Yesu Ye Weng Amun Lukbed Wongkoon 19:10 - Yomgkom

¹⁰ “Kwane, Karub Ye Mingki kuu mene bikderebe winiwendan kuu onme wedmene bobni yaa kuu burudande bindi dowad monoon.” andoon.

Yesu Ye Weng Amun Lukbed Wongkoon 19:10 ပူးပေါင်းရင်းမြစ်များ

Matyu 1:21

Yu kuu karub dana woonanuun kowe, eb kuu yaningko kone Yesu ande, amborom kuu yembed ye nimakarub yi ambarakmi ye kakman yaa kuu burudande bindaneen kowe.” andoon.

Matyu 10:6

Yuudan yaamo winime. Yi kuu sibi bikderebiwen areb kii.

Matyu 15:24

Kwani kowe, yembed yu yaa yedmoon, “Ne kuu no Israeldan sibi bikderebiwen areb keriwen yi dowad kan yedme kowoonkob manaan.” andoon.

Matyu 18:10

“Yiib kaadkerime. Aningkoyiibban ne yaa anam andiwendan keyaa kankubunaib. Kedi, nembed yiib yaa ke yedmendaan kei, nimakarub keyi oonimaib yi engyus Ewen ari doriib kuu Nambe God ye kerebiri ari kwane doberembirimaib.

Yesu Ye Weng Amun Lukbed Wongkoon 15:32

Kuned nub kuu orok ongmenub kubi yeman, amborom kuu eb daman kuu bobnemoon keroon kumban ika monoon, ye kuu biknoon kumban wedmenuwen kowe.’” andoon.

Yesu Ye Weng Amun Lukbed Wongkoon 15:8

“O, wonong mamaa yu od murubkob silvaa kuu angko angkoyiib, kumban mimo kombere biknanuun kuu amot yure kande ambiwoom are yarenu kereknanuun. Kwane korobe kereknenu wedmekorud.

Yoon 3:17

Kwane, God kuu ye Mingki okad nimakarub yaa kowoona monoon kuu ye yaambed bobni yaa burudande bindi ye dowad monoon, wengyunde dabab kondi dowad minindo.

Romdan 5:6

Kedi, nub kuu nubka aromkonoyiibban aron kuu Godbed aron kowoon yaa yimin kereen yaambed, Keresu kuu God yaa angkurom korokbenuwendan nub dowad bobnoon.

Hibrudan 7:25

Kwanikob, kane kane ye yaambed God yaa mananiib kuu, yembed yi kumundinmo kuu bobni yaa burudande bindaneen kuu yimin, amborom kuu ye kuu aron korem doberemberene God yaa yi awandi dowad dakmembaraneen kowe.