Yesu Ye Weng Amun Lukbed Wongkoon 19:38 - Yomgkom

³⁸ Kwane, kubenenib yedmiwen, “King kee Yariman yaambed ke meneen kee amun kerunok! Ewen ari kuu yewenubmo kere God yaa kuu nambirimo kerundok!” ande kamiwen.

Yesu Ye Weng Amun Lukbed Wongkoon 19:38 ပူးပေါင်းရင်းမြစ်များ

Matyu 2:2

“Dana woonekore Yuudan yi king keraneen kuu kuna yaambed doreen? Ye wooneen ye mindong diburuuna, kangka doruub kumbed wedmuwen. Wedmuwen kowe, nub mene wedmene ye yaa bumangkane kube yaningko kankoonandamuub.” andiwen.

Matyu 21:9

Kadaareb yena arinambo ari yidin weniibdan yoom ye yoman weniibdan yoom kuu komkanmo winiwen, “Dewid ye Awo ari ke meneen keye aningko kankoonem! Karub kee Yariman yaambed meneen kuu amun kerunok. Karub ke meneen keye aningko miin anammo kankoonem!” ande kamiwen.

Matyu 25:34

“Kwane Kingbed nimakarub wiwi angka yuroondan yaa yedmaneen, ‘Minime, yiib korem kuu Godbed amun kerundoondan kii. Menenib, yiib Ambe God ye dana meed ye yumbon kuu kandime, yiib yumbon kui. Yiib yumbon kuu Godbed korok kere oonimbon kii, okad ongmoon yaron arimbed yiib dowad nekwoon kii.

Matyu 25:40

“Kwane kaamobaniiwa, Kingbed yi yaa inande yedmaneen, ‘Nembed yiib yaa ke anam yedmendaan kei, mungi bobnidaniib ok moom bobnidaniib noroddaniib ebkadiibbandaniib anikaddaniib wiidaniib kuu ne damana kowe, yi yaa yiibbed komo komo ambangkiwen korem kuu yi yaamban ne yaa kamiwen kii.’ andaneen.

Yesu Ye Weng Amun Lukbed Wongkoon 13:35

“Kedi, Yerusalem, kub ambib kuu ambib dob keranuun. Nembed yiib yaa ke yedmendaan kei, ne kuu ika wedmewaibban kwane wene yiibbed yedmaniib, ‘Ye kuu Yariman yaambed monoon kowe amun kerunok.’ andaniib yaron keraneen arimbed.” andoon.

Romdan 5:1

Kwane kowe, nub kuu anam andi yaambed bendune yorokmo kerundoon kowe, nub kuu nub Yariman Yesu Keresu yaambed God yaa yewenuwiib keruwen.

Efesusdan 1:12

nubdin Keresu ande meedmuubdan kuu ye nambiri yaa kube kankoonime anded.

Efesusdan 1:6

God ye kabamoon kondoon ye mimyob dowaken kee nambiriyiib kowe, ye yaa kube kankoonem! Kamune kondoon kuu ye mimyob dowaken keenoonman yaa ben daboknoon kumbed yiminmo kondoon nub yaa.

Efesusdan 3:10

Kuye dowad kuu God yeka ye inamen kangdom maa maa yemoon kuu anam andiwendan yaambed Ewen ari ye korok korokiib deme aromkono bangkandoondaniib yaa kuu korokbendaneene yikaadkeraniib.

Efesusdan 3:21

ye yaa anam andiwendaniib Yesu Keresuyiib yaambed nambiri kuu awoya awoya yiri yaroniib awoya awoya ari yaroniib aron korem korem kondok! Anam kwanok.

Kolosedan 1:20

Kwane, Yesu yaambed God kuu yeka ye yaa kunum keri ye kiwaan ongmoon, okad yiriyiib Ewen ariyiib korem ongmenaboon yi dowad. Kiwaan ongmoon kuu bon dowan keri yeman, ye umkan at ming arimbed onduknoon yaambed ongmoon.

1 Timoti 1:17

Kwane, aron korem korem ye Korok Darewoob, bobnindeban ye God, wedmindeban ye God, God yembedmo kui, ye yaa aningko darewoowiib nambiriyiib kerok, aron korem korem. Anam kwanok.

1 Pita 1:12

Korokboona wedmiwen kuu yika yi dowad deme kee awinindo, yiib dowad awiniwen. Unyemanbed komo dakmiwen kuu, Ewen arimbed kowoona monoon ye Kingkin Karadmo yaambed Yesu ye weng amun dakmidanbed yiib yaa kwane daandiwen. God ye kabamoon kondoon ye mimyob dowaken yiib yaa komarewa mananeen ye weng kee engyu kangkon kaadkerandamiib kii.