Yesu Ye Weng Amun Lukbed Wongkoon 20:5 - Yomgkom

⁵ Kwanandoone, yikareb yedmenoon yedmenoon kame andangkenib yedmiwen, “Kwane inandanuub, ‘Yoonbed baptais kamoon kuu God yaambed.’ andanuub kuu yembed yedmaneen, ‘Komoyiibkob Yoon ye weng yaa anam andindo keriwen?’ andaneen.

Yesu Ye Weng Amun Lukbed Wongkoon 20:5 ပူးပေါင်းရင်းမြစ်များ

Matyu 16:7

Kwane, weng kee yikarebmo id kuu komarewa kii ande andangke yedmiwen, “Anam kuu animan maandindo keruwen kwande dakmeen dee kii?” ande dakmiwen.

Matyu 21:25

Yoon Baptaisman kuu kane ye aromkonombed kande baptais kamoon? Ewen Ari Doreenman yaambed dee, karub yaambed dee?” andoon. Kwanandoona, yikareb yemyeb yedmiwen, “Kwane Ewen Ari Doreenman yaambed andanuub kuu angkon kaamondaneen, ‘Kwana komande ye weng yaa yiib anam andindo keriwen?’ andaneen.

Yesu Ye Weng Amun Lukbed Wongkoon 20:4

Yoonbed nimakarub yaa baptais kerundoon kuu, Ewen ari doreen ye God yaromkono yaambed dee o karub yaambed dee?” andoon.

Yesu Ye Weng Amun Lukbed Wongkoon 20:6

Kumban nubbed ‘Karub yaambed.’ andanuub kuu nimakarubbed botbed nub yaa yaniib, amborom kuu Yoon kuu profesiman ande meenimaib kowe.” andiwen.

Yoon 1:30

Nembed kamune yedmaan kui, ‘Ne yoman mananeen ye karub kuu darewoob arimbed, ne arebban, amborom kuu yedin anukbed doboroon kowe.’ andaan kuye karub kukei.

Yoon 1:34

Kwamunemo wedmaan kowe, dakmiin kuu karub kee God ye Mingki kii.” andoon.

Yoon 3:26

Kwane, Yoon yaa menenib yedmiwen, “Kedmengkandi korok ee, Yooden yara wim yaa menene ewiib yaa doboroon ye karub, ebbed ye dowad dakme korokbendewen kui, ye kuu baptais kameena nimakarub korem kuu ye yaa wenebiib kii.” andiwen.

Yoon 3:36

Kane kanembed Dana Mingki yaa anam andiwen kuu wadkeri aron korem yeman kuu kandiwen, kumban kane kanembed Dana Mingki ye weng wengambere awine kandindo kuu wadkeri kuu wedmaibban, amborom kuu God ye norin arud darewoob kuu yi ari kowaneene angkimbaraneen.

Kwamiwen 13:25

Kwane, Yoon kuu God ye weng dakmi dowan kere weneen yaambed yedmoon, ‘Yiibbed meeniib kuu ne kuu kane? Yiibbed meenme meedmiib ye karub kuu nemban oo! Ye kuu ne yoman mananeen kui. Nembed ye yonkad nong dudmungki deme kuu yiminban, amborom kuu yaningko kuu ambab ari kowe.’ andoon.