Matyu 16:24 - Yomgkom

²⁴ Kwamunekore, Yesumbed ye kedmengkandeendan yaa daandoon, “Kwane, karub kanembed ne yoman manandamoka, yekareb ye dowaken ye inamen kankubune yaro ye at ming kankarinekore, ne yoman monok.

Matyu 16:24 ပူးပေါင်းရင်းမြစ်များ

Matyu 10:38

Kwangkon, kanembed ye at ming kankarine ne yoman monokban keraneen kuu, ne karub andainban.

Matyu 27:32

Yi kwane kiwaan yaa yaro weniib aombed karub maa siti Sairinman yaningko Saimon duruneniwen kowe, Yesumbed at ming kanweneen kuu Saimon yaa dedmone ebbed kanwene ande kan dangkoro keeniiwa Saimonbed kanwonoon.

Maak 10:21

Andoone, Yesu kuu ye yaa wedmenekore, mimyob dowaken keene yedmenoon, “Eb kuu inamen maa kee awinindo. Wene, eb yiribman korem kuu berengkekoreb, od kuu kamboknondan yaa bangkande. Kwananeeb kuu Godbed eb kakman Ewen ari kowaneen. Bangkandekoreb, ne yoman mene.” andoon.

Maak 15:21

Siti Sairinman maa yaningko Saimon, Aleksandee yoom Rufus yoom yi awodki kuu kambong maa yaambed mene ana nangmidan kee burudandandamoone, yimbed ye kuu awinekorib, yedmeniibkob Yesu ye at ming kuu yembed kankarine wonoon.

Maak 8:34

Kwanekore, yembed kadaarewiib ye kedmengkandeendaniib kuu baandoone ye yaamo keriiwe yedmoon, “Karub kanembed ne yoman manandamoka, yekareb ye inamen kankubune yaro ye at ming kankarinekore, ne yoman monok.

Yesu Ye Weng Amun Lukbed Wongkoon 14:27

Kwane nimaya karuwa kanembed yekareb bobni ye dowad ye at ming kankarine ne yoman monokban kuu ne kedmengkandi ye karub kerindeban.

Yesu Ye Weng Amun Lukbed Wongkoon 23:26

Kwanoone, ana nangmidanbed Yesu kuu nenwiniwen. Kuyaron ari kuu siti Sairinman yaningko Saimon kuu Yerusalem aom aomnene meneen. Kwane, ana nangmidanbed awinenekorib, Yesu ye at ming kankarine wonok ande dedmobeniiwe, kankarinene Yesu ye yoman doroone winiwen.

Yoon 19:17

at ming kankoniiwe, yeka Nangkarakbon yaa kankarine wonoon. (Nangkarakbon kuu Hibru wengbed kuu Golgota andimaib.)

Yoon 21:19

Pita kuu kamune ayaniiwe bobnaneen kumbed God yaa nambiri konaneen kuye dowadbed Yesumbed keyiib yedme korokboon. Kwanandekore, Yesumbed Pita yaa yedmoon, “Ne yoman mene!” andoon.

Yoon 21:22

Kwanandoone, Yesumbed inandunoon, “Ye dobaraneenkob ikakman mananiin kuu ne dowaken keraniin kuu eb meenembiri yemanban. Eb kuu ne yoman mene!” andoon.

Kwamiwen 14:22

Ika winiwen ye dowad kuu anam andiwendan taun keyaom doriib yaa ambobandenib anam andi kuu kwane awine dobirime ande ongkandiwen, “Yobdood yemoon kuu burudandekoruwed, Godbed korok kere oonimbon aom kuu aomnanuub.” andiwen.

Kolosedan 1:24

Kwane, ne kuu yiib anam andiwen ye dowad yaambed durud yewediib kandaan kowe kubaan. Kwane, yimin kerindo ye durud yewed kuu ne id yaa yimin kere weneen, Keresu ye durud yewed ye kerekmen yaambed. Kukuu anam andiwendan yi dowad, yi kuu Keresu ye id kui.

1 Tesalonaikadan 3:3

Yiib yaa kwanoon ye dowad kuu dabab menebaneen kuu kombaraib anded. Yiibkaadkeriwen kuu yiiwiib nuwiib yaa dabab menebaneen.

2 Timoti 3:12

Anam kuu kane kanembed Yesu Keresu ye dowad God ye dowaken yaambed dobarandamiib kuu, yenambed yenbande durud yewed kondaniib.

1 Pita 2:21

Kuye dowadbed God kuu yiib yaa baande kinoon, amborom kuu Yesu Keresu yiib dowad durud yewed kandoon kowe. Kukuu yiib wedme kwanime ande korokbendekore ye areb kere ye yoman winime anded.