Matyu 25:13 - Yomgkom

¹³ Andekore, Yesumbed ye kedmengkandeendan yaa daandoon, “Kwana kowe, kerekbere doberembirime, amborom kuu Karub Ye Mingki mananeen ye aron kuu yiibkaadban kowe.” andoon.

Matyu 25:13 ပူးပေါင်းရင်းမြစ်များ

Matyu 24:50

Kuye niindem aombed ye yariman kuu kwamune ika mananeen ye aron meedmokban yaron arimbed dangkaraneen.

Matyu 25:12

“Kumban yarimanbed inandoon, ‘Dowan! Nembed yiib yaa ke anam yedmendaan kei, yiib kuu nekaadban.’” andoon.

Yesu Ye Weng Amun Lukbed Wongkoon 21:36

Kwani kowe, aron korem kuu kereknembirime. Kwane kurikuriyiib kamime, barang kee kwamenabaneen kuu yiib yaa manaanban ye dowad. Kwane, kurikuriyiib kamime, yiib kuu yiminmo Karub Ye Mingki ye arinambo ari dobaraniib ye dowad.” andoon.

Kwamiwen 20:31

Kowe kereknembere oonime! Meenime, weeb ayoobmimiib kuu womoniyiibban amnoomiib awingyawiib ne inok wandeni yiib korem kuu kaadkerime ye wengiib ongkandimamaan kui.

1 Korindan 16:13

Ongme kerekime, anam andi yaa kangdommo dobirime, eeri ye nimakarub kerime, yiib niindem aom aromnime.

1 Tesalonaikadan 5:6

Kwane kowe, nub kuu yena unuk dangiwen areb keraub. Kuned nubkareb keenombere kangkadmem.

2 Timoti 4:5

Kumban, komo komo menebaneen kuu ebkareb ooneneb kangkadme. Dabab menebaneen kuu emamo kangdommo doberembere. God ye weng kanyare dakmi ye deme kuu kwane awine. God ye deme awineeb korem kuu ongme awine.

1 Pita 4:7

Kumkam korem yimin wandi yaron kuu dia kereen. Kwani kowe, korobe meenenib yiibka kangkadmime. Kwananiib kuu yiib kurikuri kuu yimin keraneen.

1 Pita 5:8

Yiibkareb kangkadme keenombirime. Yiib bonman, Seten kuu laiyon arud kabang kameen kumbed nimakarub anandameen areb yarebeen.

Korokboon 16:15

Kwane, yimbed king korem ben Hibru wengbed Aamagedon andimaib kuyaamo nongkobiwen. Kwane, Yesumbed yedmoon, “Kedi, ne kuu yid ye karub areb mananiin, komo aron arimbed mananiin kuu yiibkaadban kii! Kanembed ye kuu unuk angkemoon arebban kerene ye ebkadiib doreen ye karub kuu amun kerunaneen, ye id yaa kebeni yemaniibban kere nimakarub yi murubia ari idmo wenene karak bobnaanban kowe.” andoon.