Yesu Ye Weng Amun Lukbed Wongkoon 5:7 - Yomgkom

^7-10 Kowe yi amborongaad Sebedi ye meed Yems yoom Yoon yoom kuu parai motod mamaa aom doriib yaa baandiiwe mene yiyiib oon kuu benkambungkiiwe yi motod ayoob kuu oon ye dabab darewoobbed amburunok andeen. Kwanoone, Saimon awene yoom ye amborongaad yoom oon yemoon kuu wedmekorib binangkiwen. Kwane, Saimon kuu wedmekore Yesu yaa bumangkene yedmoon, “Yariman, ne yaa kuu koronde wene, ne kuu ambarakmi ye karub kowe.” andoon. Kwanandoone, Yesumbed Saimon yaa yedmoon, “Eb unaab, kibikbed ari kuu nimakarub bi ye karub keraneeb kowe.” andoon.

Yesu Ye Weng Amun Lukbed Wongkoon 5:7 ပူးပေါင်းရင်းမြစ်များ

Maak 4:36

Kwanandoone, yi kuu kadaareb domonde kwane parai motod nandekoriwa, yenayiib yi parai motodiib ibnekoriwa, andowe yaniwen.

Yesu Ye Weng Amun Lukbed Wongkoon 5:6

Kwane, oon bidan kuu Yesumbed yedmoon areb kwamune kerenib oon yemoon biwen. Kwane oon bi ye meniib birindok andiwen.

Kwamiwen 11:25

Kwanekore, Baanabas kuu Taasus yaa Sool ande onmen wonoon.

Galasiadan 6:2

Dabab kandibka, neman awanenoon neman awanenoon kamime. Kee kwamune kamaniib kumbed Yesu ye amob ye kerekmen yaambed dobaraniib.

Filipaidan 4:3

Ee, ne angkodmi, anam deme ibonmo awinewenman, eb yaa ke yedmebdaan kei, kwane ibmo God ye weng amun ye deme yobdood ninabe ambangkuwen ye nima ayoob keyiib Klemeniib deme ibmo awinuwendan korem yenayiib yaa awande. Yi aningko kuu wadkeri aron korem ye buk aom angkeen.