Matyu 5:32 - Yomgkom

³² “Kumban nembed yiib yaa ke yedmendaan kei, karub kanembed ye wonong ogood dankoraraneen kuu yiminban. Ma, yumbed nenem kameen kumbedmo dankorari kuu yimin, ogood dankorari kuu ye ambarakmi, yu kuu nenem wonong keranuun kowe. Kwamune angkon wonong kee karub maambed awananeen kuu ye nenem kami ye karub keraneen.

Matyu 5:32 ပူးပေါင်းရင်းမြစ်များ

Matyu 5:28

“Kumban nembed yiib yaa ke yedmendaan kei, karub kanembed wonong wedmende ye dowaken ambarakma ande meenaneen kuu dowan kii, ye inamen aombed wonong kuu nenem kamoon kii.

Yesu Ye Weng Amun Lukbed Wongkoon 16:18

“Karub kanembed ye wonong dankarekore, wonong maa awananeen kuu nenem kara kowe ambarakmaneen. Kwane, karub kanembed dankaroon ye wonong awananeen kuu nenem kara kowe ambarakmaneen.” andoon.

Yesu Ye Weng Amun Lukbed Wongkoon 9:30

Kwane kuyaambed, karub ayoob Moses yoom Elaidya yoom kuu

Yesu Ye Weng Amun Lukbed Wongkoon 9:35

Kwaniiwe, wiib aombed wengmo dakmoone menebene yedmoon, “Kekee ne Dana, ye kuu nembed kinaan kowe ye weng kuu wengambirime.” andoon.

Romdan 7:3

Kwana kowe, karub kuu bobnindo wad doreen kumbed wonong kuu wene karub mamaa awananuun kuu, yu kuu nenem kami wonong kereen andaniib. Kumban wonong yu karub bobnoonbed kuu awani amobbed yu kuu ma awinendindo kowe, obonmo kereen kowe, wene karub mamaa awananuun kuu nenem wonong andaibban.

1 Korindan 7:4

Wonong yu id kuu yukareb yumbedmomban, yu karub kangkon yeman. Kwamune areb kuu karub ye id kuu yekareb yembedmomban, ye wonong kangkon yuman.