Yesu Ye Weng Amun Lukbed Wongkoon 17:3 - Yomgkom

³ Kwani kowe, yiibmeren oone kangkadme dobirime. “Yiib angkodmimbed ambarakmoka, ‘Eb kuu ambarakmewen kii.’ ande yedmenime. Kwaniiwo, yekareb mimyob kowekore ambarakmi yaa korondoka, are nonondandunime.

Yesu Ye Weng Amun Lukbed Wongkoon 17:3 ပူးပေါင်းရင်းမြစ်များ

Yook 141:5

Korondebko yorokmomanbed ye mimyob dowaken keendi kerekmen yaambed ongkawe ukum kawok. Kukuu ne korok ari bune amun keruwi ye oiyo areb. “Yii, ne korok ari bunaab.” andainban. Arewa kamenabidanbed arewa kamenabimaib kuu kebenok ande kurikuri kamembirimain.

Matyu 18:21

Kwane, Pitambed menene Yesu yaa kaamonoon, “Yariman, nangkodmimbed ne yaa ambarakmaneen kuu, ye yaa are nonondande komoyiib keraniin? Yewudmo kameni kimingke ediib keraniinoo?” andoon.

Yesu Ye Weng Amun Lukbed Wongkoon 21:34

“Kereknembere oonime! Kwanaibban kuu orokbona awarak ok aniya yaa kamemberenib, okad yiri ye barang yaa meenmembaraniiwe, yiib kuu nekwindo aron arimbed kudmeniibban kuyaron keranuun kii,

Efesusdan 5:15

Kwanekob, yiib dobiri yaa kuu korobe kaadkerime, meeni kangdom kerindodan areb keraib, meeni kangdomdan areb kerenib,

Hibrudan 12:15

Karub maa kuu Godbed kabamoon kondoon ye mimyob dowaken yaa kuu burusarandamoko wedmenibka, ye yaa dedmone yedmenenib awanenime. Kwane, yiib kuu wungkanabi darewoob mung kook areb wandaib, karub maambed wungkanabi darewoob kerene dabab bangkandene yemoon ben abdon yiri wanandamoko wedmenibka, ye yaa kangkon dedmone yedmenenib awanenime.

Yems 5:19

Nangkodmia, karub kanembed karub maa anam anam ye kiwaan koronde angkani ye karub wedmenaneen kuu kuye kiwaan ari ika nenwananeen kuu,

2 Yoon 1:8

Kaadkerime, yiibka kangkadmime. Kwanibka, nub yoom yiib yoom komo ambangkuwen kuu kombere biknaan andid. Yesu ye deme kwane ari ambangkembirime, amborom kuu kakman kuu yiminmo yaambed kondaneen kowe.