Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yesu Ye Weng Amun Lukbed Wongkoon 20:14 - Yomgkom

14 “Kumban, mongkob ooniwendan kuu karub kuu wedmenekorib, yikareb yedmenoon yedmenoon kamiwen, ‘Kekee yariman ye mingki. Nong yob mongkobon kee ye man keraneen kowe, aye kowanuub kuu nubmanmo keranuub kii!’ andiwen.

အခန်းကိုကြည့်ပါ။ ကော်ပီ




Yesu Ye Weng Amun Lukbed Wongkoon 20:14
20 ပူးပေါင်းရင်းမြစ်များ  

‘Ne yaa kaamowaneeb kuu, ambibkin ambibkin korem kuu ebman ongmeni, okad yimin yimin kangkon kabdaniin.


Nembed ye angkon ne wonob dana areb kine kowaniin, kwane ye kuu okaddan yi king korem burudande aningko arimbed konaniin.


Kwane, weng kee yikarebmo id kuu komarewa kii ande andangke yedmiwen, “Anam kuu animan maandindo keruwen kwande dakmeen dee kii?” ande dakmiwen.


Yoon Baptaisman kuu kane ye aromkonombed kande baptais kamoon? Ewen Ari Doreenman yaambed dee, karub yaambed dee?” andoon. Kwanandoona, yikareb yemyeb yedmiwen, “Kwane Ewen Ari Doreenman yaambed andanuub kuu angkon kaamondaneen, ‘Kwana komande ye weng yaa yiib anam andindo keriwen?’ andaneen.


“Kwane, nong yob yumu wi aron dia kere wunuuna, yariman kuu yaro dore ye demedan yaa yedmoona wene mongkobon oonidan yaa wene ye nong yob bok winiwen.


Kwane, Yesu kuu kurikuri boyambib darewoob yaambed aron korem kedmengkandemboroon. Kumban God dore Yuudan dore wedyiri dobiridan yi korok korokiib Yuudan yi amob kedmengkandidaniib korok korok yenayiibbed Yesu ayande kamiwen.


“Kwaniiwe, nong yob yarimanbed yedmoon, ‘Kwani kowe, kibikee komo keraniin? Ne dana ne mimyob keenaan ye karub yedmako wonok. Mok kwananiin kumbed wengamberenaniib manok kii!’ andoon.


Kwanandekorib, ye kuu mongkobon aombed kan angka korarekorib aye kowiwen. “Kwani kowe, nong yob yariman kuu komo keraneen?


Kwanandoone, Yuudan yi amob kedmengkandidaniib God dore Yuudan dore wedyiri dobiridaniib kuu Yesumbed kuruweng kee dakmoon kuu wengamberenib yikaadkeriwen, kuruweng weng id kee yi inamen arewa yaa daandeen kowe, yi dowaken kuu kirodmo awinenem ande kamiwen. Kumban yi kuu nimakarub yaa unendiwen kowe kwanindo.


Kwanandoone, yikareb yedmenoon yedmenoon kame andangkenib yedmiwen, “Kwane inandanuub, ‘Yoonbed baptais kamoon kuu God yaambed.’ andanuub kuu yembed yedmaneen, ‘Komoyiibkob Yoon ye weng yaa anam andindo keriwen?’ andaneen.


Kowe, God dore Yuudan dore wedyiri dobiridan yi korok korokiib Yuudan yi amob kedmengkandidaniib kuu karuwa nimaya yaa unendiwen kowe, aye kowem andi ye kiwaan yemyeb nuubnaan kamiwen.


Yesu kee God ye inamen dowaken unyemanbed ongmoon yaambed yiib yaa kondoone, yiib yoom miin arewadan yoombed aye at ming ari bakumbed daare kankoone maniiwe bobnoon.


Nub kuu ye meed keruwen kowe, ye dana ye yumbon ongmoon kuu nub yaa kondoon, Keresu ye yumbon ibmo. Kumban Keresumbed durud yewed kandoon kwamune nuwiib kandanuub kumbed, ye nambiri aom kuu nuwiib nekwanuub.


Kumban kibik aron yeenbon kee, ye Dana Mingki yaambed nub yaa daandoon. Kwane, ye kuu Godbed kumkam korem yaa kangkoman keruni ye dowad kine kowoon. Kwanekore, ye yaambed Godbed kumkam korem kuu ongmenaboon.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ