Yesu Ye Weng Amun Lukbed Wongkoon 9:48 - Yomgkom

⁴⁸ yembed yi yaa yedmoon, “Kanembed naningko yaambed dana mana keyaa kubenaneen kuu ne yaa kubewaneen kii. Kumban ne yaamomban, yembed yedmewoona manaan ye God yaa kubenaneen kii. Kowe yiib kuyaom kuu kanembed karub yi indob arimbed yiri keroon kuu ye kuu God ye indob arimbed ari keroon kii.” andoon.

Yesu Ye Weng Amun Lukbed Wongkoon 9:48 ပူးပေါင်းရင်းမြစ်များ

Matyu 18:10

“Yiib kaadkerime. Aningkoyiibban ne yaa anam andiwendan keyaa kankubunaib. Kedi, nembed yiib yaa ke yedmendaan kei, nimakarub keyi oonimaib yi engyus Ewen ari doriib kuu Nambe God ye kerebiri ari kwane doberembirimaib.

Matyu 18:14

Kwamune areb, yiib Ambe Ewen ari doreen kuu ye dowakenban anam andidan aningkoyiibban mimo ma bikni kuu yiminban.

Matyu 19:28

Kwane, Yesumbed yi yaa yedmendoon, “Nembed yiib yaa ke anam yedmendaan kei, Godbed okad korem kuu yeweb areb ika ongmaneene, Karub Ye Mingkimbed king ye ooni ye dibirimbon arimbed nambiriyiib dibere korem oonaneena, yiib wad ayoowiib ne yoman meniibdan kwangkon korok ye ooni ye dibirimbon amunmo wad ayoowiib arimbed diberenib, Israeldan yi amyenimbon wad ayoowiib kuu oonaniib.

Matyu 25:40

“Kwane kaamobaniiwa, Kingbed yi yaa inande yedmaneen, ‘Nembed yiib yaa ke anam yedmendaan kei, mungi bobnidaniib ok moom bobnidaniib noroddaniib ebkadiibbandaniib anikaddaniib wiidaniib kuu ne damana kowe, yi yaa yiibbed komo komo ambangkiwen korem kuu yi yaamban ne yaa kamiwen kii.’ andaneen.

Matyu 25:45

“Kwane, Yarimanbed inande yedmaneen, ‘Nembed yiib yaa ke anam yedmendaan kei, yiib komarewa nimakarub kemaom kuu karub aningkoyiibban maa yaa awanindo kuu ne dowad kamindo keriwen kii.’ andaneen.

Maak 9:37

“Kanembed ne yaa mimyob dowaken kowi ye dowad dana embeng embeng keyaa kubendaniib kuu ne yaa kubewaniib kii. Kumban ne yaamomban, yembed yedmewoona manaan ye God yaa kangkon kubenaniib kii.” andoon.

Yesu Ye Weng Amun Lukbed Wongkoon 10:16

Andekore, Yesumbed ye kedmengkandeendan yaa yedmoon, “Yiib kuu ne karub kowe, kanembed yiib weng yaa wengambaraneen kuu ne weng yaa wengambaraneen. Kanembed yiib weng yaa wengamberedandaneen kuu ne weng yaa wengamberedandaneen. Kwananeen kuu yembed yedmoona manaan ye God ye weng yaa kangkon wengamberedandunaneen kii.” andoone, karub 72yiib wenebiwen.

Yesu Ye Weng Amun Lukbed Wongkoon 14:11

“Karuwa nimaya kanembed yeka ye aningkomo ari kowaneen kuu Godbed kankubunaneen. Kumban karuwa nimaya kanembed yekareb kankubunaneen kuu Godbed aningko ariyiib kerunaneen.” andoon.

Yesu Ye Weng Amun Lukbed Wongkoon 22:26

Kumban yiib kuu kwamune areb keraib. Yiib kuyaom kanembed ari keroka, dana areb kerok. Kwane, korok keroka, yena yi deme awinimo ye karub areb kerok.

Yesu Ye Weng Amun Lukbed Wongkoon 22:30

Kwananiin kuu yiib kuu ne oonimbon aom ne arak yaambed animaniib okiib ananiib, kwane yiib kuu king yi ooni ye dibirimbon arimbed diberenib amyenimbon wad ayoob Israeldan yaa wengyundaniib kii.” andoon.

Yesu Ye Weng Amun Lukbed Wongkoon 7:28

Nembed yiib yaa ke yedmendaan kei, Yoon kuu darewoob, ye areb kwana kuu karub maa ma woonindo. Kumban kane kane kuu Godbed yi korok kere ooni yeman aom aningkoyiibban doriib kuu Yoon burudande aningko ari kandiwen.” andoon.

Yoon 13:20

Nembed yiib yaa ke anammo yedmendaan kei, kane kanembed nembed nenkowaniina mananeen ye karub yaa kubene nendaniib kuu ne kangkon kubewe nendaniib. Kwane, kane kanembed ne yaa kubewe nendaniib kuu nenkowoona manaanman yaa kangkon kubene nendaniib.” andoon.

Yoon 14:21

Kane kanembed nembed kwamime ye weng kuu wengambere awine kandaniib kuu, yi kuu ne yaa mimyob dowaken keewimaib. Kane kanembed ne yaa mimyob dowakenbed kawaniib kuu, ne Ambembed yi yaa mimyob dowaken keendaneene, ne kangkon yi yaa mimyob dowaken keendeni ne kane kuu yi yaa korokbendaniin.” andoon.

1 Tesalonaikadan 4:8

Kwane kowe, karub kanembed kuye weng wunekaraneen kuu, karub yaamban, ye Kingkin Karadmo yiib yaa kondoon ye God yaa wunekaraneen kii.

1 Pita 5:6

Kwani kowe, yiibka kankubunenib God ye dingki dabderem aom dobirime. Kwananiib kuu God ye dowaken keroon yaron arimbed benkoobaneen.

Korokboon 21:14

Siti kuuk yimin yiri dedmobe dariwen ye bot kuu wad ayoob. Kuyaa wongkiwen kuu Sibi Manambed kinoona apaso keriwendan wad ayoob yi aningko wongkiwen.

Korokboon 3:21

“Kanembed arewa menebaneen yaa ninabone burudandaneen kuu, nembed ye yaa yimin andaniine ne king ye ooni ye dibirimbon ari ye yoom dibaranuub, nembed ninaboni burudandeni Nambe ye king ye ooni ye dibirimbon ari ye yoom diburuwen areb kwane keraneen.