Yesu Ye Weng Amun Lukbed Wongkoon 8:10 - Yomgkom

¹⁰ Andiiwe, yembed yedmoon, “Godbed korok kere ooni ye inamen biknimbon kuu yiibkaadkeri yemanmo. Kumban nimakarub yena yaa kuu kuruwak weng yaambed dakmiin kowe, wedmaniib kumban akme ye id kandaibban, kwane wengambaraniib kumban id kandaibban.

Yesu Ye Weng Amun Lukbed Wongkoon 8:10 ပူးပေါင်းရင်းမြစ်များ

Yook 25:14

Kane kane Yariman yaa une bumangkimaib kuu yembed inamen kan biknoon kumbed yi yaa korokbendaneen, kwane amob weng ongmoon kuu yi yaa korokbendaneen.

Matyu 11:25

Kuye aron Yesumbed God yaa yedmoon, “O Ambe, eb kuu Eweniib okadiib ye Yariman. Ne ewaningko kankoonaan, amborom kuu ebbed kekamune ye inamen kuu ebbed dana areb keriwendan yaamo korokbendewen, kumban kedmengkandi yemoon biwendaniib indengandengdaniib yaa kuu bikderebewen.

Matyu 16:17

Kwanandoone, Yesumbed inande yedmoon, “Ee, Saimon, Yona ye mingki, eb yaa Godbed amun kerubdoon, amborom kuu kekee karub maambed eb yaa kwane yedmebdokban, Nambe Ewen ari doreen kumbed korokbebdoon kowe.

Maak 4:11

Kaamoniiwe, yembed yedmoon, “Weng id angkara biknoon kuu yiib yaa korokbendimain, Godbed korok kere ooni yeman. Kumban ne yaa daboknindodan kuu kuruweng yaambedmo dakmimain

Maak 4:12

kowe, God Ye Weng aom wongkoon kuu yi yaa kwamune keroon kuu ke yedmoon kei, ‘Yi kuu wedmimaib kumban akmi ye id kandindeban, wengambirimaib kumban weng id kandindeban. Kwamune kuu id kandaniib kuu amonombaniiwe Godbed yi ambarakmi are nonondandaneen kui.’” andoon.

Yoon 12:40

“Godbed yi indob kebendene, yi niindem aom ongmoone kamkono keroon. Kwanindo kuu yi indobbed wedmenib, yi niindem aom kaadkerenib amonombaniiwe, Godbed yi ongmenaba ande ongmaneen.” andoon.

Romdan 16:25

God kuu Yesu Keresu ye weng daandiyiib ne kedmengkandiyiib yaambed yiib ben kangdommo ongmendi ye God. Yembed unyemanbed mene kibikee kan biknoon ye weng kumban kibikee kan dian korokboon yaambed yiib ben kangdommo ongmendoon.

1 Korindan 12:11

Korem keyiib kee Kingkin mimo kuye ambangki yaambed, yi korem mimim yaa kuu yembed meenoon yaambed bangkandimaan.

Kolosedan 2:2

Ne kee kwamako, yiib niindem aom aromne kubiyiib doberenib, kwane mimyob dowaken yaambed kan mimo kerime. Kwananiib kuu God ye weng kanbiknoon kuyaa kaadkeri kumundinmo kere karekmiyiibban kere amun kerundi darewoob arimbed kandaniib. Kuye weng kanbiknoon kuu Keresu ye kui.

1 Timoti 3:16

Weng dakmandamaan kee aadidmindeban ye weng kii, God ye dowaken yaambed dobiri korokboon kuu barang miin darewoob kai. Ye kuu karub anam kere monoon. Monoone, Kingkin Karadmombed ye kuu yorokmoman kii ande korokboon. Korokboone, engyus kuu wedmeniwen. Wedmiiwe, ambibkin maa maa yaa ye weng daandiwen. Daandiiwe, okad yiridan anam andiwen. Anam andiiwe, nambiri ari nen daanoon.