Matyu 5:45 - Yomgkom

⁴⁵ Yiib kwananiib kumbed yiib Ambe Ewen ari doreen ye dana meed keraniib. Yembed aron yedmoona yurenu amundaniib arewadaniib korem yaa yure kowimaun, am kwangkon kwane yedmaana yorokmodaniib arewadaniib yaa minimaun.

Matyu 5:45 ပူးပေါင်းရင်းမြစ်များ

Yook 145:9

Yariman kuu nimakarub korem yaa amun amun kamendimaan, kwane ongmenaboon ye kumkam korem yi dabab kandimaib yaa kuu mimyob keende awandimaan.

Matyu 5:9

Kane kane wedyiri dobere wengangkimaib kuu Godbed amun kerundoon, amborom kuu Godbed yiib kuu ne meed kii andaneen kowe.

Yesu Ye Weng Amun Lukbed Wongkoon 6:35

“Kwanimaib kumban yiib kuu bondan yaa mimyob dowaken keendenib amun amun kamenib yi yaa yiib yiribman araben bangkandime. Kwanekorib angkon ika kandi ye inamen kowaib. Kwananiib kumbed kakman darewoob kandaniib. Kwane, yiib kuu Korem Burudandoon Arimbed ye God ye dana keraniib, amborom kuu God kuu eso andimokban ambarakmidan yaa amun amun kamimaan kowe.

Yoon 13:35

Yiib kuu mimyob dowaken keenoon keenoon kamaniib kumbed nimakarub yena kuu wedme yikaadkeraniib kuu anam yiib kuu Yesu ye kedmengkandeendan andendaniib kii.” andoon.

Kwamiwen 14:17

Kumban ye kuu miin korem domondoona yiibka dobirindo. Yembed yiib yaa amun kerundene mongkobon animaniib amiib kondimaan. Kwane, animan yemoonbed kondene kwane yiib niindem aom kubiyiib kondimaan. Kukuu God doreen yiib akmi yeman kui.” andiwen.

Efesusdan 5:1

Yiib kuu God ye mimyob dowaken keendoon dana kowe, yembed kamimaan areb ye koob kandime.

Filipaidan 2:15

Kwana kumbed yiib kuu okad kiri unitab inamen miin arewadan kuyaom dobaraniib kuu, ambarakmiyiib kii ande dedmone daandiyiibban karadmo kere God ye meed ambarakmiyiibban kere dobaraniib. Kwamenib wadkeri weng yi yaa kondaniib kumbed mindong ambid ari yuudkanaan areb kwane yuraniib. Yiib kwananiib kuu Keresu ye aron arimbed kerengkanbed yedmaniin, “Kwamune keriwen kowe nembed God ye deme ambangkaan kuu idiibban kerindo, idiib keroon kii.” andaniin.

1 Yoon 3:9

Kane kane kuu God yaambed wooniwen kuu ambarakmembaraibban, amborom kuu God ye inamen kuu yi niindem aom angkeen kowe. Kwane, yi kuu kwane ambarakmembirindeban, amborom kuu yi kuu God yaambed wooniwen kowe.