Romdan 1:30 - Yomgkom

³⁰ yi kuu wengamborokbanabidan, yi kuu God yaa arud wandembiridan kii. Yi kuu damangkandidan, yi kuu nembedmo yimin andidan, yi kuu kerengkandan kii. Yi kuu ambarakmi ye inamen yeeb onme ongmimaibdan. Yi kuu yi ambe ena yi weng yaa wengamberedandimamenib,

Romdan 1:30 ပူးပေါင်းရင်းမြစ်များ

Yook 10:3

Arewa kamembiri ye karub kuu ye inamen dowaken arewa kuyaa kerengkan kaimaan, kwane yembed kirimdan yaa amun kerundekore Yariman yaa butun kaimaan.

Yook 106:39

Yimbed kwane kamiwen kumbed yi kangkon Godbed angkurom korokbendi yeman keriwen, yi arewa kamenabi yaambed yi kuu nenemdan areb keriwen.

Yook 49:6

Kane kane yi yiribman yemoon yaa yone nub kuu yiminmo ande kerengkan kamimaibdan kumbed manmo keruwaniib kangkon unainban.

Yook 5:5

Kerengkan kamiibdan kuu eb indob ari dobirindeban, ambarakmidan kuyaa kuu arud wandeneb dowakenban anam kerewen.

Yook 52:1

Aromkonoman, eb komande arewa kami yaa kerengkan kamimaab? God ye womoniyiibban ye mimyob dowaken kuu amgimombed wene amnoom kwane angkimbirimaan.

Yook 81:15

Kane kane Yariman yaa arud wandembirimaib kuu ye yaa unene ika anuk irinambenaniib, kwane ukum kandaniib kuu aron korem kwane angkimbaraneen.

Yook 94:4

Yi kuu nubbedmo yimin andi ye weng yemoon dakmenabimaib, miin arewa kamenabidan korem kuu kerengkan weng dakmimaib kumbedmo.

Yook 97:7

Kane kane kuruwak god yaa kurikuri kerimaib kuu yi korem yaa karak kondimaib, kuruwak god yaa kerengkan keriwendan yaa kui. Goddan korem, yi kuu ye yaa bumangke ye yaningko konkoonime.

Yook 99:8

O Yariman nub God, ebbed yi yaa inandundewen. Eb kuu Israeldan yi arewa kamenabi yaa ukum kowimaab kuned, eb kuu yi ambarakmi are nonondandi ye God.

Matyu 15:4

Kedi, Godbed yedmoon, ‘Yiib ambe ena yi weng wengambere awandime.’ andoon. Ma yedmoon kuu, ‘Kanembed ambe ena yaa amkidbaneen kuu ayiwed bobni yeman.’ andoon.

Matyu 16:21

Kuyaron yaambed yaro ari kuu Yesumbed ye kedmengkandeendan yaa andowe dianmo daandoon, ye kuu Yerusalem aom wananeen kumbed Yuudan yi korok korokiib God dore Yuudan dore wedyiri dobiridan yi korok korokiib Yuudan yi amob kedmengkandidaniib kumbed ye kuu awinenib durud yewed maa maa konekoriwa, ye kuu ayaniiwa bobnaneen kumban aron ayoobmim ari kuu nenkoonaneene ika dembaneen ande daandoon.

Yesu Ye Weng Amun Lukbed Wongkoon 21:16

“Kumban, yiib ariana aagoroka oniya damana karubkima angkodmia kwangkon yiib yaa ambodanganiib. Yimbed yiib yena kuu yengkadmaniib.

Yoon 7:7

Okad kiridan kuu yiib yaa arud wandembirindeban kumban, ne yaa kuu arud wandembirimaib, amborom kuu yi arewa kami kara yaa korokbende dakmiin kowe.

Kwamiwen 5:36

“Kurin anuk Teudas kuu ne kuu karub maa ande yirin kamoona karub 400iib areb ye yoman winiwen, kumban yenambed ayiiwe ye yoman winiwendan kuu kirokmone wenebiiwe kuye yirin kuu dowan keroon.

Romdan 2:17

Kwane, eb kude? Ebbed ne kuu Yuuman andimaab, eb kuu yi amob yaambed angkumone doreneb, God yaambed yone dobaraan ande kerengkan kereneb,

Romdan 2:23

Eb kuu Yuudan yi amob dowad kerengkan weng dakmimaab kumban, kuye amob domabangkimaab kumbed God yaningko monmarimaawoo?

Romdan 3:27

Kwani keroonka, nub kuu komo yaambed kerengkanuub? Dowan! Keye dowad kuu komo? Nubbed Moses ye amob kuu awine kanduwenkowoo? Yii, nub anam anduwen kuned kii.

2 Korindan 10:15

Kowe, nub kangkon karub yena yi deme dowad kerengkan weng dakmindo kowe, God ye deme nub yaa kondoon kuyaa burudandindo. Ma, kwananeen ande meenuwen kuu yiib anam andi kuu kaine darewoob kerod, yiib kuyaombed nub kuu deme darewoob kere awinem ande meenuwen.

2 Korindan 12:20

Kedi, ne unaan kuu kei, ne yiiwiib yaa meneni wedmaniina yiib dobiri kuu ne dowaken yaamban keraneen. Angkon neman wedmaniiwa ne mene komarewa yiib yoom dobaraniin kuu yiib dowaken yaamban keraneen. Ne unaan kuu kei, yiib kuu wengberenabiyiib wungkandiyiib norin wandiyiib kirim kamiyiib wengamborokbanabiyiib kobkob daanubdaanab kamiyiib nembedmo nedin andiyiib wabkad kamiyiib keriwen kowe, mene wedmeni dabab koni ye inameniib keraniin ande meenaan.

2 Tesalonaikadan 2:4

Karub kee kuruwak god korem yaa bon kerundene yekareb yi aningko be kubunene ye aningko darewoob arimbed konaneen. Kwane, yekareb God ye kurikuri boyambib darewoob aombed doberene ne kuu God kii ande daandaneen.

2 Timoti 3:2

Nimakarub kuu yika yimeren yaa kerengkan kerenib, yi inamen kumundin kuu kande odbed kan kiringkono kowenib, nubbedmo yimin ande kamenib, yi id benkoobenib, yi weng arewambed karub yena kankubunenib, yi ambe ena yi weng wengambirimokban kerenib, ee eso amun andimokban kerenib, inamen karadmoyiibban kerenib,

Taitus 3:3

Kurin anukbed doburuwen kuu nub kangkon inameniibban wabkaddan, nub kuu nemengkandoone nub id dowaken deme arewa yemoonbed nub yariman keriwen. Nub dobiri kuu karub ma ayem andi meenenub inwirine keenomboroon keenomboroon kamenub neman arud wandemboroon arud wandemboroon kamuwen.

Yems 3:5

Kwamune areb, nub ong kuu nub id aom kuyaa yone angkeen kuu embeng kumban, kuyaambed kerengkan weng miin dareb dareb meneboon. Meenime, nembereng embeng kumbed at biid koknoon yaa awine kande denaneene, kwane denenmo wene dura darewoob kuu dene dookbemoon areb.

Yems 4:16

Kumban yiib kuu “Nub dowaken yaambed kwamune awinanuub.” andimaib kuu kerengkan weng. Weng kwamune awene korem kee arewamo.

2 Pita 2:18

Kedi, yi mongkod daande kobkob weng kerengkan dakmimaib. Kwane, kibirebya anam ande ambarakmi yaa kirokmoniwendan kuu dudi ye kedmengkandi korok korok kembed birandande kamiib, id ye dowakeniib okad yiri ye nenem inameniib kuye kerekmen yaambed kii.

Kerek Judbed Wongkoon 1:16

Kamune, karub kee yi kuu mungkubmangkab awaan, undebendi weng dakmidan kui. Yi kuu yi inamen arewa ye yoman winimaib. Yi kuu kerengkan weng dakmenib, nemengkanako awawok andi ye weng dakmimaib.