Yesu Ye Weng Amun Lukbed Wongkoon 4:22 - Yomgkom

²² Kwanandoone, nimakarub korem kuu kubenib, weng amun yeman dakmoon yaa binangkenib yedmiwen, “Kee Yosef ye danamo kii.” andiwen.

Yesu Ye Weng Amun Lukbed Wongkoon 4:22 ပူးပေါင်းရင်းမြစ်များ

Yook 45:2

O king, eb kuu miin kerengkabdimbon kai, yena korem arebban, kwane kabamoon kondoon ye mimyob dowaken keendi weng kuu eb mongkod aombed menebimaan, Godbed amun kerubdoon aron korem kowe.

Yook 45:4

Eb dobiri manimanandeb kumbed hoos ari dibere wene burudande dore, anam anamiib ebka kankubune dobiriyiib yorokmo dobiriyiib korokbi ye dowad. Eb dingki wiwi ye aromkono kumbed warekandi ye kami kuu ongmenabe.

Yesu Ye Weng Amun Lukbed Wongkoon 2:47

Yi korem kuu yembed weng id yiminmo inandimaan kowe binangkiwen.

Yesu Ye Weng Amun Lukbed Wongkoon 2:48

Kwane, yarian kuu ye wedmenekorib binangkiwen. Kwanekorib, awaanbed ye yaa yedmeen, “Ne dana, eb kuu komande nub yaa kwamune kerewen? Ambe yoom ne yoom kuu eb ande meeni darewoob keruwen kowe, nub kuu eb ande onmuub kii.” andeen.

Yesu Ye Weng Amun Lukbed Wongkoon 21:15

Nembed inamen kangdom kondeni kwane kwane dakmime ande kamaniin kowe, yiib bondanbed yiib wengiiwa inameniiwa yaa kuu burudandindeban.

Yesu Ye Weng Amun Lukbed Wongkoon 4:21

Kwaniiwe, yembed yi yaa daandoon, “God Ye Weng Karadmo kibirebya wengambiriib kukuu anam kere wonoon kii.” andoon.

Yoon 1:45

Kwane, Filipbed Natenio wedmenekore yedmoon, “Mosesbed ye amob weng aombed wongkoon ye karub, profesidanbed ye dowad kwangkon wongkiwen kuu wedmenuwen. Kukuu Yesu Nasaretman, Yosef ye mingki kui.” andoon.

Yoon 6:42

Kwane yimbed yedmiwen, “Akee Yosef ye mingki Yesu kuiyoo? Ma, ye awodkia awaana kuu nub nubkaad kuda. Komarewakob ne kuu Ewen arimbed kamanaan ande yedmoon ee?” andiwen.

Yoon 7:46

Kwane, ana nangmidanbed inandundiwen, “Karub ma kanembed yembed dakmeen kamune ye kiwaan kuu dakmimokban.” andiiwe,

Kwamiwen 6:10

Kumban Stiwin kuu Kingkin Karadmombed ibnenoon angkon ye kuu meeni kangdomiib kowe, ye yaa dore irin karunindeban.