Matyu 7:24 - Yomgkom

²⁴ “Kwane kowe, kane kanembed ne weng kee wengamberekore kankowe awinaniib kuu, yi korem kuu inamen kangdom meenimaan ye karub yambib kuu okad kamkonombon bot areb arimbed yenboon areb.

Matyu 7:24 ပူးပေါင်းရင်းမြစ်များ

Yook 111:10

Yariman yaa uneni kuu meeni kangdom ye ambokab, kwane kane kanembed ye kongamki yamob awinimaib kuu yi korem kuu inamen kaadkeri amun kandiwen. Ye yaningko kankooni kerekmen kuu aron korem kwane angkimbaraneen.

Yook 119:130

Eb wengbed ambobimaan kuu nambiri kondimaan, kwane eb weng kuu mengmengiibban iwari doriibdan yaa inamen kaadkeri kondimaan.

Yook 119:99

Eb kerekmen korokbewen ye weng yaa kube meendobimain kowe, inamen niindem aom andangke bi kerekmen arimbed kandaan, ne kedmengkawiibdan arebban.

Matyu 12:50

amborom kuu kane kanembed Nambe Ewen ari doreen ye inamen dowaken yaambed kamimaib kuu ne enaya ne aagoroka ne yangkuraya kuu kui.” andoon.

Matyu 16:18

Kwane, nembed eb yaa yedmaan kuu eb kuu Pita, eb kuu dumnad. Keye dumnad kwarimbed ne anam andidan ambib areb kuu ambangke kanyenbaniin. Kwane, bobni yaromkonombed monmaraanban.

Matyu 24:45

“Kedi, karub wengamberene meeni kangdom awini ye deme karub kuu, ye korokbed ‘Eb kuu ne demedan yaa ooneneb aron kerimamuko animaniib odiib bangkandimame.’ andoon ye karub kuu kane?

Matyu 25:2

Nima angko angkoyiib kumbed angkoyiib kuu korobe meenindodan, angkoyiib yenamo kuu meeni kangdomdan.

Matyu 25:4

Kumban meeni kangdom ye nima kuu angkadkokiib amoyok yenayiib be winiwen.

Matyu 25:9

“Kumban meeni kangdom ye nima koyumbed inande yedmiwen, ‘Yiminbanaa, mondaubban, amborom kuu yiiwiib nuwiib kuu amoyok yiminban kerandameen kowe. Kwana kowe, yiibka amoyok berengkidan yaa wene berengkekoriwa minime.’ andiwen.

Matyu 7:25

Kwane, am darewoob meneboona ok derebuuna nuub kenambun mene ambib nan yoboon kumban, ambib kuu okad kamkono arimbed arumoon kowe, nan monmarindo dobureen.

Matyu 7:26

“Kumban, kane kanembed ne weng kekee wengamberekoriwa kwamune kankowe awinokban keraniib kuu, yi korem kuu inameniibban karub yambib kubuk arimbed yenboon areb.

Yesu Ye Weng Amun Lukbed Wongkoon 11:28

Kumban yembed yu yaa yedmoon, “Yii, maa, anam kuu kei. Kane kanembed God ye weng wengamberekorib anam andenib awiniwen kuu Godbed amun kerundoon kii.” andoon.

Yoon 13:17

Kibireb kee inamen kee yiibkaadkeriwen kowe, kee awine kwamune ambangkaniib kuu yiib yaa amun kerundaneen.

Yoon 14:15

“Ne yaa mimyob dowaken keewaniib kuu kwamime andi ye weng yedme kowaan kuu wengambere awinaniib.

Yoon 15:10

Ne kuu ne Ambembed kwane kame andoon ye weng kuu wengambere awine kandeni, ye mimyob dowaken aombed yone doberembaraan. Kwamune areb kuu yiib kuu nembed kwamime ye weng awine kandaniib kuu, yiib kuu ne mimyob dowaken aombed yone doberembaraniib kii.

Yoon 15:14

Yiib kuu nembed kwamime andaan kuu awine kandaniib kuu ne angkodmia keraniib kii.

Romdan 2:13

Kedi, amob no wengambiriwendan kuu God ye kerekmen yaambed yorokmo kerindo, amob wengambere awine kandiwendan kuu God ye kerekmen yaambed yorokmodan kii ande daandaneen.

1 Yoon 2:3

Nub nubkaad, nub kuu Yesumbed kwanime andoon ye weng kuu wengam-bere awine kandanuub kuu, anam ye kuu nubkaadkerenuwen.