ye kuristen angkodmi Sailas, kuu kwamunemo wedmenaan kui, ye kuu awawoonkob kerek dukmen kee yiib yaa wongkane keendaan. Yiib yaa kube ongkandeni weng keyaambed Godbed kabamoon kondoon ye mimyob dowaken anam kuu korokbendaan. Keyaa kangdommo kere dobirime.

1 Pita 5:9

Yiib anam andi kangdommo doriib kumbed ye yaa manmo kerime, amborom kuu yiib kuristen angkodmia okad yimin yimin yaa doriib kuu yiib durud yewed kandiwen areb kwamune kandiwen kuu yiibkaadkeriwen kowe.

Korokboon 18:7

Yukareb nambiri kandenu yu id yu dowaken yaambed yiribman yewudmo been kuu, kumunkingke durud yewediib mimyob wandembiri yemaniib ibmo kere kondime. Yukareb kerengkan kerenu ‘Ne kuu kuin keraan, wonong iribban kowe, mimyob wandainban.’ andimaun.

Korokboon 3:17

Yiibbed yedmimaib, ‘Nub kuu barang yemoon buwen kowe komo komo kuu yiminmo kii.’ andimaib. Kumban yiib kuu God yaa ambab kerenib, miin yiminban kerenib, kamboknon, indob tut, ebkadiibban keriwen kuu yiibkaadban keriwen kii.