Yesu Ye Weng Amun Lukbed Wongkoon 20:22 - Yomgkom

²² Kowe, tak od Saesaa yaa kowi kuu yorokmo yeman dee arewa dee?” andiwen.

Yesu Ye Weng Amun Lukbed Wongkoon 20:22 ပူးပေါင်းရင်းမြစ်များ

Matyu 17:25

Kwane, Pitambed yedmoon, “Eyoka, kowimaanaa.” andoon. Amaan, Pita kuu ambiwoom dawuro wonoone, Yesumbed yedin Pita yaa yedmoon, “Saimon, eb komarewa meeneeb, kingbed ye tak od kuu karub kane yaambed bimaan, ye mingki yaambed dee, yena yaambed dee?” andoon.

Yesu Ye Weng Amun Lukbed Wongkoon 20:21

Kwani kowe, Yesu yaa kaamoneniwen, “Kedmengkandi korok ee, nubkaad, eb kuu anammo kedmengkandeneb dakmeeb. Eb kuu nimakarub yaa kane ande ambengkaabban, angkon eb kuu God yaa dobiri amun ye kiwaan anammo kedmengkandimaab.

Yesu Ye Weng Amun Lukbed Wongkoon 20:23

Kumban yi nemengkandi inamen kuu Yesu kuu yekaadkeroon kowe, yembed yi yaa yedmoon,

Yesu Ye Weng Amun Lukbed Wongkoon 23:2

Kwane, yimbed Yesu ye dabab weng kuu Pailet yaa daaniwen, “Karub ke awinenuwen kei, yembed nub nimakarub kuu kiwaan abdon ari ben wanandameen. Kwane, Saesaa yaa tak od kowimban ande yedmene yekareb ye kuu Keresu, king maa andimaan.” andiwen.

Kwamiwen 5:37

“Kuye yoman kuu Yudas Galelimanbed kurin anuk nimakarub kimingki yaron yaambed karub yena ye yoman winiiwe nubka oonem ande kamoon, kumban kangkon ari kuu yenambed ayiiwe ye yoman winiwendan kuu kirokmone wenebiiwe dowan keroon.

Romdan 13:7

Yiib kuu karub korem kane kane yaa dungkum kamiwen kuu ingkandime. Tak od kowi yaron keroonka, tak od kuu kowime. Gapman fii kowi yaron keroonka, gapman fii kowime. Yedin kan kiringkono kowi yaron keroonka, kwane kowime. Aningko kankooni yaron keroonka, kwane kowime.