Maak 16:15 - Yomgkom

¹⁵ Kwane, yembed yi yaa yedmoon, “Okad yimin yimin yaa wene ne weng amun nimakarub korem yaa daandime.

Maak 16:15 ပူးပေါင်းရင်းမြစ်များ

Yook 22:27

Bid yimin yimin koremdan kuu Yariman yaa ika meene ye yaa amonombaniib. Ambibkin mimim koremdan kuu ye yaa bumangkaniib.

Yook 96:3

Ye nambiri ye weng kuu ambibkin mimim korem yaa daandime, ye ambangkenabi yeka mamaa kuu nimakarub korem yaa daandime.

Yook 98:3

Ye kuu Israeldan yi dowad ye womoniyiibban ye mimyob dowakeniib ye ma korondiyiibban weng awini ye inameniib ikakman meenoon. Bobni yaa buruande bindi ye kiwaan nub Godbed ongmoon kuu okad yimin yimin koremdan kuu wedmiwen.

Matyu 28:19

Kwana kowe, ambibkin korem yaa wenenib, ne nimaya karuwa kerime andi dowad ne weng kedmengkandime. Awodki God yaningkoyiib Dana Mingki Yesu yaningkoyiib Kingkin Karadmo yaningkoyiib yaambed baptais kerundime.

Maak 13:10

Kumban, ibduruk kuu ne weng amun kuu ambibkin korem yaa kedmengkandaniibkob, yimin wandi aron keranuun.

Yoon 15:16

Yiibbed ne kuu kine nendindo, nembed yiib kuu kingkekori wene dowan keraanban ye id irime andaan. Kwamaniib kuu naningko yaambed komo komo kaamonaniib kuu Ambembed kondaneen.

Yoon 20:21

Kwane, Yesumbed ikakman yedmoon, “Iwari yewenub kuu yiib yaa angkimborok. Ambembed ne nenkowoona manaan kwamune areb, kibireb nembed yiib ben nongkobako winime.” andoon.

Kwamiwen 1:2

wene ye nen Ewen ari daanoon kuye weng wongkaan. Kwamune kuyaambed ye kuu Ewen ari nen daanindo yaambed, apasodan yembed kinoon kuu be Kingkin Karadmo yaambed kedmengkandoon.

Kwamiwen 1:8

Kwane, Kingkin Karadmo mene yiib niindem aom yaa doberene aromkono kondaneene, ne weng amun kanwene daandaniib. Yiib indobbed ne dowad wedmiwen kuu Yerusalem aombed wene Yudea ambibkin korem aombed wene Samaria kere kumbed wene okad yimin yimin yaa daandaniib.” andoon.

Romdan 10:18

Kumban nembed kaamonaan kuu, “Yuudan keyiib kee wengambirindoyoo?” andaan. Anam kuu wengambiriwen kuda. God Ye Weng aombed kekamune yedme wongkoon, “Godbed komo kamenaboon ye weng kanyariiwe okad korem yaa weneboon, kuye weng kuu okad yimin yimin yaa derenkoroon.” andoon.

Romdan 16:26

Aron korem korem ye Godbed kwanime ande yedme kowoon kumbed profesidan God Ye Weng Karadmo wongkiwen yaambed ambibkin koremdan yaa ye weng kuu kan dian korokboon, ye yaa anam ande ye weng awine kandime anded.

Efesusdan 2:17

Yembed mene yiib ambab doriibdaniib dia doriibdaniib yaa yewenub weng kedmengkandoon,

Kolosedan 1:23

Kumban yiib anam andi kumbed doberembaraniib kuu kwamunemo keraniib kumbedmo. Yiib anam andi kuu yumburum ambab yiri kawenebe awingkanabemoon areb keriiwe, weng amun aombed Godbed kwananeen ande meedmi kuyaambed ben kimyen winindo kumbed kui. Kuye weng amun kuu yiib wengambiriwen, kwane weng amun kee okad yimin yimin yaa doriibdan yaa daandiwen, kwane weng amun keye deme karub keraan, ne Pool.

Kolosedan 1:6

Okad yimin yimin korem kuyaom kuu weng amun kee monoon areb kuu kwane yiib yaa monoon kii. Kwane, weng amun kee yiib kumaom kuu idiib irimaan, kwane kawiib yeederebene kainderebimaan. Okad yimin yimin korem kuyaom kuu kwamunemo kamimaan. Kukuu yiib kuu weng amun kee aron ibduruk arimbed wengamberenib, Godbed kabamoon kondoon ye mimyob dowaken ye weng id anam korem yiibkaadkeriwen. Kaadkeriwen kumbed mene ari kuu yiib kuyaom kwamune areb kamimaan kui.

1 Yoon 4:14

Kwane, Godbed ye Mingki kuu okad kiri doriibdan Bobni Yaa Burudande Bindi Ye Karub keri dowad kowoona monoon kuu wedmenekorub ku dakmuub kui.

Korokboon 14:6

Kwane, wedmaane ambid ambab aombed engyu mamaa kuu aron korem korem ye weng amun okad yiri doriibdan yaa wanwene dakmok wonoon, ambibkin mimim koremdan yaayiib amyenimbon mimim koremdan yaayiib weng mimim koremdan yaayiib kad mimim koremdan yaayiib kui.