Romdan 1:7 - Yomgkom

⁷ Godbed mimyob dowaken keende ye karadmo ye karuwa nimaya kerime ande kinoondan Rom aom doriib, yiib yaa kerek kee keendaan. Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Romdan 1:7 ပူးပေါင်းရင်းမြစ်များ

Yook 60:5

Nub inandundeneb eb dingki wiwimbed nub ben burudande angka nongkobe. Kwananeeb kuu eb mimyob dowaken keendimaabdan nub kuu dabab yaa koronde yewenubmo dobaranuub.

Matyu 5:16

Ibonmo kwamunene yiib amun kami kuu nambiri areb, kwangkon namborok nimakarub yaa. Yiib kwananiib kuu yi wedme yiib Ambe Ewen ari doreen yaa kubenib yaningko kankoonaniib.” andoon.

Yoon 20:17

Kwane, Yesumbed yedmoon, “Ne yaa awinewaab, komoyiibkob ne kuu Ambeyiib yaa ikakman winindo kowe. Kumban nangkodmiayiib yaa weneneb ne kuu ikakman ne Ambe, angkon yiib Ambe, ne God, angkon yiib Godiib yaa wanaan kii andi ye weng yi yaa daande.” andoon.

Kwamiwen 15:23

Kwane, kerek kee keendiwen kei: Nub kuu apasodan yoom kurikuri oonidan yoom kui. Yiib angkodmi kui. Yuudanban Antiok aomiib Siria aomiib Silisia aomiib anam andiwendan yaa, yiib yaa nub amun amun weng keenduub kii.

Kwamiwen 9:13

Kwanandoone, Ananaiyasbed inande yedmoon, “Weng yuk yemoon menebuuna wengain kuu ebbed kinewendan kuu yembed Yerusalem aom yenbandoon.

Romdan 1:6

Kwane, Godbed Yesu Keresu ye karuwa nimaya kerime ande baande kinoondan kwamune areb kuu yiib kwangkon baande kinoon kowe, ibonmo keriwen.

Romdan 5:1

Kwane kowe, nub kuu anam andi yaambed bendune yorokmo kerundoon kowe, nub kuu nub Yariman Yesu Keresu yaambed God yaa yewenuwiib keruwen.

Romdan 5:5

Kwane, niindem aom Godbed anam kwananeen ande meedmi ye inamen kuu nub yaa odkenewiib kondimokban, amborom kuu Godbed nub yaa kondoon ye Kingkin Karadmo yaambed nub niindem aom kuu ye mimyob dowaken onduknoon kowe.

Romdan 8:28

Kwane, nub nubkaad kumkam korem yaambed kuu Godbed amun amun kerundi dowad ambangkimaan, kane kane God yaa mimyob dowaken keeniwendan yaa. Kukuu ye inamen dowaken ye kerekmen yaambed baandoondan yaa kui.

Romdan 8:39

ambab ari yemanbed o ambab yiri yemanbed o kumkam ongmenaboon ye barang maambed kuu God ye mimyob dowaken nub Yariman Yesu Keresu aom angkeen yaa kuu nub ma ben andokbaanban.

Romdan 9:25

God Ye Weng buk Hosea aombed kekamune yedme wongkoon, “Ne karuwa nimaya andindodan, Yuudanban kui, yi kuu nembed ne karuwa nimaya ande baandaniin, kwane ne mimyob dowaken keendindo ye wonong kuu nembed ne mimyob dowaken keendaan ye wonong ande baandaniin.”

1 Korindan 1:24

Kumban Yuudan o Gurikdan kane kane Godbed baandoondan yi dowad kuu, Keresu kuu God yaromkono, kwane ye kuu God ye meeni kangdom.

1 Korindan 16:23

Yariman Yesu ye mimyob dowaken kabamoon kondoon kuu yiib yaa kerok.

Galasiadan 6:18

Angkodmia, nub Yariman Yesu Keresu ye mimyob dowaken kabamoon kondoon kuu kwamune yiib kingkin yaayiib ibmo awandok. Anam kwanok.

Efesusdan 1:2

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Efesusdan 6:23

Kuristen angkodmia yaa yewenub keroko mimyob dowaken anam andiyiib kuu Ambe God yoom Yariman Yesu Keresu yoombed bangkandime.

Filipaidan 1:2

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Filipaidan 4:13

Kukuu ne kuu aromkono kawimaan ye Yariman Yesu yaambed inamen korem yiminmo kere ambangkimain kii.

Filipaidan 4:20

Nub Ambe God yaa kuu nambiri konok, aron korem korem. Anam kwanok.

Filipaidan 4:23

Kowe, kwane Yariman Yesu Keresu ye mimyob dowaken kabamoon kondoon kuu kwamune yiib kingkin yaayiib ibmo awandok.

Kolosedan 1:2

Ma korondiyiibban Keresu yaa anam andimo doberembirimaib karadmodan Kolose aom doriib, yiib yaa kerek kee keenduub. Kabamoon kondoon ye mimyob dowakeniib yewenubmo dobiriyiib kuu nuwambe God yaambed yiib yaa bangkandok.

Kolosedan 3:12

Kwana kowe, yiib kuu Godbed kingkane yeka ye dowad ben yuroondan, yiib kuu yembed mimyob dowaken darewoob keendoon kowe, mimyob keendiyiib awandiyiib yiibka kankubune yena kuu arimo andiyiib ingmiyiibban nangkemmo dobiriyiib yodbirimban emamombed meedme dobiriyiib kuu yiibka inware dobirime.

Kolosedan 3:15

Kwane, korondiiwo Keresu ye yewenubmo kumbed yiib niindem aom dawuro oonendok, amborom kuu yiib kuu id mimo keriwen kowe yewenubmo dobiri dowad yiib yaa baande kinoon. Kwane, eso ande dobirime.

1 Tesalonaikadan 1:1

Pool yoom Sailas yoom Timoti yoom. Ambe God yoom Yariman Yesu Keresu yoom yaa anam andiwendan Tesalonaika aom doriib, yiib yaa wongkuub kii. Kabamoon kondoon ye mimyob dowakeniib yewenubmo dobiriyiib kuu yiib yaa bangkandok.

1 Tesalonaikadan 1:3

Yiib anam andi yaambed God ye deme ambangkimaiwiib, yiib mimyob dowaken yaambed deme yobdood awinimaiwiib, Yariman Yesu Keresu kuu kwananeen ande meedmiib yaambed kangdommo doberembirimaiwiib, kuu nub Ambe God ye arinambo arimbed meene dakmimaub.

1 Tesalonaikadan 1:4

Godbed mimyob dowaken keendoon ye angkodmia, yiib kuu yembed bindoon kuu nubkaadkeruwen,

1 Tesalonaikadan 4:7

Godbed nub yaa baandoon kuu ambarakmi ye dowadban, karadmo dobirime anded.

1 Tesalonaikadan 5:28

Nub Yariman Yesu Keresu ye kabamoonmo kondi ye mimyob dowaken kuu yiib yaa kerok.

2 Tesalonaikadan 1:2

Kabamoon kondoon ye mimyob dowakeniib yewenubmo dobiriyiib kuu Ambe God yoom Yariman Yesu Keresu yoom yaambed yiib yaa bangkandime.

2 Tesalonaikadan 3:16

Yewenub kondimaan ye Yariman, yembed kiwaan korem yaambed aron korem yewenub kondok, yiib yaa. Yariman kuu yiib korem yaa kerok.

2 Tesalonaikadan 3:18

Yariman Yesu Keresu ye kabamoon kondoon ye mimyob dowaken kuu yiib korem yaa kerok.

1 Timoti 1:2

Timoti, eb yaa wongkani keebdaan. Nub anam andi yaambed eb kuu ne dana anam kerewen. Eb yaa kabamoon keebdi ye mimyob dowakeniib mimyob keebde kakman are nonondandiyiib yewenubmo dobiriyiib kuu Ambe God yoom nub Yariman Yesu Keresu yoom yaambed bangkabdime.

1 Timoti 6:2

Kumban, yi kangkodan kuu kuristen keroka, yi kuu kamune meendobaib, “Ye kuu ne kuristen angkodmi kowe, ye weng wengambereni ye aningko kuu darewoob arimbed konainban.” andaib. Kumban kwane kamime ye weng kee andaan kuu yi deme kuu amun yemanmo awinime. Kangkoman kuristenban ye deme awini arebban awinime, burudande miin amun awinime, amborom kuu kangkoman kuu kuristenman, yi angkodmi kowe. Weng kee yi yaa kedmengkande kwane kamime ande.

2 Timoti 1:2

Timoti, eb kuu ne mimyob dowaken keebdi ye dana, eb yaa wongkani keebdaan. Eb yaa kabamoon keebdi ye mimyob dowakeniib mimyob keebde kakman are nonondandiyiib yewenubmo dobiriyiib kuu Ambe God yoom nub Yariman Yesu Keresu yoom yaambed bangkabdime.

2 Timoti 4:22

Eb kingkin kuu Yarimanbed ibnok. Kabamoon kondoon ye mimyob dowaken kerubdok.

Taitus 1:4

Taitus, kedmengkabdaan kumbed God yaa anam andi kuu mimo ewa neya keruwen yaambed eb kuu ne dana anam. Eb yaa wongke keebdaan kii. Ambe God yaambed, angkon nub Bobni Yaa Burudande Bindi Ye Karub Yesu Keresu yaambed yi kabamoon koni ye mimyob dowakeniiwa yi nangkem yewenuwiib kerubdok.

Failimon 1:25

Kowe, kwane Yariman Yesu Keresu ye kabamoon kondoon ye mimyob dowaken kuu kwamune yiib kingkin yaayiib ibmo awandok.

Failimon 1:3

God ye kabamoon kondoon ye mimyob dowakeniib nangkema yewenuwiib kuu nub Ambe Godiib Yariman Yesu Keresuyiib yaambed yiib ari menebok.

Yems 1:1

Ne kuu Yems, God yoom Yariman Yesu Keresu yoom yi deme karub. Amyenimbon wad ayoobdan bokesaware wenebe ambibkin maa maa kuyaom doriib, yiib yaa kubendi weng wongkane keendaan.

1 Pita 1:15

Yiib yaa baandoon ye God kuu karadmo kowe, ye areb kerenib komo komo kamandamiib korem kuu karadmo ye inamen yaambed ambangkime,

1 Yoon 3:1

Wedmime, Ambe ye mimyob dowaken nub yaa keendembiri-maan kuu miin darewoob, kwanikob nub kuu ye meed ande yedmoon. Anamaa, kwamune keruwen. Okad yiridan korem kuu ye yaa yi koron keriwen kowe, kangkon nub yaa ma kaadkerindo.

2 Yoon 1:3

Ambe God yoom ye Mingki Yesu Keresu yoom, yi kabamoon kondi ye mimyob dowakeniib, mimyob keende kakman are nonondandiyiib, iwari yewenub dobiriyiib, yiiwa nuwa nub niindem aom dangembirimaan, amborom kuu anam anam ye wengiib ye mimyob dowakeniib awingkuwen kowe.

Korokboon 2:1

“Weng kee anam andiwendan Efesus aom doriib yi engyu yaa ande kowandamaan kowe wongke. “Mindong ediib ye dingki wiwi angkambed awingkekore nambirimbon ediib kuyaombed dewonoon ye karub kuu ne kei. Ne weng kuu kei.

Korokboon 2:12

“Weng kee anam andiwendan Peegamum aom doriib yi engyu yaa ande kowandamaan kowe wongke. “Kerewang angkara arudiib angkara arudiib ye karub kuu ne kei. Ne weng kuu kei.

Korokboon 2:18

“Weng kee anam andiwendan Taiyatira aom doriib yi engyu yaa ande kowandamaan kowe wongke. “God ye Mingki kui, ye indob kuu amot yumbu areb, ye yon kuu broons od murubkob yeweb kwamune areb kawurimbonmo kuu ne kei. Ne weng kuu kei.

Korokboon 2:29

Kanembed kerendemiib keroka, Kingkin Karadmombed anam andiwendan yaa weng ke dakmeen kee wengamborok.

Korokboon 2:8

“Weng kee anam andiwendan Smeena aom doriib yi engyu yaa ande kowandamaan kowe wongke. “Andowoonman angkon Yimin Wandaneenman, bobnoon yirimbed ika demboonman kuu ne kei. Ne weng kuu kei.

Korokboon 22:21

Yariman Yesu ye kabamoonmo kondoon ye mimyob dowaken kuu God ye nimakarub yaa kerok. Anam kwanok.

Korokboon 3:14

“Weng kee anam andiwendan Laodisea aom doriib yi engyu yaa yedme kowandamaan kowe wongke. “Anam Kwananeenman, komo wedmoon kuu kwamunemo anammo daandi ye karub, Godbed yimin yirimbed ongmenaboon ye ambokab kuu ne kei. Ne weng kuu kei.

Korokboon 3:22

Kanembed kerendemiib keroka Kingkin Karadmombed anam andiwendan yaa ke dakmeen kee wengamborok.” andoon.

Korokboon 3:7

“Weng kee anam andiwendan Filadelfia aom doriib yi engyu yaa yedme kowandamaan kowe wongke. “Karadmo anam ye karub, Dewid ye kiiyiib awinoon ye karub, ambongko nandaneen kuu karub maambed ma kebenaanban ye karub, angkon kebenaneen kuu karub maambed ma nandaanban ye karub kuu ne kei. Ne weng kuu kei.