Matyu 12:28 - Yomgkom

²⁸ Kumban God ye Kingkin yaningko yaambed yedme anburimain anam id keraneen kuu Godbed korok kere ooni yeman yiib yaa monoon kii.

Matyu 12:28 ပူးပေါင်းရင်းမြစ်များ

Matyu 12:18

“Kekee nembed kankowaan ye deme karub, ne mimyob dowakeniib ne kubi darewoowiib kowaan kuu kei. Ne Kingkin kuu kan ye niindem aom kowaniina, yembed ne wengyundi amun ye weng kankone nimakarub kumundin yaa kowene dakmaneen.

Matyu 12:29

“Angkon kwamune, karub kanembed karub aromkonoman doreen yambiwoom dawuro yiribman kuu yid be wanaanban, no ambib yariman kuu nongbed yenbe kowekored. Kumbed yaro ambib aande yiribman yid be wananeen.

Matyu 21:31

Kowe, kewed dana ayoob kuu kunambed yambe ye weng wengambere awinoon?” andoon. Andoone, korok korokbed inandiwen, “Ayi kui.” andiwen. Kwane, Yesumbed yedmendoon yi yaa, “Nembed yiib yaa ke anam yedmendaan kei, Yoon Baptaisman ku monoon kuu mene God ye yorokmo ye kiwaan kedmengkandok monoona, yiib kuu ye weng wengamberedandiwen anam andindo. Kumban tak od bidaniib kiwaan ari nimayiib kuu weng wengambere anam andiwen kowe, yi kuu yiib burudandenib, yidinmo Godbed korok kere oonimbon awunebiib kii. Kwaniwen kuu yiibbed wedmiwen kumban yiib amonombindo, Yoon ye weng anam andindo.” andoon.

Matyu 21:43

“Kwana kowe, nembed yiib yaa ke yedmendaan kei, Godbed korok kere ooni yeman kuu yiib yaa koronde kandune nimakarub yena yaa kuye deme awinenib idiib keraniib yaa kondaneen.

Matyu 4:24

Kwanoon ye weng kuu Siria ambibkin aom daande yareen. Weng kee daande yaraune, nimakarub bob anikad maa maa kandiwendaniib, niindem aom yewed darewoob kandiwendaniib, awad arewa ibnendiwendaniib, kot yimaundaniib, yona dingkia ida yidne wonoondaniib korem kwamune benmenebiiwe ongmenaboon.

Matyu 6:33

kowe, ibduruk kuu Godbed yiib korok kere ooni ye inameniib ye yorokmo dobiri ye inameniib onme kamiwed. Kwamaniib kuu yiribman kee kuu kwamune Godbed yiib yaa bangkandaneen.

Maak 1:15

“Amonombi yaron kuu muneen kii! Godbed nimakarub yaa korok kere ooni yaron kuu dia kereen kowe, ambarakmi yaa koronde amonombe weng amun yaa anam andime!” andimaan.

Maak 11:10

Nub awo Dewid ye ooni ye yumbon kumbed ika kanmanandamoon kuu amun kerunok! Karub ke meneen keye aningko miin anammo kankoonem!” ande kamiwen.

Maak 16:17

Ne weng wedme anam andi yeman kuu anam andiwendanbed dud korokbaniib kuu kei. Ne aromkono yaambed awad arewa yaa yedme yenburaniiwe angkanimo kamaniib. Angkon weng yeeb dakmaniib.

Yesu Ye Weng Amun Lukbed Wongkoon 10:11

‘Nub yondad dabderem aom ingkud kuu angkon ika yiib yaa wangkuub kii, kumban Godbed korok kere ooni yeman kuu yiib dia kereen kii.’ andime.

Yesu Ye Weng Amun Lukbed Wongkoon 11:20

Kuned ne kuu God yaromkono anam yaambed awad arewa kuu ben kiradmiin kowe, Godbed korok kere oonimbon kuu yiib yaa muneen kii!

Yesu Ye Weng Amun Lukbed Wongkoon 16:16

“God ye amob weng Mosesbed wongkooniib profesidanbed God Ye Weng wongkiweniib kuu baande daandimo kamiiwe kwane Yoon Baptaisman kuu monoon. Kwane, Yoon monoon yaambed Godbed korok kere ooni yeman ye weng amun kuu baande daandimaib. Kwanikob, nimakarub korem Godbed korok kere ooni yeman aom awunandamiib kuu aromkonoyiib awunimaib.

Yesu Ye Weng Amun Lukbed Wongkoon 9:2

Kondekore, yedmoon, “Wenebime. Godbed korok kere ooni ye weng kedmengkandime. Bob anikaddan ongmenabime.

Kwamiwen 10:38

Kukuu Yesu Nasaretman kuu Godbed kine ye aromkono konoona, Kingkin Karadmombed ibnenoona, wene amun amun kamimaane Setenbed kebendoondan korem ongmenaboon, amborom kuu Godiib awanenoon kowe.

Romdan 14:17

Kedi, God ye oonimbon kuu animan ani o ok ani keye kerekmen yaambedban. Kukei, Kingkin Karadmo ye aromkono yaambed yorokmo dobiriyiib yewenubmo dobiriyiib kubiyiib kui.

Kolosedan 1:13

Ye kuu kumunmo ye oonimbon yirimbed nub ben yaro ye mimyob dowaken keenoon ye Mingki ye oonimbon aom yuroon.

Hibrudan 12:28

Kwani kowe, nub kuu kiringmindeban ye oonimbon kanduub kowe, nub kuu eso andenub, kwane kiwaan yorokmo yaambed uniyiib God yaningko kuu karadmo ande yaningko kankoonem,

1 Yoon 3:8

Ma, karub kanembed ambarakmimo kamembaraneen kuu awad arewa ye karub keraneen kii, amborom kuu yimin andowoon yirimbed awad arewa kuu kwane ambarakmenmo meneen kowe. Kwanikob, God ye Mingki monoon kuu awad arewa komo komo ambang-koon ye monmari dowadbed monoon.