Matyu 5:25 - Yomgkom

²⁵ “Kanembed eb nenwene kangdod weng dakmandameen kuu kudin kirodmo weng ongmekorewed, weng kuu kiwaan yaa ye yoom weniib yaa kumbed ongmenmo wene. Ma kwanaabban kuu eb kandune wengyundi ye karub konaneena kumbed kandune wii ye korok konaneena, yembed kandune eb kuu wii aom kaananeen.

Matyu 5:25 ပူးပေါင်းရင်းမြစ်များ

Yook 32:6

Kwani kowe, kane kane eb kerekmen ye kiwaan ari doriib kuu aroniib keroka yi korem eb yaa kurikuri kerime. Anam kuu kwananiib kuu urok areb dabab yemoon menebaneen kuu kubunokban keraniib.

Matyu 26:58

Kumban Pita kuu Yesu ye yoman diamban anukbed menene Kaiyafas yambib kuuk aom awunoon. Awunekore, ambongko oonidan doriib yaa dibere Yesu komo kerandamiib kuyaa wedma anded.

Yesu Ye Weng Amun Lukbed Wongkoon 18:3

Kwane, taun kuyaom kuu wonong irib mamaa, yu kuu wengyundi ye karub yaa menebemberenu yedmimaun, ‘Karub maa ne yaa bon keroon kuu wengyunde weng anam kawe!’ andimaun.

2 Korindan 6:2

Amborom kuu Godbed Ye Weng aombed yedmoon, “Nembed ne kubi dowakeniib aron kinaan arimbed yiib kurikuri weng wengambere kwanaan, bobni yaa burudande bindi yaron arimbed yiib awandaan kui.” andoon. Kedi, Pool, nembed yiib ke yedmendaan kei, kibireb kee Godbed ye kubi dowakeniib kinoon yaron kii, kibikee bobni yaa burudande bindi yaron kii.

Hibrudan 12:17

Yiibkaad kui, kuye yoman kuu keye amun kerundi kee kandande kamoon kumban ye kuu wunekaroon. Ye kuu amun kerundi kandi dowad weng ongmaan amonomba ande kamene amengiib kamoon kuned yiminban.

Hibrudan 3:13

Kumban kibikbed wene yimin wandaneen yaron kuu derekmana kowe, aron korem neman kube ongkanoon ongkanoon kamime. Kwamaniib kumbed ambarakmi ye birandimbed yiib niindem aom kebendaanban.

Hibrudan 3:7

Kowe, Kingkin Karadmo kurinbed Yuudan wabkad keriwen yi dowad yedmoon kuu kibikbed yiib yaa kwamune, “Kibikee ye weng wengambiribka,