Matyu 6:16 - Yomgkom

¹⁶ “Aadidmidan yenambed animan koronde God yaa meenimo kamimaib yaron kuu yi kara karub yenambed wedmendi ye dowad kuu okambimokban angkon murubia kubiyiibban kamimaib kui. Yiib kuu kwamune kamaib. Nembed yiib yaa ke anam yedmendaan kei, yi kwamiib ye kakman kuu okad yirimbed korem kuu kandiwen kii, dowan.

Matyu 6:16 ပူးပေါင်းရင်းမြစ်များ

Yook 109:24

Ne kuu animan koronde eb yaa kurikuri kerimain kumbed ne dangbo kuu wud kereni, ne id kuu kad kombere konokonomo keraan.

Yook 35:13

Kuned yi kuu anikad kandimaib kuu mimyob wandi ye ebkad boroneni, animan koronde neka kankubuneni, kurikuri kamimain kumban Godbed ma inandimokban.

Yook 69:10

Ne kuu inok we animan koronde God yaa meenimain kuu ne yaa damangkawe irinyowimaib.

Matyu 6:1

Kwane, Yesumbed nimakarub yemoon nedbiwendan yaa ika daandoon, “Yiibkaadkerime. Yiibbed kurikuriyiib amun kamiyiib kamboknondan yaa bangkandiyiib kamaniib kuu yimin, kumban nimakarub yi kiringkono arimbed yiibbed kwananiib yi wedmi ye dowad kamaib. Yiib kwamaniib kuu yiib Ambe Ewen ari doreen yaambed kuu ye kakman kandaibban.

Matyu 6:2

Aadidmidan yenambed kurikuri ambiwoomiib kambong wedyayiib kuyaa wene nub aningko darewoob kerandiwed kuu kamboknondan yaa bangkandimaib, kibi kan komkanmo yarebe dakmenmo dewenebemoon areb. Yiib kuu kwamune kamaib. Kowe, nembed yiib yaa ke anam yedmendaan kei, yi kwamiib ye kakman kuu okad kirimbed korem kuu kandiwen kii, dowan.

Matyu 6:5

Kwane, Yesumbed ika dakmoon, “Aadidmidan yenambed yi dowaken darewoob kuu kurikuri ambiwoomiib kambong wedyayiib kuyaa wene dembe nub yaa wedmime andiwed kurikuri kamimaib. Yiib kuu kwamune kamaib. Nembed yiib yaa ke anam yedmendaan kei, yi kwamiib ye kakman kuu okad kirimbed korem kuu kandiwen kii, dowan.

Maak 2:18

Aronki yena kuu Yoon ye kedmengkandeendan kuu aronki mimo animan koronde God yaa meenimo kamimaib. Farisidan kangkon kwanimaib. Kwanimaib kowe, karub yenambed mene Yesu yaa kaamoniwen, “Yoon ye kedmengkandidaniib Farisi yi kedmengkandidaniib kuu animan koronde God yaa meenimo kamiib kowe, komarewakob eb kedmengkandeebdan kuu kwanimokban?” andiwen.

Yesu Ye Weng Amun Lukbed Wongkoon 18:12

Ne kuu arimingku mimim kumaom kuu aron ayoob arimbed animan animokban koronde eb yaa kurikuri kereni, komo kandimain kuu andokbe angko angkoyiib wenore anded mimo kuu eb yaa kabdimain kii!’ andoon.

Yesu Ye Weng Amun Lukbed Wongkoon 2:37

yu karub bobnoone, yumbedmo dobere wene weeb 84yiib kereen. Yu kuu kurikuri boyambib darewoob kuu domondimokban, animan korondekoru amnoomiib awingyawiib kurikuri kamenu God yaningko kankoonembirimaun.

Kwamiwen 10:30

Andoona, Kooneliusbed yedmoon, “Aronkob angkara yaambed aron kaningiib dowan kereen anuk kuu, nambiwoom kurikuri kamiina karub maa ebkad kawanmo nambiriyiib inwaroon kumbed kudmeniibban dangkoro doboroon.

Kwamiwen 14:23

Kwane, anam andiwendan ku nedbiwen korem kumaom kuu Pool yoom Baanabas yoombed karub mimim biiwe, yi ooni korok korok keriwen. Kwane, animan koronde kamenib kurikuri kamenib anam andiwendan kuyi Yariman ye dingki ari nongkobiwen.

1 Korindan 7:5

Ayoob dabokni ye kerekmen yaa kuu korondaan andaib. Kumban weng mimo keraniib kumbed aron dukmenmo kurikuri kami dowad korondaniib kuu yimin. Kuye aron dowan keruka ika daboknime. Daboknaibban keraneen kuu yikareb kangkadmi embengmo yiminban keraniiwe Setenbed yi ayoob birandaneen.

2 Korindan 11:27

Ne kuu deme yobdood awineni nimin darewoob andeni amnoom yemoon unuk angkinban kerimain. Ne kuu mungimo bobneni ok moommo kandeni aron yemoon animaniibban dobirimain. Ne kuu yurukmo kandeni ebkadiibban dobirimain.