Yesu Ye Weng Amun Lukbed Wongkoon 7:34 - Yomgkom

³⁴ Kwane, Karub Ye Mingki mene animan amuniib wain okiib animaan. Kwanaane, yiibbed yedmimaib, ‘Kedi, ye kuu animan yaamo inamen kowemberene ok arewamo kenambun anemberene kamimaan ye karub, angkara ye kuu tak od bimaibdaniib ambarakmidaniib yi angkodmi kii!’ andimaib.

Yesu Ye Weng Amun Lukbed Wongkoon 7:34 ပူးပေါင်းရင်းမြစ်များ

Matyu 11:19

Ma, Karub Ye Mingki menene animan amuniib ok wainiib anene kedmengkandimaan kumban, yiibbed no yedmenimaib, ‘Kedi, ye kuu animan yaamo inamen kowemberene ok arewamo kenambun anemberene kamembirimaan ye karub, angkara ye kuu tak od bidan yoom ambarakmidan yoom yi angkodmi kii.’ andimaib. Kumban God ye meeni kangdomdan kuu yi amun amun kami kuu yena yaa korokboka yi kuu yorokmo andi yeman.” andoon.

Matyu 5:46

“Kwane, yiib yaa mimyob dowaken kerundiibdan yaamo mimyob dowaken kerundimaib kuu God ye kakmaniiwoo? Dowan! Arewadaniiwa tak od bimaibdaniiwa kwangkon kwamimaib kii!

Matyu 9:11

Kwane, Farisidan kuu wedmendekoriwa, ye kedmengkandeendan yaa kaamondiwen, “Komande yiib kedmengkandi korok kuu tak od bidan yoom ambarakmidan yena yoom animan ibmo aniib?” andiwen.

Yesu Ye Weng Amun Lukbed Wongkoon 11:37

Kwane, Yesu kuu dakme dowan keroone, Farisimanbed ye yoom animan anem ande yedmoon kowe, ye kuu wenene arak dia yaa diboroon.

Yesu Ye Weng Amun Lukbed Wongkoon 14:1

Sabat aron mamaambed, Yesu kuu wene Farisi yi korok darewoob maa ye ambiwoom animan ani yeman wonoon. Wonoone, nimakarub kuu ye yaa korobe keenombiriwen.

Yesu Ye Weng Amun Lukbed Wongkoon 15:2

Kwaniiwe, Farisidaniib Yuudan yi amob kedmengkandidaniib kuu ye yaa dowakeniibban kerenib yedmiwen, “Karub kee ambarakmidan kuu kubendeene yi yoom animan aniib kii!” andiwen.

Yesu Ye Weng Amun Lukbed Wongkoon 19:7

Kwanoone, nimakarub kuu wedmekorib kongeniwen, “Wedmime, karub kane arebkob Yesu yoom dobiriib. Sakius kuu ambarakmi ye karub kuda!” ande kamiwen.

Yesu Ye Weng Amun Lukbed Wongkoon 5:29

Kwane, Livai yambiwoombed orok darewoob nekwoone ye yoom Yesu yoom tak od bimaibdan yemoon yoom karub yena yemoon yoom nedbenib animan aniwen.

Yesu Ye Weng Amun Lukbed Wongkoon 7:33

“Meenime, Yoon Baptaisman kuu mene animan amuniib wain okiib anindo kumbed yiibbed yedmimaib, ‘Ye kuu awad arewayiib ibnenoon kii!’ andimaib.

Yesu Ye Weng Amun Lukbed Wongkoon 7:35

Kumban God ye meeni kangdom awinimaibdan komo komo kamimaib kuu meeni kangdom ande korokbi yeman.” andoon.

Yesu Ye Weng Amun Lukbed Wongkoon 7:36

Kwane, Farisi karub maambed Yesu yaa yambiwoom wene animan anem ande kaamonenoone, ye yoom wene arak yaa anande dibiriwen.

Yoon 12:2

Oobnon yaa animan kuu yimbed Yesu yaa kubiwen ye orok nekwiwen. Kwane, animan kuu Maatambed konduune, arakbon yaa Yesu yoom dibiib kuu Lasares kuyaa diboroon.

Yoon 2:2

Kwane, Yesu yoom ye kedmengkandeendan yoom kwangkon yiyiib wonong orokbon kuyaa minime ande dowok keendiiwe miniwen.