Matyu 14:31 - Yomgkom

³¹ Kwane baandoone, Yesu kirodmo dingki yirene awinene nenkoonekore yedmoon, “Eb anam andi kuu embengmo kii, komande karekmeeb?” andoon.

Matyu 14:31 ပူးပေါင်းရင်းမြစ်များ

Andowoon 22:14

Kowe, Abrahambed aangko kuyaa aningko kuu “Yarimanbed kondimaan” ande kowoon. Kuyaronbed mene kibikee, kangkon kwane yedmimaib “Yariman ye aangko kwarimbed kondaneen.” andimaib.

Yook 138:7

Ne kuu arewa dabab niindem aom yarebimain kumban, ebbed ne kuu ongmewaawa wadkerimain. Ne bondanbed ne yaa kuu arud wandimaib kuyaa kuu eb dingkimbed kebenimaab, kwane eb dingki wiwimbed ne kuu arewa yaa burudande nendimaab.

Matyu 14:30

Kumban Pita kwane nuuwa oknondoka wedmendekore, unene ok yiri andowe kubune wenene baandoon, “Yariman, ne nenkoone!” andoon.

Matyu 14:32

Kwane, yi kuu motod aom awuniiwa nuub kuu dowan keroon.

Matyu 16:8

Kwane, dakmiib ye weng id kuu Yesumbed wedmendoon kowe yi yaa kaamondoon, “Yiib komandiwed animan maandindo andi ye weng dakmiib? Yiib anam andi kuu embengmo.

Matyu 17:20

Kwanandiiwe, Yesumbed inandoon, “Yiib kwanindo keriwen amborom kuu yiib anam andi kuu wuudmo. Kedi, nembed yiib yaa ke anam yedmendaan kei, yiib anam andi kuu aromne mastet yob embeng mana areb keraneen kuu aangko yaa baande yedmaniib, ‘Yakuri wene.’ andaniiwa kwananuun. God ye inameniib komo kamandameeb kuu yiminmo.” andoon.

Matyu 6:30

Kereka nong wuunga kuu barang embengmo God yaa kowe, yi kuu kibikmo yeedere awari dene dowan kerimaan, kuned Godbed ongmaankob wuung kuu manimanandewiib kerimaan. Kumban yiib kuu barang korem miin amun yeman God yaa kowe, komandiwed yiib kuu ebkad yaa meenmimaib? Godbed yiib yaa bangkandimaan ee! Yiib anam andi kuu embengmo kii!

Matyu 8:26

Ye deere yaro yedmendoon, “Yiib anam andi kuu embengmo kii, komande yiib kuu uni darewoob keriwen?” andekore, yaro dore nuuwiib oknondokiib kuu weng kone nandoon. Kwanandoona, kirodmo nuuwiib oknondokiib kuu dowan kereen.

Maak 1:31

Yedmeniiwe, ye kuu yuyiib yaa wene dingki yaambed awinendoone, anikad kuu dowan keroone, nenkoonoone aromnenu yaro doberekoru, yi yaa animan nekwe age bangkandeen.

Maak 1:41

Kwanandoone, Yesu kuu mimyob darewoob keenekore, ye dingki yire angkoronene, “Ne dowakenaa, amun kerok.” andoon.

Maak 11:23

Nembed yiib yaa ke anam yedmendaan kei, kanembed ye niindem aom kuu karekmiyiibban inamen mimo kere, komo andaneen kuu kwananeen andi ye meenimbed aangko keyaa ‘Ub kuu nenwene karamok yiri korarok.’ ande yedmaneen kuu Godbed kwamune kamaneen.

Maak 16:7

Kwani kowe, wene Pita yoom Yesu ye kedmengkandeendan yena yoom yaa yedmibko, ‘Galeli yaa winime, yedin kuyaa weneen kowe. Ye weng kunduk anuk yedme kowoon kwamune kowe, yiib kuu kuyaambed wedmenaniib kii.’ andime.” andoon.

Maak 4:40

Kwane, yembed ye kedmengkandeendan yaa yedmoon, “Yiib kuu komande undeek keriwen? Anam andindokowoo?” andoon.

Maak 5:41

Awunenib, yembed yu dingki yaambed awinendekore yedmoon, “Talita kum.” andoon ye weng id kuu “Dana, dembe.” andoon.

Yesu Ye Weng Amun Lukbed Wongkoon 24:34

Winiiwe, nedbiwendanbed yedmiwen, “Yariman kuu anam bobnoon yirimbed demboon kii! Yekareb Saimon yaa korokbenoon.” andiwen.

Kwamiwen 4:30

Eb karadmo dememan Yesu yaromkonombed bob anikad ongmiyiib dud korokbiyiib yeka mamaa ye wedme binangki yemaniib kuu ongmenabe.” andiwen.

1 Timoti 2:8

Ne dowaken kuu karub korem dingki kankoone kurikuri kerimaib kuu noriniibban wengbiriyiibban inamen karadmo yaambed kwamimamime.

1 Pita 1:5

Kwane, yiib yaa dabab menebaneen kuu yiib anam andi yaambed God yaromkonombed dorondare oonendaneene kwane wene aron yeenbon arimbed Godbed bindaneen ye kerekmen kuu dian keraneen.