Matyu 18:3 - Yomgkom

³ Kwane, Yesumbed yedmoon, “Nembed yiib yaa ke anam yedmendaan kei, yiib korobe amonombe dana kamune areb keraniib kumbed Ewen aom awunaniib. Ma kwanokban keraniib kuu awunaibban.

Matyu 18:3 ပူးပေါင်းရင်းမြစ်များ

Yook 131:2

Anamaa, ne kuu nangkem kere iwari keraan, dana awaan yu muk koronde yu yaa yone iwari keremoon areb keraan, kuye dana areb ne inamen kumundin kuu iwari keroon.

Matyu 13:15

amborom kuu kwamune keyedan kee yi niindem aom kamkono kerenib, yi wengambiri korondenib, yi indob korem imbune winiwen kowe. Kwanaibban kuu yi indobbed wedmenib, yi kerendembed wengamberenib, yi niindem aombed weng id kandenib, amonombiiwa, nembed ongmendaniin.’ kwane wongkoon.

Matyu 18:2

Kwanandiiwe, Yesumbed dana embeng yaa baandoona monoona, yembed nende yi murubia ari kowoone doboroon.

Matyu 18:4

Kwani kowe, karub kanembed yeka kankubune dana mana keyareb keraneen kumbed Ewen aom aningko darewoob keraneen.

Matyu 19:14

Kwaniiwe, Yesumbed yedmoon, “Yiib korondiiwo, dana bongbong kuu ne yaa minime yiib kebengkaib. Godbed korok kere ooni yeman kuu dana bongbong kamune yi inamen areb keraniib kumbed awunaniib.” andoon.

Matyu 19:23

Kwane, Yesumbed kedmengkandeendan yaa yedmoon, “Nembed yiib yaa ke anam yedmendaan kei, yiribman yemoon ye karub kuu yekareb kankubunekore Ewen arimbed doreen ye Godbed korok kere ooni yeman aom awuni kuu yobdood.

Matyu 5:18

Yiib yaa ke anam yedmendaan kei. Weng embeng mana o weng wongki kuruwak mana kuu amob yaambed ma biknaanban, kwane danganeenkob wene kuye weng kundukiib profesi wengiib korem kuu anam id keraneen.

Matyu 5:20

Kwane, yiib yaa ke yedmendaan kei, yiibka yiib yorokmo dobiri kuu yiibbed Farisidan yoom Yuudan yi amob kedmengkandidan yoom yi inamen burudande darewoob keraniib kumbedmo Godbed korok kere oonimbon aom awunaniib.” andoon.

Matyu 6:16

“Aadidmidan yenambed animan koronde God yaa meenimo kamimaib yaron kuu yi kara karub yenambed wedmendi ye dowad kuu okambimokban angkon murubia kubiyiibban kamimaib kui. Yiib kuu kwamune kamaib. Nembed yiib yaa ke anam yedmendaan kei, yi kwamiib ye kakman kuu okad yirimbed korem kuu kandiwen kii, dowan.

Matyu 6:2

Aadidmidan yenambed kurikuri ambiwoomiib kambong wedyayiib kuyaa wene nub aningko darewoob kerandiwed kuu kamboknondan yaa bangkandimaib, kibi kan komkanmo yarebe dakmenmo dewenebemoon areb. Yiib kuu kwamune kamaib. Kowe, nembed yiib yaa ke anam yedmendaan kei, yi kwamiib ye kakman kuu okad kirimbed korem kuu kandiwen kii, dowan.

Matyu 6:5

Kwane, Yesumbed ika dakmoon, “Aadidmidan yenambed yi dowaken darewoob kuu kurikuri ambiwoomiib kambong wedyayiib kuyaa wene dembe nub yaa wedmime andiwed kurikuri kamimaib. Yiib kuu kwamune kamaib. Nembed yiib yaa ke anam yedmendaan kei, yi kwamiib ye kakman kuu okad kirimbed korem kuu kandiwen kii, dowan.

Maak 4:12

kowe, God Ye Weng aom wongkoon kuu yi yaa kwamune keroon kuu ke yedmoon kei, ‘Yi kuu wedmimaib kumban akmi ye id kandindeban, wengambirimaib kumban weng id kandindeban. Kwamune kuu id kandaniib kuu amonombaniiwe Godbed yi ambarakmi are nonondandaneen kui.’” andoon.

Yesu Ye Weng Amun Lukbed Wongkoon 13:24

“Ambongko embeng mana daandoon kuu aromnenib awunime! Ne yiib yaa yedmaan kuu nimakarub yemoon kuu kuyaom awunande kamaniib, kumban awunindeban keraneen.

Yesu Ye Weng Amun Lukbed Wongkoon 22:32

Kwanoone, ne kuu eb dowad kurikuri keraan kuu eb anam andi kara yaa korondaab andid. Angkon ika ne yaa amonombaneeb kuu eb angkodmia yaa yi anam andi aromni dowad awande.” andoon.

Yoon 1:51

Kwanandekore, yi yaa yedmoon, “Nembed yiib yaa ke anammo yedmendaan kei, yiib kuu wedmaniiwa ambid arimbed ambongko maa nandaneena engyus kuu Karub Ye Mingki ari kubune daane kamaniib.” andoon.

Yoon 3:3

Kwane, Yesumbed neman inande yedmoon, “Nembed ke anammo yedmebdaan kei, God ye oonimbon aom kuu angkon ika woonaneeb kumbed wedmaneeb.” andoon.

Yoon 3:5

Kwane, Yesumbed inande yedmoon, “Nembed ke anammo yedmebdaan kei, karub mim kanembed God ye oonimbon aom kuu aomnaanban, kumban okiib Kingkiniib yaambed woonaneen kumbedmo.

Kwamiwen 14:22

Ika winiwen ye dowad kuu anam andiwendan taun keyaom doriib yaa ambobandenib anam andi kuu kwane awine dobirime ande ongkandiwen, “Yobdood yemoon kuu burudandekoruwed, Godbed korok kere oonimbon aom kuu aomnanuub.” andiwen.

Kwamiwen 28:27

Kwane keraniib amborom kuu yi mimyob kebengkenib, yi kerendem kebengkenib, yi indob kangkon kebengkiwen kowe. Kwanaibban kuu yi indobbed wedmenib, yi kerendembed wengamberenib, yi mimyob aombed weng id kandenib, amonombiiwa, nembed ongmendaniin.’ ande wongkoon.

Kwamiwen 3:19

“Kwani kowe, amonombe God yaa minime. Kwananiib kuu Godbed yiib ambarakmi kuu arene, aromkono yiib yaa kondene,

1 Korindan 14:20

Angkodmia, dana yi inamen areb kuu korondime. Arewa yaa bongwanaib, kuyaa kuu dana embeng areb kere nonoon areb kerime. Kumban yiib inamen aom kuu amnime.

1 Pita 2:2

Dana monob yeeb woonuune muk yaa moom bobne anemoon areb, Yesu ye weng amun ye muk karadmo yaa meeni darewoob kerime. Kwane ananiib kuu Godbed bobni yaa burudande bindoon ye meeni kangdom yaa kaine amnaniib,

2 Pita 1:11

Kwane, yiib kuu kuye kiwaan wananiib kuu Godbed yiib yaa kube ee andene yiminmo ongmendaneene, aron korem yeman ye oonimbon nub Yariman nub Bobni Yaa Burudande Bindi Ye Karub Yesu Keresumbed oonoon kuu awunaniib.