Matyu 12:20 - Yomgkom

²⁰ Aroob imkono nikboon kuu yembed domokbaanban, lem wik amoyidkob amareng deneen kuu kumbaanban, kwane wene God ye wengyundi amun ye weng kuu kankoonaneene korem yaa burudande dembaneen.

Matyu 12:20 ပူးပေါင်းရင်းမြစ်များ

Yook 147:3

Yembed yi mimyob wande miin yiminban keriwen kuu windandunde ongmimaan, kwane yi bob kuu yonende kebendimaan.

Yook 51:17

God ye kubi dowaken keri yeman kuu yiibka kankubuni. O God, kane kane kuu yika kankubunenib God ebbedmo yimin andimaib kuu ebbed yi yaa wunekaraabban.

Matyu 11:28

“Kane kane dabab darewoob awiniwen kuu ne yaa minime. Nembed owongab yiidki kondaniin kii.

Matyu 11:7

Kwane, Yoon ye weng kanminidan kuu winiiwa, Yesumbed amonombe Yoon ye weng kadaareb yaa daandoon, “Amboon angka kuu yiib kuu komo wedmande winiwen? Aroob wuung nuubbed kanwene mene kameen areb ye karub wedmok winiwenoo? Dowan!

Yesu Ye Weng Amun Lukbed Wongkoon 4:18

“Yariman ye Kingkin kuu ne yaa doreen, amborom kuu kamboknondan yaa weng amun kedmengkandi ye deme dowad kuu yembed ne korok ari amob ok bune kinoon kowe. Godbed yedmoona manaan kuu bonmanbed karuwa nimaya yembed boon yaa kuu be yeedere wananeen ye wengiib indob tutdan kuu ongmaneene ika wedmaniib ye wengiib be meneni, dabab wayiroondan yaa kuu ben yeedereni,

2 Korindan 2:14

Kumban nembed God yaa eso andaan, yembed Keresu yaambed korem burudande doroon kumbed nub kubimo ben kinban yaraane, nub yaambed baeb amun areb Keresu yaa kuu kaadkere yimin yimin yaa derendare weneen kii.

2 Korindan 2:7

Kowe, kibikee yiib kuu ye ambarakmi are nonondandenib ye mimyob wandi kuu kankubunime. Kwananiib kuu ye mimyob wandi kuu miin darewoob kere korem yiminban keraanban.

Korokboon 6:2

Kwanoone, ne murubia arimbed hoos kawanmo wedmenaan kii! Kwarimbed monoon ye engyu kuu anangkawiib dibeen. Kwane, ye yaa king ye korok ari dereni yemaniib konoon. Kwanoone, wene bondan yenbande yare burudandok wonoon.