Matyu 20:2 - Yomgkom

² Nong yob deme aronki mimo kuu od silvaa yeman mimo yaningko denarius kowe, kwane bangkandaniin andekore ben mongkobon angka yedmoona winiwen.

Matyu 20:2 ပူးပေါင်းရင်းမြစ်များ

Matyu 18:28

“Kumban deme karub kuu wene ari yangkodmi deme karub mamaa wedmenoon. Yangkodmi kumbed od silvaa yaningko denari 100iib dungkum keroon kowe, karub kuu kongkono yaambed awine kanyobene yedmoon, ‘Ne dungkum kuu kankawe!’ andoon.

Matyu 20:1

Andekore, Yesumbed ika yedmoon, “Kedi, Godbed korok kere ooni yeman kuu kamune, mongkobon yarimanbed amkimo kaimbed yaro dore wene karub bako, ye nong yob deme awinime ande boon.

Matyu 20:13

Kumban yembed yi kuyaom kuu mimo yaa inande yedmoon, ‘Angkodmi, ne kuu eb yaa ambarakmindo. Ma, angkon eb kuu ee kibikmo od denarius mimo deme awinaniin andewenoo?

Matyu 20:3

Kwane, angkon aron 9 oklok areb yaa wene wedmoonka, animan berengkanabimbon yaa karub ogoodmo demeyiibban doriib.

Matyu 20:9

Kwane, 5 oklokbed boondan kuu menenib od denarius mimo biwen.

Matyu 22:19

Kwana kowe, tak od kowimaib ye od murubkob kuu kankorokbewiiwo wedma.” andoon. Andoona, od murubkob denarius mimo kanminiwen.

Matyu 9:37

Kwane, Yesu ye kedmengkandeendan yaa daandoon, “Nimakarub kee, mongkobon animan yumune bi yeman karakiib areb, kumban yarebe bidan kuu yemoonban.

Maak 12:15

Tak od kuu kowanuub dee kowaubban dee?” andiwen. Kumban Yesu kuu yi nemengkandi kara kuu yekaadkeroon kowe, yembed yi yaa kaamondoon, “Yiib komande ne yaa komboon kaamowiib? Od murubkob kuu ne yaa kanminibko wedma.” andoon.

Yesu Ye Weng Amun Lukbed Wongkoon 1:15

amborom kuu ye kuu God ye murubia arimbed karub amun kere aningko darewoob keraneen. Kwane, ye kuu ok wainiib ok arewayiib animokban ye karub kerene ye wooni aron yaambed Kingkin Karadmombed ye yaa ibnenaneen, domonenaanban.

Yesu Ye Weng Amun Lukbed Wongkoon 10:35

Kuye awari kumbed od silvaa yeman ayoob bene ambiwoom oonoon ye karub yaa bangkanekore yedmoon, ‘Ye yaa oone. Ye dowad eb od komoyiib kiradmaneeb kuu mananiin yaambed kwamune kabdaniin kii.’” andoon.

Yesu Ye Weng Amun Lukbed Wongkoon 20:24

“Od murubkob kuu ne yaa korokbime. Od murubkob yaa kekane ye korok kuruwakiib aningkoyiib?” andoon. Kwanandoone, yimbed yedmiwen, “Saesaa yeman kui.” andiwen.

2 Timoti 3:15

eb kuu dana mana yaambed God Ye Weng Karadmo kaadkerewen. Keye weng kee, Yesu Keresu yaa anam andi yaambed Godbed bindi dowad meeni kangdom kondi yeman.

Korokboon 6:6

Kwanoone wengambaraane, dingkan kaningiib kuyaombed wengmo yedmoon, “Animan dowan kerandameen kowe, wiit flawa yowo embeng mimo kuu aronki mimo ye deme ye od kumbed moonime. Baali flawa yowo embeng ayoobmim kangkon aronki mimo ye deme ye kakman kumbed berengkime. Kwane, oiyo nengkanabi yemaniib wain okiib kuu monmaraib!” andoon.