Yesu Ye Weng Amun Lukbed Wongkoon 23:54 - Yomgkom

⁵⁴ Aron kee Sabat ye nekwanabi aron. Aron kubunandamuun kowe, Sabat aron kuu andowandamuun.

Yesu Ye Weng Amun Lukbed Wongkoon 23:54 ပူးပေါင်းရင်းမြစ်များ

Matyu 27:62

Kwane, awari kuu Sabat aron kowe, God dore Yuudan dore wedyiri dobiridan yi korok korok yoom Farisidan yoombed Pailetiib yaa winiwen.

Maak 15:42

Yosef Arimateaman ye kuu kangdod Sanidirin aom kuu ye kuu aningkoyiib, angkon ye kuu Godbed korok kere ooni yaron mananuun ande meedmi ye karub. Kwane, Sabat ye nekwi aron kereen kowe, oobnone ye kanangkod Pailetiib yaa wene Yesu ye bob mangki dowad kaamonoon.

Yesu Ye Weng Amun Lukbed Wongkoon 23:53

Kowe, Yosef kuu Yesu ye bob id at ming arimbed kan kubuderene dabua doboob kawanmombed bedmenoon. Kwanekore, Yesu ye bob id kuu kanwene dumnaddem baangke nidke ongmiwen aom kowoon. Bobkonombon dem kee karub bob maa kuyaom kowindo.

Yoon 19:14

Kuye aron kuu Yuudan yi Burudandoon ye orok nekwenabi ye aron. Kukuu aronkob yaa kereen. Kwane, Pailetbed Yuudan yaa yedmendoon, “Yiib king kuu kei.” andoon.

Yoon 19:31

Kuye aron kuu Sabat aron nekwanabi aron, angkon aron awari kuu Sabat aroniib Yuudan yi Burudandoon ye orokbon aroniib kowe, kuye aron ari karub at ming arimbed kinambiri kuu Yuudan yi korok korok yi dowakenban. Kwanikob, yi kuu karub at ming arimbed kinambiriwen yi yon kuu ana nangmidanbed domangkibko duknibko yi bob kuu ben kubudirime andi dowad wene Pailet yaa kaamoniiwe ee andoon.

Yoon 19:42

Kuye aron kuu Yuudan yi Sabat aron nekwenabi yaron kumban Sabat aron dia kereen, angkon bobkonombon kuu dia kowe, yimbed Yesu ye bob kuyaom kowiwen.