Yesu Ye Weng Amun Lukbed Wongkoon 6:23 - Yomgkom

²³ “Kuyaron ari kuu kubi darewoob kere andenabime, amborom kuu yiib kakman darewoob kuu Ewen aombed kandaniib kowe. Meenime, arewa kerundidan yi awoyambed profesidan yaa kuu yewed kondimaib kwamune areb yiib yaa kwananiib kowe.

Yesu Ye Weng Amun Lukbed Wongkoon 6:23 ပူးပေါင်းရင်းမြစ်များ

Yook 58:11

Kwananeene nimakarubbed yedmaniib, “Anam kuu yorokmodan kuu kakman amun bangkandimaan, anam kuu okad yiridan wengyundi ye God kuu doreen kii!” andaniib.

Matyu 5:12

Meenmembaraib, kubime, amborom kuu Godbed yiib yaa kakman darewoob Ewen arimbed nongkobaneen kowe. Meenmembaraib, kubime, amborom kuu anuk kurin kwangkon profesidan kuu kwamune yewed konde yenbandiwen kowe.” andoon.

Yesu Ye Weng Amun Lukbed Wongkoon 1:41

Baanduune, wengambereen kuu Elisabet yu dana yu kabeyob aombed kube yodkanmoone Kingkin Karadmoyiib Elisabet yaa ibnendoone,

Yesu Ye Weng Amun Lukbed Wongkoon 1:44

Kubbed baande yedmeweewe wengambaraan kuu ne dana kabeyob aombed kubi ye dowad yodkanmoon.

Yesu Ye Weng Amun Lukbed Wongkoon 6:35

“Kwanimaib kumban yiib kuu bondan yaa mimyob dowaken keendenib amun amun kamenib yi yaa yiib yiribman araben bangkandime. Kwanekorib angkon ika kandi ye inamen kowaib. Kwananiib kumbed kakman darewoob kandaniib. Kwane, yiib kuu Korem Burudandoon Arimbed ye God ye dana keraniib, amborom kuu God kuu eso andimokban ambarakmidan yaa amun amun kamimaan kowe.

Kwamiwen 14:10

baande yedmoon, “Eb dembe yaro dore!” andoon. Kwanandoona, kuyaambed karub kuu korongbere yaro dodkanmo yaroon.

Kwamiwen 3:8

kwane korongbere yaro dembe yi daboknekore, kwane God yaningko kankoonene korongberenanmo yarene, kurikuri boyambib darewoob kuuk aom kuu yeyiib kwaom aomnoon.

Kwamiwen 5:41

Kwane apasodan kuu Sanidirindan domonde kubenmo winiwen, amborom kuu Yesu ye weng amun ye dowad durud yewed kuu kandiwen. Kuyaa kuu Godbed kinoona Yesu ye inamen yaa yooniwen kowe karub amun ande meenoon.

Romdan 5:3

Kwane kumbedmomban, durud yewed ye dabab kande doruub ye dowad kubuub kii, amborom kuu nubkaad durud yewed ye id irimaan kuu kangdommo doberembiri,

2 Korindan 12:10

Kowe kuyaambed wuud keri yemaniib wengamborokbanabi wengiib yobdood menebiyiib durud yewed konde yenbandiyiib dabab menebiyiib kuyaa Keresu ye dowad kubimo kerimain. Kedi, kunayambed wuud kerimain kuu kuyaambed God yaromkonoyiib kerimain kii.

Kolosedan 1:24

Kwane, ne kuu yiib anam andiwen ye dowad yaambed durud yewediib kandaan kowe kubaan. Kwane, yimin kerindo ye durud yewed kuu ne id yaa yimin kere weneen, Keresu ye durud yewed ye kerekmen yaambed. Kukuu anam andiwendan yi dowad, yi kuu Keresu ye id kui.

2 Timoti 2:12

Nub kuu dabab menebaneen yaa kangdommo doberembaranuub kuu, angkon kwamune korok kere ye yoom oone dibaranuub. Nub kuu ye yaa nubkaadban andanuub kuu, ye kwangkon neman nub yaa nekaadban andaneen.

Hibrudan 11:26

Yeka meenoon kuu Idyip ye od darewoob ye yiribman yaa kuu korondeni Godbed Kinoone Mananeenman Keresu ye dowad durud yewed kandaniin kuu yimin andoon, amborom kuu ye yekaad kuu ye kakman Ewen ari angkeen kuu darewoob arimbed Idyip ye yiribman arebban kowe kandaniin andoon.

Hibrudan 11:6

Kwane, karub kane anam andiyiibban kumbed komo kamaneen kuu Godbed ye yaa kubaanban, korem yiminban, amborom kuu karub kane Godiib yaa manandameen kuu God kuu doreen andene kane kane God yaa nindorokiibbed onmidan kuu Godbed kakman amun kondaneen andodned yimin.

Yems 1:2

Nangkodmia, dabab maa maa yiib yaa meneboka, kubimombed dobirime,

1 Pita 4:13

Kuned yiib kuu Keresu durud yewed kandoon ye dungkun kandiwen kowe kubime. Kwananiib kuu ye nambiriyiib dian keraneen yaron ari kuu kubi miin darewoob keraniib.

Korokboon 2:17

“Kanembed kerendemiib keroka, Kingkin Karadmombed anam andiwendan yaa weng ke dakmeen kee wengamborok. Kanembed arewa menebaneen yaa ninabone burudandaneen kuu nembed Ewen aom ye om mena bikdereboon kuu bangkanekori, angkon bot kawanmo kwari aningko yeeb wongkooniib kuu konaniine kandaneen kuu yena yikaadkeraibban, yembedmo aningko yeeb kuu yekaadkeraneen.

Korokboon 2:26

“Kanembed arewa menebaneen yaa ninabone burudandene ne dowaken yaambed ambangkaneene wene aron yeenbon ari keranuun kuu, nembed ye yaa deme ye aromkono darewoob konaniin. Kukuu ambibkin korem ooni ye aromkono kui.

Korokboon 2:7

“Kanembed kerendemiib keroka, Kingkin Karadmombed anam andiwendan yaa ke dakmeen kee wengamborok. Kanembed arewa menebaneen yaa ninabone burudandaneen kuu nembed ye yaa wadkeri ye ayob God ye amunbon angkambed demboon kuu yembed ani kuu yimin ande kowaniin.

Korokboon 21:7

Kanembed ninabe burudandaneen kuu korem kee yeman keraneene ne kuu ye God keraniine ye kuu ne dana keraneen.

Korokboon 3:12

Kanembed arewa menebaneen yaa ninabone burudandaneen kuu nembed ongmenaniine ye kuu ne God ye kurikuri boyambib darewoob aom ye dongka areb keraneen. Kwane, ye angkon ambib kuyaa ika ma domondaanban. Kwane, nembed ye ari ne God yaningkoyiib ne God ye siti darewoob Yerusalem yeeb yu aningkoyiib wongkaniin. Siti kee ne God yaambed Ewen aombed kubudaranuun. Kwane, nembed angkon naningko yeeb ye ari wongkaniin.

Korokboon 3:5

Kanembed arewa menebaneen yaa ninabone burudandaneen kuu ebkad kawanmo deebiwendan areb ebkad kawanmo inwaraneen. Ye aningko kuu wadkeri ye buk aom kuu arainban. Kwane, Nambe yoom ye engyus yoom yi murubia arimbed ‘Ye kuu anam kuu ne karub kii.’ andaniin.