Yesu Ye Weng Amun Lukbed Wongkoon 6:17 - Yomgkom

¹⁷ Kwane, yi yoom ibmo aangko arimbed yiri kawene ye kuu dabonmo arimbed doboroon. Kadaareb ye yoman winimaib kuu kuyaa doriiwe nimakarub yemoon kuu Yudea ambibkiniib Yerusalemiib karamok kebed yaa taun Taiyayiib Saidoniib yaambed menebiwen.

Yesu Ye Weng Amun Lukbed Wongkoon 6:17 ပူးပေါင်းရင်းမြစ်များ

Yook 103:3

Ye kuu ne ambarakmi korem are nonondandene ne bob anikad maa maa korem kuu ongmewimaan.

Matyu 11:21

“Korasindan, kaadkerime! Betsedadan kwangkon, kaadkerime! Yiib kuu Yuudan kumban yiib yaa kuu Godbed arewa kerundaneen. Yiib aombed God yaromkono wedmi yeman ongmenabaan kuu kwamune taun Taiyayiib Saidoniib aom kwane ongmenabaan karen kuu, yi kuu Yuudanban kumban unyemanbed yi ambarakmi yaa korondenib ebkad karong korob deebenib mimyob wandi dowad yikbod yi korok ari ben nongkobenib God yaa amonombiwen karen kii!

Matyu 12:15

Yesu yekaadkeroonbed kowe, kumaom koronde yaro dore wonoon. Nimakarub yemoon kerenenmo yoman winiiwa bob anikadiibdan korem kuu ongmenaboon.

Matyu 14:14

Kwane, Yesu kuu wirine kadaareb yemoon wedmendekore, mimyob keendoon. Keendekore bob anikadiibdan kuu ongmenaboon.

Matyu 15:21

Kwane, Yesu kuu kuyaa koronde yaro dore wene ambibkin Taiyayiib Saidoniib yaa wonoon.

Matyu 5:1

Kwane, Yesumbed kadaareb menebiwen kuu wedmoonka, aangkombon ari ambabban kawenene dibeene, ye yoman winiwendan kuu yeyiib yaa wengamborok miniwen.

Yesu Ye Weng Amun Lukbed Wongkoon 5:15

Kuned Yesu ye weng kuu kunaya kunaya kuu daande yaruune kadaareb yemoon kuu ye yaa wengamborok menenib yi bob anikad kuu ongmenabok ande miniwen.

Yesu Ye Weng Amun Lukbed Wongkoon 6:12

Kwane kamiib kuyaron aombed, Yesu kuu aangko angka wene amnoom mimo God yaa kurikuri kamemboroon.

Yesu Ye Weng Amun Lukbed Wongkoon 6:16

Yudas Yems ye mingki yoom Yudas Iskeriot ambodangoon ye karub yoom kui.

Yesu Ye Weng Amun Lukbed Wongkoon 6:18

Yi korem kuu mene Yesumbed kedmengkandeen yaa wengamberenub bob anikad ongmendok andiwed miniwen. Yembed awad arewambed ibnendiwen kuu ongmenaboon.