Yesu Ye Weng Amun Lukbed Wongkoon 8:13 - Yomgkom

¹³ Yena kuu dumnad yiri okad embengmo ari areb. Yob kiroboon kuu kane kanembed weng kuu wengambiriwen kuu kubiyiib anam andiwen. Kumban anam andi ye yumburum kuu ambab yiri kubunimokban kowe, anam andi yi komboon kaamobi yaron manaune kombiri winimaib.

Yesu Ye Weng Amun Lukbed Wongkoon 8:13 ပူးပေါင်းရင်းမြစ်များ

Maak 6:20

amborom kuu Yoon kuu inamen yorokmo awinene karadmo ye karub kowe, Erod kuu unekore Erodias yu arud kuu kebende ye oonoon. Erod kuu Yoon ye weng wengamberene ne kiwaaniibban ee ande kirinwimaan kumban ye dowaken ye yaa wengambarande kamimaan.

Yesu Ye Weng Amun Lukbed Wongkoon 8:12

Nimakarub yena kuu okad kiwaan angka areb. Yi kuu wengambiriwen, kumban Setenbed mene yi niindem aom weng amun kuu kanwonoon. Kowe, anam andindo, bobni yaa kuu burudande bindaanban kui.

Yesu Ye Weng Amun Lukbed Wongkoon 8:14

Okad yik kawiib ari kiroboon ye id kuu God ye weng wengambiriwen, kumban okad kiri ye meenembiriyiib ye yiribman yemoon ye inameniib ye kubi inameniib kumbed dabuknandaane, God ye weng kuu kainimokban kere idiibban kerimaan.

Yoon 15:2

Yembed ne yaa nondong idiib kowimokban kuu nanme ben kiranmimaan. Kwane, nondong yena korem id irimaan kuu id yemoonmo irok ande kidaye arimaan.

Yoon 15:6

Kane kanembed ne yaa yone dabokne dorokban kuu nondong kankoraraiwe koknimaan areb. Keye nondong kuu ben wenore amot yiri kiraraiwa denimaan.

Yoon 5:35

Yoon kuu lem areb, namberene deneen. Ye weng kuu nambiri areb kumbed yiib kuu aron dukmen nambiri kuyaa dowaken kerenib kubiwen.

1 Korindan 13:2

Kwane, ne kuu Godbed profesiman ande kinoona biknoon ye weng id anam koremiib biknoon ye kaadkeri koremiib nekaadkereni, aangko yaa yedmaniine no angkananuun ye anam andi kandaniin kumban, mimyob dowaken keendiyiibban kumbed kwananiin kuu, ne yaa kuu idiibban dowan keraneen.

1 Korindan 15:2

Weng amun yiib yaa daandaan kumbed kamkonomo awine doberembaraniib kuu, weng amun keyaambed yiib kuu bobni yaa burudande bindaneen. Kumban weng amun awinokban keraniib kuu yiib anam andi kuu idiibban keraneen.

Galasiadan 3:1

Galasiadan, inameniibbandan, yiib kuu kanembed birandoon? Yesu Keresu kuu at ming arimbed ayiiwe bobnoon kuu yiiwindob arimbed korobe dakme ambengkandoone wengambere kaadkeriwen kii.

Galasiadan 3:4

Yiib kuu Yesu yaa anam andiwen kumbed durud yewed darewoob kandiwen kuu dawangmo kandiwen dee? Anamoo, durud yewed kuu dawangmo kandiwenoo? Dowan kii!

Efesusdan 3:17

Kwanoka yiib anam andi yaambed Keresumbed yiib niindem aom doborok. Kwane kurikuri keraan kuu, yiib kuu mimyob dowaken keendi ye yumburum kumbed niindem yiri kubunebene kangdommo keroka,

Kolosedan 1:23

Kumban yiib anam andi kumbed doberembaraniib kuu kwamunemo keraniib kumbedmo. Yiib anam andi kuu yumburum ambab yiri kawenebe awingkanabemoon areb keriiwe, weng amun aombed Godbed kwananeen ande meedmi kuyaambed ben kimyen winindo kumbed kui. Kuye weng amun kuu yiib wengambiriwen, kwane weng amun kee okad yimin yimin yaa doriibdan yaa daandiwen, kwane weng amun keye deme karub keraan, ne Pool.

Kolosedan 2:7

Ye niindem aombed yiib kuu yumburum kaare kaine amnenib, yiib yaa komarewa kedmengkanduwen areb kuu yiib anam andi kuu aromnibka, yiib niindem aom kuu kube eso andiyiib muubne derendarok.

1 Tesalonaikadan 3:5

Kwamunoon kumbed aron doboobban ari kuu ne niindem aom kuu yiminban keroon kowe, Timoti kuu yedmaane mene yiib anam andi kara yaa wedmok monoon. Nembed unaan kuu Setenbed yiiwiib yaa menene yiib anam andi kankubunaneene nub deme yiib dowad kuu idiibban keraneen ande meenaan.

1 Timoti 1:19

Eb anam andi ongme awine. Meeni dobiri inamen kiwaan amunmombed dobere. Nimakarub yena kuu inamen kee korondiiwe yi anam andi kuu kan kubunoon, karub yena yi konoo aombed arewa domiiwe bot ari wowe monmaroone kankubunemoon areb keriwen.

Hibrudan 10:39

Kumban yiiwa nuwa kuu koronde ika winiiwe monmariwendan kwamune arebban, yiiwa nuwa kuu anam anduuwe bobni yaa burudande bindoondan kwamune kii.

Yems 2:26

Karub id kuu kingkiniibban angkeen kuu bobnoon kwamune areb kuu, anam andi kuu amun amun kamiyiibban kuu idiibban, bobnemoon areb.

2 Pita 2:20

Kedi, yi kuu nub Yariman nub Bobni Yaa Burudande Bindi Ye Karub Yesu Keresu yaa kaadkeri yaambed okad yiri ye ambarakmi arewa yaa kirokmoniwen kuu, ika amonombe wananiiwe inamen arewa kembed awingkaneen kuu, yi dobiri kuu miin arewa keraneen, ibduruk dobiriwen arebban.

2 Pita 2:22

Kwane, yi dowad ongkandi weng kee anam id keroon, kwane dakmoon kuu “Anon kuu wiin ingkokmoon kuu angkon ika winimaan.” andoon. Ma dakmoon kuu “Awon kuu ok ambe aroon kuu angkon ika wene yerekbon yiri kanbumbere ambimaan.” andoon.

1 Yoon 2:19

Yi kuu kuristendan nubkan-mo kumbed yaro winiwen, kumban yi kuu nubkanmo mimo anamban. Kuu kwamune kii, yi kuu nubkanmo anam karen, yi kuu nub yoom ibmo doruub karen. Kumban, yi kuu koronde winiwen kumbed korokboon kuu yi korem kuu nubkanmo mimomban keroon kii.

Kerek Judbed Wongkoon 1:12

Kwane, Yesu yaa meeni ye orok yiibbed ongmimaib kuu, yimbed yiiwiib yaa mene yi ambarakmi yaa ma meenindo kumbed uniyiibban animaib. Yi kuu korok yikareb yimerenmo oonimaib areb keriwen. Kuyaa kuu yi kuu at dungkun ok yiri biknoon konoo amonombi yeman areb. Yi kuu wiib amiibban nuubbed awuune kande wenebimaan areb. Kwane, yi kuu at kok idiibban okad yirimbed kan biande korarimaan areb. Kwane areb keriwen kowe, yi bobni kuu ayoob keriwen.