Yesu Ye Weng Amun Lukbed Wongkoon 18:43 - Yomgkom

⁴³ Kwane kuyaambed, karub kuu kereknoon. Kwanekore, Yesu ye yoman wenene God yaningko yaa kube kankoonoon. Kwanoone, nimakarub korem kuu wedmekorib, yi kangkon God yaningko yaa kube kankooniwen.

Yesu Ye Weng Amun Lukbed Wongkoon 18:43 ပူးပေါင်းရင်းမြစ်များ

Yook 107:15

Yi kuu Yariman ye womoniyiibban ye mimyob dowaken ye dowad ye yaa eso andime, kwane binangke ye yaa anam andi yeman ongmenaboon ye dowad kangkon eso andime.

Yook 107:8

Yi kuu Yariman ye womoniyiibban ye mimyob dowaken ye dowad ye yaa eso andime, kwane binangke ye yaa anam andi yeman ongmenaboon ye dowad kangkon eso andime.

Yook 146:8

Yarimanbed indob tutdan yi indob nandimaan. Yarimanbed dababbed ben kibinoondan kuu benkoobimaan. Yarimanbed yorokmodan yaa kuu mimyob dowaken keendimaan.

Yook 30:2

O Yariman ne God, nembed eb yaa awawe ande baandaana, ongmeweewe wad dobaraan.

Matyu 11:5

Indob tutdan kuu wedmiib, yon arewadan kuu dodkaib, kaningki bobdan kuu amun kere doriib, kerendem kebengkoondan kuu wengaib, dukniwendan kuu ika dembiwen, kwane God ye weng amun kuu kamboknondan yaa daandeen.

Matyu 21:14

Kwane, ye doreen yaa kuu indob tutdaniiwa yon wanadaniiwa menebiiwa, kwane ongmenandoon.

Matyu 9:8

Kwaniiwa, nimakarub korem wedmekoriwa, unimbed God yaningko kankooniwen, amborom kuu Godbed yaromkono darewoob kee karub keyaa konoon kowe.

Yesu Ye Weng Amun Lukbed Wongkoon 13:17

Yesumbed kwane yedmoon kowe, dedmone daaniib yeman kuu yereniwen, kumban nimakarub kuu Yesumbed amun amun kamoon yaa kuu kubiwen.

Yesu Ye Weng Amun Lukbed Wongkoon 19:37

Kwane, wene ye kuu mene aangko Olif kankoonimbon dia menene aangko dabon yiri Yerusalem nandi ye kiwaan wanandamoon. Kwane, kadaareb ye yoman winimaibdan kuu God yaa kube baande kankooniwen, amborom kuu God yaromkono wedmi yeman yemoon ongmenaboon kuu wedmiwen kowe.

Yesu Ye Weng Amun Lukbed Wongkoon 4:39

Kwane, yu diambed mene doberene anikad yaa yedmoone, kirodmo anikad kuu dowan keroone yaro yi yaa animan nekween.

Yesu Ye Weng Amun Lukbed Wongkoon 5:26

Kwanoone, nimakarub kuu binangkekorib, God yaa kubeniwen. Kwane, yi korem kuu yaningko kankoone yedmiwen, “Kibikee yeka mamaa keroone wedmuwen kii.” andiwen.

Yesu Ye Weng Amun Lukbed Wongkoon 9:43

Kwanoone, yi korem kuu God yaromkono wedmekorib binangkiwen. Kwane, nimakarub korem kuu Yesumbed ongmoon yaa kee komarewa kii ande meendobiiwe, yembed ye kedmengkandeendan yaa yedmoon,

Kwamiwen 11:18

Kwane, Yuudan anam andiwen kuu weng kee wengamberekorib, yi bokwangki korondenib kwane God yaa kubekoriwa yedmiwen, “Kwane kowe, amonombe wadkeri aron korem korem kandi ye kiwaan Godbed ongmoon kuu Yuudanban kwangkon yiman ande kowoon kii.” andiwen.

Kwamiwen 26:18

kwane wene ebbed yi indob nandeneb, kumun aom doriibdan kuu ebbed nambiriyiib yaa benweneneb, Seten ye aromkono aom doriibdan kuu ebbed God yaa benwananeeb kii. Kwananeeb kuu Godbed yi ambarakmi kuu are nonondandaneene yi kwangkon ne yaa anam andiwendan Godbed yorokmo ongmene yi yumbon kondoon kuu yi kwangkon kandaniib ye dowad kui.’ andoon.

Kwamiwen 4:21

Kwanandiwen kumban korok korok kuu yi yaa kakman komo kamendi kuu kerebkarab yiminban keriwen, amborom kuu komo kwanoon kuye dowadbed nimakarub korem kuu God yaningko kankooniwen kowe, une korondime andi ye weng yenayiib kumbedmo daandekoriwa korondiiwa winiwen.

Galasiadan 1:24

Kwane, yi kuu ne dowadbed God yaningko kankooniwen.

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.