Yesu Ye Weng Amun Lukbed Wongkoon 6:7 - Yomgkom

⁷ Farisidan yoom Yuudan yi amob kedmengkandidan yoom kuu Yesu yaa Sabat aron arimbed ongmoka wedmekorub anam ambarakmoon kowe kangdod yaa nenwenem ande ongme keenombiriwen.

Yesu Ye Weng Amun Lukbed Wongkoon 6:7 ပူးပေါင်းရင်းမြစ်များ

Yook 38:12

Kane kanembed ne yaa nenbande kowandamiib kuu ne dowad kawaad nong kowe bikniwen, kwane kane kanembed nenbandandamiib kuu ne dowad ye nen monmarem ande kamiib, amkimombed wene amnoom kuu wunonwanon kamimaib kui.

Matyu 5:39

“Kumban nembed yiib yaa ke yedmendaan kei, kanembed yiib yaa ambarakmoon kuu neman kakman inandaib. Kwane, kanembed eb angkatom yaa yakdaroka, angkarayiib kwane konebko wowok.

Maak 3:2

Kowe, karub yena kuu Sabat aron arimbed ongmoka wedmekorib, kangdod aom wene yedmem Sabat aron arimbed deme awinoon kowe anam ambarakmoon andi ye dowad keenombiriwen.

Yesu Ye Weng Amun Lukbed Wongkoon 13:14

Kwanoone, kurikuri oonoon ye karubbed Yesu yaa kongenoon, amborom kuu Sabat aron arimbed ongmoon kowe, yembed nimakarub yaa yedmoon, “Aron kungiib kuu deme aron kowe, kuyaombed kuu mene ongmi yeman, kurikuri aron arimbedban.” andoon.

Yesu Ye Weng Amun Lukbed Wongkoon 20:20

Kowe, kwane wene aron ari keruko awinenem ande meedmiwen. Kwane, yimbed darobidan yena yedmiiwe, yi kuu karub amun areb aadidme miniwen. Yi dowaken kuu Yesu kuu weng arewa maa dakmaneen kuu awinenekorub nenwene Gavana Pailet ye dingki ari konem andiwed.

Yoon 9:16

Kwanandoone, Farisidan yenambed yedmiwen, “Karub kuu Sabat aron ye amowamob kuu awinindo kowe, ye kuu God yaambed minindo.” andiiwe, yenambed yedmiwen, “Ambarakmi ye karub kuu komarewa yeka mamaa ye dud kami ongmenabaneen? Dowan!” andiwen. Kwane, yikanmo kumaom kuu andokbiwen.