Matyu 26:52 - Yomgkom

⁵² Kwanoona, Yesumbed yangkodmi yaa yedmoon, “Eb kerewang kuu ikakman kud aom kambure nowe, amborom kuu kanembed kerewanga kumana anaya kumbed be nangbi doraniin andaneen kuu doraanban, kerewanga kumana anaya kumbed ayaniiwe bobnaneen.

Matyu 26:52 ပူးပေါင်းရင်းမြစ်များ

Andowoon 9:6

“Karub kuu God ye kuruwak areb ongmoon kowe, karub kanembed karub maa ayaneene bobnaneen kuu man kangkon karub yenambed aye kowaniib.” andoon.

Yook 55:23

Kuned, o God, arewa kamidan kuu ebbed ben kubudere dem kongdem yiri nongkobe. Kuman yenbandidaniib birandidaniib kuu yi wad dobiri yaron kuu wedyambed naraneewa duknaniib. b Kumban ne kuu eb yaambed yone dobaraniin.

Matyu 5:39

“Kumban nembed yiib yaa ke yedmendaan kei, kanembed yiib yaa ambarakmoon kuu neman kakman inandaib. Kwane, kanembed eb angkatom yaa yakdaroka, angkarayiib kwane konebko wowok.

Romdan 12:19

Angkodmia, angkon neman bon kingkaib, korondibko Godbed kuye bon kuu ambangkok. Amborom kuu God Ye Weng aombed kekamune yedme wongkoon, “Yarimanbed yedmoon, ‘Arudbed bon kuu neman inendaniin, nembed kakman kondaniin kii.’” andoon.

1 Tesalonaikadan 5:15

Kwane, yenambed ambarakmendibka inande ambarakmendaib. Kane kanembed inande kwanandamibka kebendime. Kumban aron korem kuu man amun man amun kamime, nimakarub korem yaa kangkon amun amun kamenabime.

1 Pita 3:9

Karub kanembed yiib yaa arewa kamaneen kuu neman kwamune inandaib. Angkon yiib yaa nongdomatom ande yedmaneen kuu neman kwamune inandaib. Yiib yaa kwamune kamoka ye yaa neman God yaningko yaambed amun kerunime, amborom kuu Godbed yiib yaa kwamune kamime ande kinoon kowe. Yiib kwananiib kuu yiib yaa God yaningko yaambed amun kerundaneen.

Korokboon 13:10

Kane wii aom kaani dowad kinoon kuu, kwane wii aom kaananiib. Kane kerewangbed ayi dowad kinoon kuu, kwane kerewangbed ayaniib. Keye weng kumbed God ye karadmodan kuu yodbirimban iwarimo kangdommo doberenib anam andi yaa ma korondiyiibban doberembirime.

Korokboon 16:6

amborom kuu yimbed eb karadmodaniib eb profesi weng wengambere dakmidaniib kuu yenbandiiwe yi umkan kubudoroon kowe, ebbed kwaniwen ye kakman umkan kondeneb anime andewen.” andoon.